قد إيه حبك يامصر (مربعات من فن الواو)

يحرم عليّه القوت

لمّا انتى غمّستيه

من تحت { ورق التوت }

بقى غم ومسّتيه

بلدنا بلد السياحة
والجو فيها مليح
والقلعة حلوة بصراحة
واللي يشوفها يسيح

يا مصر لون لحمك

ما بقاش خلاص وردى

فوقه ظهر شحمك

ما نفعش فيه وِردى

دبيت صباع فى العين

علشان ما ننضرشى

ياكلك غراب البين

ويمز بالطرشى

قالولي غض البصر
أنا قلت مقدرشي
أنا أصل قلبي انكسر
وحب ولا طالشي

قاتلنا ليه حبها ؟؟

ماترد ياابن خليل

قالوا عشان جنبها

بقى ييجى الف خليل

دلوقتى شوف قلبها

تلقاه بيشغى قلوب

الذنب مش ذنبها

اصل الهرم مقلوب

كلمة حرام ما بقاش

فى قاموسنا ليها حساب

جه الإيمان مالاقاش

لقلوبنا فيه ابواب

يوم الحساب دا قريب

للى ما يعرف دين

ما فيناش ملاك وغريب

خلينا اهو ساكتين

يا مديح نصيحة أبوك
خليها نصب عينيك
لو بالبنات جابوك
ماتخلى شئ يعنيك
***
الزهيرى

عاتغنى ليه سواح
فى الغورى والقلعة
لو حرمة من سواح
أسترها لو قالعة
***
الزهيرى

إنت سافرت عشان
تشوف هناك حريمات؟
لو بالجمال على شان
والله العفش كان مات
***
الزهيرى

لو كت ناوى جواز
حداى بنات ياما
لكن دول قزاز
ياخدك فى دوامة
***
الزهيرى

يا عم عادل عوض
يا حبيبي يابن النيل
ربك عليه العوض
ف كل مصري أصيل

نقى ربيبة الدين
هيه اللى تقعدلك
تدى الوداد ودين
زهرة و تاج عود لك
***
الزهيرى

المصرى لسّه بحاله

والشهم لسّاه حى

لو نام له حبه وماله

الإنتباه .. اهو جاى

يا ابنى الجمال لزوال
والجسم ياكله الدود
و الدين بريقه ما زال
كون للأدب مشدود
***
الزهيرى

جابر ما غيّر قول

واهو قال عن الحريمات

يغزل قوالته النول

وينقى فى الفتلات

ياابنى اللى تتعرى
دى تبقى مش توبنا
دى حريم بلاد بره
واحنا يوب توبنا
***
الزهيرى

امتى الجمال حا يعود ؟؟

لمصر بعد الشيب

إزاى ومصر العود

غلطان واقول العيب

عانصح وليد خيّك
اللى البنات فتنوه
عشان يكون زيك
ما يموت فى حجر أبوه
***
الزهيرى
هههههههههههههههه

التوبه تبقى بعيد

ما اتوبش عن حبها

وعمرى لو حا يبيد

انا اندفن جنبها

أنا مالى بالحريمات
يكفى اللى صار سابق
قولنا صبح حرامات
مع إنه كان سابق
***
الزهيرى

غيّرنا ليه مواضيع

خلينا فى الحضره

ارجع بلاشنا نضيع

سيرتها دى خضره

يا حسام جمالهم زيف
ما تعومشى ويا مديح
إنت اللى إسمك سيف
ما عايجرفكش الريح
***
الزهيرى