متفتكرش

ومتفتكرش ان الرجوع شايل براءة الاحتمال
أو جسر سهل حتعبره
ويعيد على قلبك في ساعة محنته
نفس السؤال
أنا كنت راهب في كنيسة قسوتك
مشتاق اعدي
م الكنيسة لجنتك
فبقيت أقول
الدمع احيانا بيغسل قلب
مفطوم ع الكرامة
والحب رغم القسوة بيحط ف المجروح علامة
دلوقتي .. أية اللي ممكن يعمله
مفتاح مخازن الاشتياق
القلب فاق
والفرحة اللي انت كنت خلقتها ف الروح
بقت احساس بيدبح كل يوم
احساس جديد
يومك سعيد
وأرجع لأول سطر شعري
ف القصيدة
القلب قال
ومتفتكرش ان الرجوع شايل براءة الاحتمال