قد إيه حبك يامصر (مربعات من فن الواو)

ولدك يا عادل زين

وابنك يا جابر حر

روحوا الحقوا الاتنين

قبل الأوان ما يمر

فى العتمه قيدوا شموع

علشان يلاقوا طريق

إيه راح تفيدنا دموع

عاجزه تطفى حريق

بنلف ف الحلقة

والدايرة مقفوله

والديب عايز شنقه

ويا أمنا الغوله

يا با خلاص ملّيت

م الغربه وسنينها

م الآهه كاسي مليت

والدمعه وأنينها

ــــــــــــــــ

محتار يا ابوي والعقل

لقيته مني شتّ

م الفرقه قلبي ملّ

والفرحه مني مشت

ساسه مفيش إخلاص
فى حديت بيتمرجح
ميته يجينا خلاص
ويا اللى غاب يرجع
***

الذله جات فى دموع
خطفوه فى قاع دارنا
وحديتنا ليه مرجوع
عايزين يقع دارنا
***

قاسين فى نبش جروح
عايدبحوا فينا
و ولدنا بات مجروح
وجعه يبكينا
***

دلوك عانشكى هموم
على الفرقة لولدنا
غمضنا عنهم يوم
الحزن زوادنا
***

المر شقانا
لما إنكوينا بيه
والحر ما جانا
فى الحلم يوم ما لاقيه
***

الولد ديما حر
قلبه النضيف يشهد
خادعوه سقاناه المر
فى قساوة المشهد
***

إنسى كاسات الهم
فكر تعود ميته
خلى العدو يتلم
يلزم حيطان بيته
***

الفرحه لينا تعود
لما تكون فيها
نحلم تكون موجود
حسك دوا لينا
***

الريح جابتلى اخبار

إن الولد عا يعود

طلق هناك البار

وعاد لرب الجود

ابن مصر الأصيل

لا بد يوم هيعود

دا شارب مية نيل

وطبعه طبع الأسود

طوّلت ليه غيبتك ؟؟

حضنك وحشنى كتير

ذنبى ان انا سيبتك

معلش ذنبى كبير

عاود وخد حقك

إرجع ياضى العين

ما اعرفش مين زقك ؟

وتروح فى ارض الطين

صورتك قصاد عينى

وابنك فى حضن الشين

ويوم ما حا تجينى

حا اقفل عليك جفنين

من قلبى أنا مسامحه

حتى ولو رام شين

والخطوة ليه رامحه

بالننى والرمشين

***

الزهيرى

مهما علىّ يقسى

عمرى ما أفرط فيه

لو حتى يوم ينسى

دا شمعى ليش أطفيه

***

الزهيرى

قلبى خلاص أهو راق

من يمته وصفا

ما عانفتحوش أوراق

عطف الأبوة عفا

***

الزهيرى

عكازى حنت ليه

يدى اللى فارقها

ما لقيتشى شى تاليه

كان همى سارقها

***

الزهيرى

أقسى عليه بكلام

ودمع قلبى ينز

وأنا اللى قصدى علام

دا جرحه فيه يحز

***

الزهيرى

مهما يكون جانى

على قلبى أنا صافح

ولو معاك جانى

بقلوبنا نتصافح

***

الزهيرى

حاسس أمل جواى

نتلم من تانى

نحضن غناوى الناى

نغزلها بأمانى