مربعات ..فن الواو

مربعات من قلب موجوع
............
احقنوا دماء الغلابه
اتقوا الله في البلاد
ارحمونا ياديابه
الفساد زاد في البلاد
.....................
ارحموا الطفل الرضيع
ذنبه ايه تقتلوا أبوه
اللى قاتل ده وضيع
ياحكومه ماتجيبوه
.............
ياحكومه مش قادرة تنقذ البلد
سيبوها يلا وارحلوا
هاتوا شباب الثورة اللى انجلد
أحسن ما ف دم الغلابه.. تتوحلوا
.............
هقول الحق ولو حتى فيه إعدامي
هقول الجد لو حتى يكون موتي
شباب زي الورد ماتوا قدامي
ولو كلكم ضدي مش هتكتموا صوتي
................
أنا لاتبع حزب ولاكتله
ولا عمري هكون تابع
أنا الللي هحارب القتله
وحقك يا شهيد راجع

يابت جملك هبشنى
والهبشه جت فى العبايه
رمان صدرك روشنى
خلا فطوري عشايا
...........................
ده بردو مربع صعيدى بيعتمد على الجناس الناقص تحياتى ياعم عادل