قد إيه حبك يامصر (مربعات من فن الواو)

قالوا { الفاروق } راجع

قهقت .. عندينا ؟؟!!!

قلبّتوا فى مواجع

يا دنيا عاندينا

بيعي خلخالك .. ياشبة
واستنطقي..الشعب ..بدموعك
شارع ..الموت اصطفاكي
واستخبي ..بين ضلوعك

منعوا الحشيش إيّاك !!

طب مين بيسطلنا ؟؟؟

قالوا لى غطّى قفاك

م الضرب باسطينّا

خلخالها زاينها

مين اللى طب باعه ؟؟

سوّاقها عاينها

وباعنا .. تبّاعُه

خلى السلاح صاحى
للودن كات مالية
دلوك تكون صاحى
لو الدماغ عالية
***
الزهيرى

وشقّوا توبها الزين

وحزموها بيه

من يومها بت حزين

والحسن رحت ابكيه

فاديت بعينى و رقبتى
رنة خلاخيلها
دلوك يا عينى رقبتى
مات فى الخلا خيلها
***
الزهيرى

خلّى السلاح صاحى

قلناها فى الشدّه

خفت بها جراحى

دلوقتى فيه { رِدّه }

نفسي ازور الوطن

وف... حضنة ادفا

سايق عليا الهبل

ومغير الدفا

تقولش ها اتجوزة

..واحضر الزفة

مصر ياحتته سكره

قلبو وحلو بيكى

وباعوكى ياجوهره

ونهبوا أراضيكى

توبها اللى بات مشقوق
عملوه لولادها مشانق
والآهه باحته شقوق
فى القلب تتعانق
***
الزهيرى

جالى طلب يدك
وأنا قلت له يحنن
لما الفساد يدك
عليك عانتحنن
***
الزهيرى

ولدى فى شرم الشيخ
ما خبرش أيه صابه
خابره رباية شيخ
ماسك لأعصابه
***
الزهيرى

من قوله متوغوش
الحس كنه دبيح
صايبه صفار فى الوش
قول إيش جرى يا مديح
***
الزهيرى

ماتيجو بينا بقى

نوضع لها خطه

ترجع ليوم مجدها

لو ندبح القطه

بين البلاد وحدة
وانتي اللي عقدة وحل

يابنت ..شاة بندر

صان العهود واتزل

ابوكي مش عيل

ولابنطلونة

اتبل

جابر الزهيرى كتب:: ولدى فى شرم الشيخ
ما خبرش أيه صابه
خابره رباية شيخ
ماسك لأعصابه
***
الزهيرى

من قوله متوغوش
الحس كنه دبيح
صايبه صفار فى الوش
قول إيش جرى يا مديح

الزهيري

عشقت والله السياحه

وقولت اجرّب عملها

بيعوموا بسم السياحه

بنات وقالعه هدومها

محمد مديح

وعيوني لمحت ما بينهم

بنت ف الحسن آيــــــه

قرّبت انا من مكانهم

قرّبت وبكل غايـــــــــه

يا للي عشقت السياحة
وزعلت منها بسرعه
ومالها يعني السباحه
دي مصر للفن قلعة

شاعر على ادى ده قصيده انت كتبها على فكره انا سمعتها من شاعر قبل كده وتقريبا صعيدى فيا ريت تسمعنا شاعر على ادى ويبقى ليك الشكر مع خالص تحياتى على فكره ياريت تشرفنى بلمرور على قصتى (صرخه*) badrhhhh

حبيبي يا محمد يا مديح
بحبك يا بني ليه معرفش
بطل بس ف مصر مديح
عشان دي حبي معطلكش

وانت يا عمي حسام راح اقولك

مصر الأهل وكل ما لينا

مهما تهيني ومهما تذلّك

عشقها برضه تملّي مالينا

سياحه م { السيحان }

يعنى ما فيش فايده

وقتنا السيء حان

كل البدن قايده

سياحتنا متقشّره

على راسنا كيف زلعه

سألنا .. متعشّره ؟؟؟

قالوا البلد قالعه

بقيتى تاكلى خلاص

من عرى ابداننا

وآمنتى للخنّاس

للفُجر ابدا لنا

» مربعات فى فن الواو
» مربعات الواو
» مربعات ..فن الواو
» من الواو (مربعات من محاولاتى)
» جحا والحمار(من مربعات فن الواو )