قد إيه حبك يامصر (مربعات من فن الواو)

الواو كتبته محبة
تشفى جريح الفؤاد
أشكر أساتذة وأحبة
وفاء وماما وداد
***
وأبويا عادل كبيرنا
اللى فى شعره علامة
هو غطانا وبيرنا
واحنا كبيرنا بعلامه
***
ومهما أقول وأناظر
مع زملا فى الشعر غيرى
فن المربع له ناظر
واسمه ولد الزهيرى
***

تحية شكر وتقدير إلى أساتذة فن الواو على هذا المنتدى وعلى رأسهم ناظر مدرسة الواو الشاعر

جابر الزهيرى والمبدع الرائع بابا عادل سند والمبدعتين الكبيرتين وداد الهوارى ووفاء أمين

على كل ما قدموا لنا نحن الشعراء الشباب من توجيهات أفادتنا فى تعلم هذا الفن الجميل

لننال شهادة تخرج موقعة بأسمائهم اللامعة

إلى اللقاء أساتذتى فى مساجلات جديدة لنتعلم أكثر وأكثر

رشا فؤاد

Very Happy

شكر واجب

ـــــــــــــ

نشكر هنا بالقول

كل اللي ساهم معانا

ونمدح كمان ونقول

يــارب تمم هــنانـــا

الزهيري

يازهيري قولك نور

خلى القلوب تفرح

قلمك دا كاس بيدور

ما سايبشي ولا مطرح

***

علمنا قول المربع

علمنا قول الحق

ده ليك سلامنا مربع

يا ابو قلب مليان صدق

عمي عادل

وابوي عادل سند

كان ف الأساس هوّه

لينا العوض والسند

مالي القلوب جوّه

***

بحروفه كنا نطير

أصله هنا مدرسه

وقلبه مليان خير

على برّه قلبي رسى

ماما وداد

وامي كمان وده

كانت هنا على طول

ف الرخوه والشده

المدح ليها يطول

***

شاكر أنا فضلها

شاكر ومش بكلام

دا دمعي ده فاض لها

وما حد ليا لام

ماما وفاء

وامي الجميله وفاء

معاها شفت الهنا

القلب كله وفاء

وفرحنا بيها هنا

***

دعوتها كانت أمل

شفت قليب عاصي

ولا لحظه منها أملّ

ولا فضلها ناسي

حسام خليل

أما ولد عمي

راح اقول كتير عنه

لا فصحى ولا عامي

توفيه ف يوم حقه

***

عاشقه وعشقي صحيح

مش حروف ف كلام

داويت ف قلب جريح

عاشقك أنا يا حسام

رشا فؤاد

القلب والله انتشى

لما سمع قولها

غاليه ف قلبي يا رشا

دي شهادة انا بقولها

***

ليكي هنا بصمتك

وعلامه محفوره

حتى القلوب عشقتك

من ضحكه ف الصوره

فؤاد ابراهيم

يا فؤاد كمان نوّرت

صفحاتنا بحروفك

وكمان هنا صوّرت

الآهه مع خوفك

***

شاعر ف قولك عجب

عاميّه وف فصحى

قلمك دا ياما شجب

خلّى القلوب تصحى

ماما عزه

أما انتي يا عزه

قلبي ف كلامك سرح

ف قلبي ليكي معزّه

منبع لكل الفرح

***

قولك جميل يسحر

حرفك شعاع مفرود

تملي دا يبهر

ويعزف غنا ع العود

أمينه شامه

هنا إسمها محفور

وسابت لنا علامه

فتحت طاقات النور

أمينه بت شامه

مروه البسيوني

وكمان هنا مروه

شاركت ف قصتنا

ف مربعات حره

ولا لحظه سابتنا

ضياء الدين البري

شكراً يا عم ضياء

ياللي انت واد بري

قولك معانا أضاء

ف البحر وف بري

القول سحر قلمي

من فنكو الهادف

نسّاني فين ألمي

وما بقيت انا خايف

يارب لجل النبي

إغفر لكل الناس

رضاك يادوب مطلبي

إعصمنا م الوسواس

والسلام عليكم ورحمة الله وبركاته

وإلى اللقاء في مربعات ( ............. )

شكراً لكم

Very Happy

تحيا

مصر

جابر الزهيرى كتب :

وعم قوله دوايا

لهمومنا دايماً يطبب

إحساسه ريشة ودواية

عادل ميزانه و مطبب

***

اسمه مصادف مسمى

عادل فى فعله وحديته

يسلم يمين اللى سمى

خير عم وأخ ارتضيته

***********

انت اللى كنت الأدب

والكلمه والموال

وكل حرف إنكتب

عنّك بحرفه إتقال

رشا فؤاد كتبت :

وأبويا عادل كبيرنا
اللى فى شعره علامة
هو غطانا وبيرنا
واحنا كبيرنا بعلامه

********

انتى اللى نجمك لمع

قلبى فرح بيكى

والحرف منك جمع

الورد حواليكى

محمد مديح كتب :

عمي عادل

وابوي عادل سند

كان ف الأساس هوّه

لينا العوض والسند

مالي القلوب جوّه

***

بحروفه كنا نطير

أصله هنا مدرسه

وقلبه مليان خير

على برّه قلبي رسى

**********

انت اللى كنت اساس

ومركز الدايره

وحرفك الحساس

خلّى القلوب حايره

للواو يا صاحبي مخارج

يعرفها زيك مصاحب

مش كل داخل وخارج

يروحلها او يصاحب

اخي العزيز ابدعت

الاستاذ الشاعر الكبير

جابر الزهيرى

الاستاذتان الكبيرتان

وداد الهوارى / وفاء امين

اخوتى وابنائى الأعزاء

الذين اناروا وأضافوا الكثير الى هذه المساجله

كل الشكر والتقدير على إبداعكم الرائع فى تلك المساجله

وخوفاّ من النسيان . اليكم جميعاّ تحياتى .

وعلى هذا تنقل المساجله الى قسم المساجلات .

والى اللقاء فى مساجلات أخرى ..

» مربعات فى فن الواو
» مربعات الواو
» مربعات ..فن الواو
» من الواو (مربعات من محاولاتى)
» جحا والحمار(من مربعات فن الواو )