قد إيه حبك يامصر (مربعات من فن الواو)

خلينا فى همّنا

وليه نحيد عنه

نرجع بقى لأمنا

ما فيش هروب منه

دخلت في التوهان
ملقيتش حد غيري
وشدني انسان
اسمه جابر زهيري

وتهت يوم كمان
بحثت عن سند
لقيت عنده الأمان
عادل عوض سند

تقولوا مهما تقولوا

والله مالنا غيرها

وان عشنا عمر بطولو

مانلقى ف جمالها

ا

انا اللى ياما بكيت
ومليت كشاكيلك
تارينى وحدى جيت
وفاكرنى بشكيلك

لحب مصر هنرجع تاني
مهما نروح ونلف بعيد
ونقول لعزة الزرقاني
بنحب مصر يا عزة أكيد

انا اللى ياما بكيت

ومليت كشاكيلك

تارينى وحدى جيت

ولوحدى بشكيلك

أهلا أهلا وفاء أمين
بكره الفرحة هتيجي أكيد
ويروح حزنك قولي آمين
ونشوف مصر وحالها سعيد

شكواكى ناضرها

بدموعك الغاليه

ماضيها .. حاضرها

ليها زمان عاليه

حسام خليل كتب:: لحب مصر هنرجع تاني
مهما نروح ونلف بعيد
ونقول لعزة الزرقاني
بنحب مصر يا عزة أكيد

ومصر كمان اكيد بتحبك

علشان طيبتك ليك بتميل

صعب تسيبك تهمل قلبك

وانت الحب وليها خليل

ماعادش لينا آمال

إلا كرامة العيش

عز الرجال لو مال

يكره عليها يعيش

قد ايه حبك يا مصر
سؤال ملوشي اجابة بجد
ولو قعدت لحد العصر
علشان حبك ملهوش حد

نديها حب بكوم

وترده ليه بقسوه ؟!

ما كفهاشى هموم

ما احنا ولا نسوى

فى عرفها احنا

اشياء ولا نسوى

بنعيشوا فى المحنه

رجال مع نسوه

امتى بقى تحسنا

وتمد إيدها بزاد

دا احنا مع نحسنا

رافضانا اى بلاد

يا مصر مهما يكون
بردو هقول يمّه
كله ف حبك يهون
بس اكشفي الغمة

قالوا بلاد ناميه

واحنا اصل التاريخ

الناس بقت عاميه

ويحاربوا بالصواريخ

الغمه كاسيه الناس

واللقمه حاصرتهم

وشربوا مر الكاس

ماتوا بحسرتهم

بس كفاية يا مصر
معادش تاني كلام
هقوم اصلي الفجر
وهبيعك وانام

حا اقوم اصلى يجوز

يغفر لها ربى

وارفع إيديّه الجوز

واشكى له من حبى

الفجر حان بآدان

حا نقوم وحا نصلّى

دا الخلق ليها ودان

تسمع بما حصلّى

عادل عوض سند كتب:: نديها حب بكوم

وترده ليه بقسوه ؟!

ما كفهاشى هموم

ما احنا ولا نسوى

أزاى تقول مانسوى

واحنا اللى بانينها

تسقينا م القسوة

واحنا ضيا عينها

حا اصرخ واقول يارب

يكفيها { آل يعقوب }

يمكن ميزانها يطب

لو حتى طب بطوب

وانا اللى بيها ابتلى
وبحبها عايش
غرقان فى بحر البلا
ومن غيرها مش عايش

يامصر قومى بقى
وحنى على ولادك
عدلك خلاص انتهى
والُغرب اولادك

ما احنا اللى بانيينها

وهيّه هدّانا

كله على عينها

وبرضه مدّانا