قد إيه حبك يامصر (مربعات من فن الواو)

كلامك اللى انكتب

طالع من الوجدان

والحبر مهما كدب

الحب فيه بيبان

من امتى كان حرفنا

يجرح ولا يداوى

واحنا كان ضهرنا

ليهم معدّاوى

صعبان عليّه الأمل

بيموت على مهده

سألنا قالوا الأجل

واخد عليك عهده

خلّوا الصوان منصوب

وشيوخنا متربّعه

اصل النظر معصوب

وأمورنا { متطبّعه }

خــــــــــــيرنا .. مـا جـاب لـــــــينا

والحـــــــلم آهــــــــو إتـشــــــحـتف

كل اللـــى جــــاى لــــــــينا ......

شـــــــــمَّر .. ضـربـنــــا بكـــــــــف

وداد الهـــــــــــــــوارى

واللهِ بحبك قوى

مهما لاموا عنيكى

وانا ببقى جنبك قوى

ماكبرش غير بيكى

الخير !!!! وفين هوّه ؟؟؟؟

أخدوه على برّه

واحنا اللى من جوّه

سايبين لنا المُرّه

عادل عوض سند كتب:

الخير !!!! وفين هوّه ؟؟؟؟

أخدوه على برّه

واحنا اللى من جوّه

سايبين لنا المُرّه

***************

المـُــــــــر ..دقــــــــــنا ، وقـــــــولنا:

غـصب خـــــــــدنا علــــــــــيه

وإتحـــــــــلوَّن فـــــــ قــــــولــــــونا !!

صـــــــــــبراً رضـــــــــينا بيــــــــــــه

***

بـــــــــــس المــــــــرار نعيــــــــــــش

خـــــــــــرفان و جـــــــــــــــوانا

ذرة كـــــــــــــرامـة مـا فـيــــــــــــــش

واللقــــــــــــمة لاهــــــــــــــيانا !!!!!

وداد الهــــــــــــــــوارى

العِز كان مرتبه

ومجدنا مخدّه

تاريخنا فى المكتبه

الحرف فيه صدّى

من كُتر شُرب المُر

المعده مش طايقه

وحالنا ما بيسُر

والعيشه مش رايقه

كرامتنا جوّه الكفن

خدنا العزا فيها

ولمّا فاح العفن

ديبنا عزق فيها

يا لــــــــــيلة ســـــــــــوخـة آمـال

مـا تقــولـــــــش كـــيه واصـــــــل

ع تـعـيــــــــــشوا كيه فــ أوحــــال

كــــــــيف ترضــــــــوا بالحـاصــل؟

وداد الهــــــــــــــــوارى

عيشنا وزى ما قال

ورضينا بالمكتوب

ولمّا مال الحال

الكل بات مغلوب

مقهور كسير النفس

ما بيدى أعدل حال

وصوتى بايت همس

من فعلة الأندال

صحّيتى ليه جرحى ؟؟

بالملح ليه كاتماه ؟

ما شفت يوم فرحى

وف عِزه قولت الآه

يامصر .. دابحانى

قاتلانى بالراحه

فكرى الخلاص حانى

اتاريه واخد راحه

هذا المربع من مربعات الشاعر الكبير
حسين علّام السوهاجي
أحد رواد فن الواو

يا مصر دا احنا جمالك
سايبانا ليه يطحنونا
دا احنا اللي دُبنا ف جمالك
خلّيكي بينا حنونه

[center]هذا المربع من مربعات الشاعر الكبير
حسين علّام السوهاجي
أحد رواد فن الواو

جوّاكي عايش كما تور

مربوط ف حلسي السواقي

عاملاني ترس ف ماتور

نسقي وأرضك شراقي

[/size]

ماعادش تجدى السقايه

والارض صبحت عقيم

رقيناها بميت آيه

أستغفرالله العظيم

جملى من الحمل نخ

والحمل اصبح تقيل

والرجل وقعت فى فخ

والجسم بايت عليل

عادل عوض سند كتب:

عيشنا وزى ما قال

ورضينا بالمكتوب

ولمّا مال الحال

الكل بات مغلوب

***************

والله وعـال يـا بـلدَّ

برجــــالهـا مغــــلوبة

لـمَّا ياجـــــينى الــــولدَّ

متـــــشندَّل فــــ تـــــوبه

وداد الهـــــــــــــوارى

عادل عوض سند كتب:

مقهور كسير النفس

ما بيدى أعدل حال

وصوتى بايت همس

من فعلة الأندال

***********

صـــــــــوت الـرجــــــــال إتـحـــــــــبـس

كـــــــــــيــف العـَــــــــــــمل يـا امـــــــاي

حــقاشــــــى أصــــــــرَّخ .. جـــــــــرَّس

والنــــــــسوة يبكــــــــــــــوا مـعــــــــــاي

وداد الهــــــــــــــــوارى

عادل عوض سند كتب:

صحّيتى ليه جرحى ؟؟

بالملح ليه كاتماه ؟

ما شفت يوم فرحى

وف عِزه قولت الآه

********************

آمــــــــانة يكـــــــفى عـــــــــديدَّ

وجـروحـــــــــنا لــــــــــــــموَّهـا

مـا شــــــبعنا م التعـــــــــــــديــَّد

قــــــوموا ، وفـُضــــــــوهـا !!!!

وداد الهـــــــــــــــــوارى

عادل عوض سند كتب:

يامصر .. دابحانى

قاتلانى بالراحه

فكرى الخلاص حانى

اتاريه واخد راحه

**********

مـا بـيـــــــدهـــاش ســــــكاكـــــــين

دابحــــــــينـا من خــــــــــــــوفنا

مــــا قــــــولنا : لأ .. ســــــــاكـين

حـــــــلوقـنا بكـــــــــــفوفـنا !!!!!!

وداد الهـــــــــــــوارى

وداد الهوارى كتب:

عادل عوض سند كتب:

مقهور كسير النفس

ما بيدى أعدل حال

وصوتى بايت همس

من فعلة الأندال

***********

صـــــــــوت الـرجــــــــال إتـحـــــــــبـس

كـــــــــــيــف العـَــــــــــــمل يـا امـــــــاي

حــقاشــــــى أصــــــــرَّخ .. جـــــــــرَّس

والنــــــــسوة يبكــــــــــــــوا مـعــــــــــاي

وداد الهــــــــــــــــوارى

مش صوتنا بس إتحبس

الخُلق ضاق فينا

الحى منّا إتكبس

والحزن كفّينا

» مربعات فى فن الواو
» مربعات الواو
» مربعات ..فن الواو
» من الواو (مربعات من محاولاتى)
» جحا والحمار(من مربعات فن الواو )