قد إيه حبك يامصر (مربعات من فن الواو)

إزاى فى يوم ولدك
مايكونش دا المصرى
وتقول عليه بلدك
دا يهودى مش مصرى
***

وتشتت الأفكار
وأنت السبب عاشق
عشان هناك مكار
نشانه ليك راشق
***

العشق سهمه صاب
قلبك عشان أخضر
صبح عليل منصاب
والعود ما عاد أخضر
***

أماى فى جوفها بتزعق
والعقل ودى وجاب
عشان خادوك ما تزعق
وفتحت ليهم باب
***

الكل فيك لوام
وانت ما دارى حد
على بحرهم عوام
لابد تلزم حد
***

حالك فى موج قلاب
يقلب عليك الكون
ننده يقولوا غاب
ولا عادشى فيه مضمون
***

الورد فيك دبلان
يبكى على حالك
و يقول دا ليهم لان
والهجر ترحالك
***

في 1:18 am

--------------------------------------------------------------------------------

جابر الزهيرى كتب:
نهار أبوك مدهون
نيله وفوقها سواد
بلدك عليك عاتهون
عاود لى بكره يا واد
***
الزهيرى



وقـولت بـــووووووووووه يا خـــــــلق

مـا حـــــــــدَّ ســــــــــامعـــنى

خـــــــلتنى أشـُــــــــق الخـَــــــــــــلق

وأبـــــــنى مـــــــا طـــــــايعــــــنى



وداد الهـــــــــــــــوارى



الواد عياره فلت
و راح لحضن عداه
نسى عيار إتفلت
فى صدر أخوه و رداه
***

هو الجمال نساك
شهيد ومات فى الجيش
ولا الزمن قساك
خليك هناك ما تجيش
***
الزهيرى

بعد أما غاروا بعيد
بيك أنت عايعاودوا
بطل تقول وتعيد
ما كفاية بيك راودوا
***
الزهيرى

عكازى كنه اكسر
لما تركنى السند
م الحزن قلبى إتعصر
يا أخويا عادل سند
***
الزهيرى

انصب يا أخويا صيوان
ناخد عزاه يايدنا
قلبه حجر صوان
دا موته يوم عيدنا
***
الزهيرى

أبكى على اللى مات
ولا على اللى حى
نصبوا العديد حريمات
عينى ما رقبت ضى
***
الزهيرى

خليك مع اللى غاووك
وأنا أقول ما خلفتوش
ما تقولشى إنى أبوك
دا الحق ما عرفتوش
***
الزهيرى

ولدك يجيك بكره
من صدرهم راضع
لينا أكيد يكره
وما تبقى ليه رادع
***
الزهيرى

يا حسام أخوك أهو مات
جهز قوام كفنه
حداية جت وحامت
ويا غراب دفنه
***
الزهيرى

قسماً براس جدك
قلبى ما يرضى عليك
إلا إن رجع جدك
وبكيت بدم عينيك
***
الزهيرى

بحبك يامصر

وبعشق ترابك

والف المداين

وأرجع لبابك

واحس بكيانى وكرامتى ف رحابك

يقولوا فقيره .. يقولوا أسيره ..

بشوفك أميره ..

واحبك يا مصر

***

أخى الشاعر الرائع الأستاذ / جابر

جميل ما خطت يداك

وعظيمة من كتب لها

جمعنا الله دوما على حب الله والوطن

دمت بكل الحب أستاذى

وإلى لقاء أنتظره

إلى الشاعر الأستاذ فؤاد 66 :
بلدى دى أم بلاد
كتب التاريخ عنها
قولك جميل يا فؤاد
المعنى صاينها
***
الأخ الشاعر فؤاد 66 المقطع الذى شرفتنا به فى صفحة المربعات إظهار لموهبتك فى كتابة العامية كما وجدتها كبيرة على صفحات الفصحى
ولكن فن الواو يعتمد على التركيز فى شطرات أربع الأول والثالث بقفل واحد وكذلك الثانى والرابع
أتمنى منكم مراجعة ما يكتب فى هذا الموضوع ومرحباً بمساهماتكم التى تسعدنى جداً
كل الشكر والتقدير
الزهيرى