قد إيه حبك يامصر (مربعات من فن الواو)

انا حزنى اكبر بياما

لما حزن يعقوب

معادش لابنى سلامه

لما ف إيلات يجوب

الوِلد ضاعت يابلدى

وامتى نجيبه وفين

بكره عا اشوف ولدى

له أبن اسمه كوهين

ما عجبش انى العنك

واكره اجيب سيرتك

يتشل منى الحنك

انا خوفى من حيرتك

ولادنا سافروا اسرائيل

ولقيوا شغل هناك

وإتجوزوا براشيل

وإتكلفتوا بشباك

لقيوا هناك السكن

والحضن فيها حرير

قالوا بلاه الوطن

علّم فى جنبى حصير

قومى الحقى إبنى

هاتيه ولو مكسور

عمّال هناك يبنى

حاجب أخوه بالسور

بنده وصوتى إتخرس

وما حد سامعنى

قوموا ودقّوا الجرس

دا القبر جامعنى

ياخلق هووووه الحقوا

عا اقطع جلابيتى

شفت اليهود حلّقوا

على ابنى فى بيتى

ما عدش عندى الامل

ابنى يعود تانى

يارب حين الأجل

دى بلادى ناسيانى

وقاللى فى غربته

انت اللى ليّه حبيب

على كتفه كات قربته

داير فى تل أبيب

بصراحه يادولا

شاعر ملكش زى

لا فيه ف قولك قوله

ولا زيك أى أى

جابر الزهيرى كتب:

نهار أبوك مدهون
نيله وفوقها سواد
بلدك عليك عاتهون
عاود لى بكره يا واد
***
الزهيرى

وقـولت بـــووووووووووه يا خـــــــلق

مـا حـــــــــدَّ ســــــــــامعـــنى

خـــــــلتنى أشـُــــــــق الخـَــــــــــــلق

وأبـــــــنى مـــــــا طـــــــايعــــــنى

وداد الهـــــــــــــــوارى

عادل عوض سند كتب:

قومى الحقى إبنى

هاتيه ولو مكسور

عمّال هناك يبنى

حاجب أخوه بالسور

أفهــــــــــم عـــليها .. كــــــيف

وكـــــــــيف خـــــدوك مِــــــــنى

غـَــــــمسـتهُـم بـرَغِـــــــــــيـف

وولــــــــــــيدي يـهــــــزمنى ؟!

وداد الهـــــــــــــوارى

جابر الزهيرى كتب:

على مين كتبت كتاب
ومين مسك يدك
رايح تناسب دياب
مصايبها عاتهدك
***
الزهيرى

ع تـجيـبهــــــــا عِـــــــــــندى الـدار ؟

ومــــــــين ع يـخـــــــــدم مــــــــــين؟

يـاك مــــاشـــــــــى بالـــــمنـدار ؟!!!!

بـتـاريـخــــــــــنا يا ابـن الزيـــــــــن

وداد الهـــــــــــــــوارى

يا مصر ليه الزمن
خلاكي بتخافي

سيبيلي انتي الكفن
واتغطي بلحافي

ياعزه إبنى إتخطف

وراشيل اهى حامل

وورد مصر إتقطف

وحفيدى مش كامل

وبعد عشرين سنه

عانلقى جيشهم فيه

أحفادى . صلبى أنا

جندى وبتربيه

الإبن كيف سيبتوه

داير فى تل أبيب

الأخ يقتل أخوه

ويشده م التلابيب

ابنى فى حضن يهود

نايم فى فرشتهم

وشكله مش حا يعود

عالسكّه فرشتهم

الذنب مش ذنبهم

ولا غلطه غلطتهم

لقوا نفسهم جنبهم

فى بناتها خلطتهم

نفسي ازور الوطن

وف... حضنة ادفا

سايق عليا ( الهبل )

ومغير الدفا

( الهبل ) ( غيرى هذه المفردة لتكون قافيتك فيها على منوال الوطن - فطن -
عطن ..مثلاً )

************************ المربع لحـــــــدّ هنا يا أمينة أكتمل

ورائع مبنى ووزن ومعنى ( مربع واو صح ) أمشى كده .

************

هذين الشطرتين أكملى عليهما مربع جديد

تقولش ها اتجوزة
ـــــــــــــــــــــــــــــــــــ أن تكون قافية البيت الأول والثالث واحدة ، والثانيى والرابع
متجانسان وأستخدمى التورية والجناس .

..واحضر الزفة

دمتم شبابنا بخير وإبداع

وداد الهــــــــــــوارى

أماى حزينه عليك
من حلمك الزايف
وبكره راح يبليك
منه تكون خايف
***

ليه تعشق التوهان
ويا لسان حيه
تاخدك تكون متهان
وتكتفك هيه
***

أيش يعجبك فيهم
المكر فى توبهم
ولا إحنا منيهم
ولا توبنا كان توبهم
***

خطفوك ببسمتهم
ويا كلام ناعم
رحت إنت سمتهم
عشقك ومش فاهم
***

» مربعات فى فن الواو
» مربعات الواو
» مربعات ..فن الواو
» من الواو (مربعات من محاولاتى)
» جحا والحمار(من مربعات فن الواو )