قد إيه حبك يامصر (مربعات من فن الواو)

يا أبو قلب زى الحجر
دا المولى عايسامح
ولدك قليبه اتفطر
وإنت ما عاتسامح
***

ناصب عزا على مين
هو الجواز بقى موت
بكره تكون ع المين
قبل الجدع مايموت
***

يا زهيرى هات الواد
وقعده فى ريحك
وقول لأمه وداد
ما تزيد تباريحك
***

يعنى إنت وانت صغير
قلبك ما ردش جمال؟
ولا يا أخوى عاتغير
لما الكبر جه مال
***

صابك يا أخوى تخريف
أيش اللى عاتقوله
إحنا رباية ريف
بعاداته وأصوله
***
الزهيرى

أنا قلت انام ف حضنها

نار حبها قايدة

أكيد هتدي لابنها

لكن مفيش فايدة

ناسى أنى ولد أنصار
و جدنا زرارة
و ولدنا للعدا سار
وعدانا غدارة
***
الزهيرى

خف الهذار يا علاء
دا أخوك هموم صابته
ابنه جايب له بلاء
من ليفى وعصابته
***
الزهيرى

مصر التي في خاطري وفي فمي

أين المروءة والشهامة والنبي

يا دار عبلة بالجواء تكلمي

ليه سيبتي جارك للعدو الأجنبي

سابنى وقال عاروح
واكسب ومن كدى
دا اللى ملانى جروح
أنا عادبحه بيدى
***
الزهيرى

قلبك حنين قوى
بس إنت عاتكابر
من قولى ياك تتلوى
روح هاته يا جابر
***

جابر يا ابو الأزهار

متلمش على ولدك

شوف مين بناله جدار

وجار على بلدك

دا حتى لو كان مات
هاته ينام جار أخوه
ما تسبشى للحريمات
حبل الأسود يرخوه
***

قولك دا زين ليهم
يملوبه راس الولد
ويعيش محابيهم
وكمان يخون البلد
***

يا مصر انا متغظ

ودقيقة وهفرقع

تدي العدو الغاز

وف لحمنا يولع

يا مصر مش هو انا

لزما نقول الحق

دا اللي بيوزنا

ابنك علاء رزق

ياريته كان الغاز

ويرجعولى الواد

يحرق ابوهم جاز

واسمع بأبنى اهو عاد

يارب فيك العشم

ابنى وليه يعود

ماهوه كان م الغشم

ينجوز ابنى يهود

بعتوا الولد يصونوه

أحسن يجيله حماس

لجل اليهود يبنوه

ويغسلوله الراس

احفادنا لسه هناك

واتعمدوا بيهود

هلبت انت إيّاك

مارضيش لسّه تعود ؟؟

غسلوله فى دماغه

وغيروا الأفكار

وبيقلبوا داغه

وايدينا احنا ف نار

خلاص عرفت انا هعمل ايه

وطني يُباع ويُشترَى

مقدرش اشوف واسكت عليه

سأنام حتى لا أرى
تصبحوا على خير

لو نمنا فى الكوابيس

برضك بااشوف ابنى

حاضن عليه أبليس

فى جداره راح يبنى

يا ابوي خلاص سامح

ألم الفراق يقتل

خلّي الجليب سامح

ولكلمتي إعقل

راح اجيبها وارجع حداكو

علشان يا ابوي ارضيك

ده المر قلبي داجو

واشتجت انا اراضيك