فضفض .....

العادي بطل يبهرك وبقيت.. زي القزاز عريان
وزن الوطن والبيت ..تفاعيله م الغربان
حسب اللي قالوا عليه
لابد تتمشى
..
وإن كبرت العشه م الصعب تتلون
...
الألوانات ع القد..
والكد له شرطين
...
تتعب


مبقتش حاجة م اللي كنت راسمها
الأرض خطوة وحزننا بيقسمها
قالوا انت ف ايدك بالدماغ تحسمها
وإن عوزت تكبر خف م الكلاكيع
..

مبقتش حاجة م اللي كنت راسمها
الأرض خطوة وحملنا بيقسمها
قالوا انت ف ايدك بالدماغ تحسمها
وإن عوزت توصل خف م الكلاكيع
..
إوعاك يغرك كدبها الشفتشي
أو تيجي مرة وبالبياض تنتشي
راح اللي ماتوا وهي ولا تختشي
لساها قادرة في اللي ماتوا تبيع
...
..ـــــــــــــــــ
الليل بيشبه كل حاجة ف عصرنا
والنور مكنش بيشبه الماضي

مبقاش مهم تفضفضي
ضهرك فضي
واللي انت كنتي بترفضي
تلاقيه ...حصل

الحزن مبيعرفش قول
ولا ينتمي لأوزان
ولا له في باب المحزونين قالب
..
الضربة وسط الروح بتحش في الغالب
...
وتخلي توب الصمت يكسي الناس
..
الحزن وقت ما ينفجر - بصحيح - بيتوه الاحساس

الحزن مبيعرفش قول
ولا ينتمي لأوزان
ولا له في باب المحزونين قالب
..
الضربة وسط الروح بتحش في الغالب
...
وتخلي توب الصمت يكسي الناس
..
الحزن وقت ما ينفجر - بصحيح - بيتوه الاحساس
..
ونا لسه تايه والكلام ممسوخ

فضيّت وضاقت واستتب الحزن

الزمزمية المية مبتفضلش فيها
والدنيا نادت للعطش والخوف يجيها
انا كنت عايش باتسند علي كتف صاحب
دلوقت ساحب هدمتى وساحباني بيها
...
فضيّت وضاقت والتقى له الحزن مرسى
ورا كل لحظة بيتزرع في القلب كارثة
مين اللي قال ان الحياة للفرحه غارسة
وإن كان ..؟
هتقدر وانت - كحيان - تشتريها
..
شربت ونادت ع اللي يشرب من شروقك
طلعت همومك والقلق علشان ...تدوقك
سلّمت رايتك للوجع في الليل يسوقك
وبقيت بتضحك ضحكة ممسوخة
وسفيهه
..

كان لسه فاضل هزيمة
وطريق معتبتوش
كان لسه فاضل معايا
كدبة وأمل مخدوش
كان لسه عالم انت اختصرت الحكاية
ومشيت

مبقاش مهم تفضفضي
ضهرك فضي
كل اللي كنتي بترفضي
تلاقيه ...حصل
..
يا - نفس - فاضل قد ايه علشان نلاقي الماضي يوم
...
من كل أدرانه
اتغسل

شكل الحيطان مش هو واللمة
مبقتش تنجد حد م الغربة

منتاش طبيعي بحزنك المغسول
المكوي تحت الوعى
والفلسفة
من فترة كان الدفا بيكش منه البرد
ومكنش طوق الغربة وسع الشوف
من فترة كان الخوف
بيخس لو نضحك
او نستخبى ف نكتة بنت حلال
دلوقت طعم الحاجة متغير
فيه الف ضربه بتقفل

ومن أكتر حجات فيا بتاخد وقت وبتجري بروحى لحد أخر شط م الأوجاع
..
فراق صاحب ونظرة عطف أو شفقة

من فترة كان الدفا بيكش منه البرد
ومكنش طوق الوحدة وسع الشوف
من فترة كان الخوف بيحس لو نضحك
او نستخبى ف نكتة بنت حلال
دلوقت طعم الحاجة والأحوال
مش هو له فترة
..
و ياريت لو انت نويت تحضر بحزنك ع الورق وتعوم
إوعاك تسيبه ف بؤجة الفلسفة
أو تحت عين الوعي
...
إحضر كإنك حد مش واعي
وإقلع جدور الخنقة وإرميها
ف أول رصيف يقبل خطاك بالليل
وإبعد بعيد م الناس
الكل له
وعليه
وانت اللي لسه ديونك البايتة
ع الكل بتعلم

مبقتش حاجة م اللي كنت راسمها
الأرض خطوة ....وحزننا بيقسمها
قالوا انت ف ايدك بالدماغ تحسمها
وإن عوزت تكبر خف
م الكلاكيع
..
وإن شوفت بايع إوعى تستغربه
خلي الوجايع - بالفلوس - يهربوا
حلّي اللي حاصل بالغياب وإشربه
وأحفظ أصول الخفة
والتطبيع
..
وإعدل ضميرك زي ضمايرهم

من فترة كان الدفا بيكش منه البرد
ومكنش طوق الوحدة وسع الشوف
من فترة كان الخوف
بيحس لو نضحك
او نستخبى ف نكتة بنت حلال
دلوقت طعم الحاجة والأحوال
مش هو له فترة
..
من فترة كنت نويت تحضر بحزنك ع الورق وتعوم
إوعاك تسيبه ف بؤجة الفلسفة
أو تحت عين الوعي
...
أو بين سنان القوم

...
إحضر كإنك حد مش واعي
وإقلع جدور الخنقة وإرميها
ف أول رصيف بالليل يقبل خطاك تمشية
وإبعد بعيد م الناس
الكل له
وعليه
..
وانت اللي لسه ديونك البايتة ع الكل بتعلم
..
علم كلامك ينفجر بشويش
ويخف م الدوشة
..
وإكتب روشتة ببنط مش واضح
ولا حد يقدر يفهمة إلاك
..
إن خف ضربك
..
حي هتكمل
...
وإن خف صبر الروح
ف أكيد بتتجمل
..
وبتمشي وسط الناس مش في الظلام والخفا
..
من فترة كان الدفا

حدائقي الصفراء تقتات الخضار
وبراعم الحرية الحمقاء يرويها الحصار
مابين أن أمضي بلا وجه

دلوقت روحي السليمة
بيخشها الانسان
بقت الهزيمة .. هزيمة
والضل عاود ضل مش بستان
...
شكل الشوارع هو وترابه
اليوم بيجري بيسرق ..أحبابه
كل اللي وقعوا علي الطريق سابوا
رجلك في ايد الخنقة والأحزان
...
بتجر فيك وبتسحلك بشويش
بين ذكري طايره ولقميات العيش
كام لقطة منك ضايعة .....مبتكفيش
تعدل ميزان الصورة والألوان
..
انا كنت برفض أرتبط بالناس
أو

أنا بانصهر م الضحك علي دقني
صدقني لسه الخوف مصدقني
لما الأمل مرضيش يعلمني
ناب الوجع في الخنقة قام داقني
..
شكل المسافة لروحي مش خالصة

أنا بانصهر م الضحك علي دقني
صدقني لسه الخوف مصدقني
لما الأمل مرضيش يعديني
ناب الوجع في الخنقة قام داقني
شكل المسافة لروحي مش خالصة
والوقت لسه مصرّ ع الخالصة
من كل أشكال الحياه
الأرض دي
بتقول لنا
خالصة

مقفلتش بابك
الشبابيك بيخبط فيها الريح
غطيت كراكيبك بالموجود ومشيت
الخطوة مبتحملش
روح
والكلام بيطل ع الفاضي
اللمة مغشوشة
والسوس بيضحك وحده في الصورة
والجي
جي
بدون
...
تعابير تشدك م القلق والخوف
..
مكسوف تقول
..
محتاج
..
بتخش في تيابك
وبتنصهر م الضحك علي دقنك
غلطان عشان ندمان
إنك أمنت بقدرة التعبير
أمشير بيحفر شق ف خدودك
ووجودك الممسوخ
..
بيدوخ
..
لما البنات ترميك
بالضحك
والخرابيش
..
تضطر تاني تعيش وتخش ف عنيهم
ف يضموا كراكيبك
وينفضوك
وتنام

احييك على حرفك وإحساسك الراقى
واعرفك بأننى لازلت متابعاً لصحتك الراقية

طاهر طاهر كتب:

احييك على حرفك وإحساسك الراقى
واعرفك بأننى لازلت متابعاً  لصحتك الراقية

تسلم لي والله يأ/ طاهر

كبرت ..!؟
شيل ..واتحمل الشيلة
ومتنحنيش أو تقبل الميلة
فات الكتير والباقي بس يدوب
يتحقق المكتوب
وهتخلص
الليلة
..
عديت ولسه معاك مسافات هتتعدي
مخاليق كتير ويدوب بس القلوب واحده
إسند علي اللي لقاك والضحكة ماليه الروح
تلقاه كتاب مفتوح
وسطوره مش
جاحده
..
تكتب
ميستغناش أو يقفل التعبير
أمشير خياله مجاش ولا له خيال أمشير