فضفض .....

روحك بتعرج
والمسافة الباقية بتخضك
العوزة سن وسيفه متحضر
والراحة عرض وحصري ع المرتاح
خشيت بتقلك ع الحياة وجريت
والسير بيجري تحت منك بيك
وانت ف محلك حد مش واصل

كفكف ياعم يجوز
أخر الطريق هتفوز
إوعاك تعيشها ..عجوز
والكرمشة تحملها
...
مش قصة ولا حدوتة
تمشي الحياة مكبوتة
دي العيشة لو فتفوتة
م الطيبة
بتجملها
...
دوّر هتلقى أكيد
إحساس بدون تجاعيد
فيه الوطن بيزيد
والضي بيكملها

كفكف ياعم يجوز
أخر الطريق هتفوز
إوعاك تعيشها ..عجوز
والكرمشة تحملها
...
مش قصة ولا حدوتة
تمشي الحياة مكبوتة
دي العيشة لو فتفوتة
م الطيبة
بتجملها
...
دوّر هتلقى أكيد
إحساس بدون تجاعيد
فيه الوطن بيزيد
والضي بيكملها
....
ـــــــــ
روحك بتعرج
والمسافة الباقية بتخضك
العوزة سن وسيفه متحضر
والراحة عرض وحصري ع المرتاح
خشيت بتقلك ع الحياة وجريت
والسير بيجري تحت منك بيك
وانت ف محلك حد مش واصل
واصل وكمل وإوعي تستفرد
بالروح بواقي الدنيا وتسيبك
واقف تصد الضي
عن قلبك

عادي
...
مخنوق شوية وكل شئ هيعود
لاخر سطور انا كنت جواها
بطلع حقيقي بره تعاويري
عديني لو معرفتش السكة
وخديني مني وطمنيني عشان
فيه كتف مايل منى عايز بيه
أعمل مصب لحمل بنانيتي
ف ميقلقوش م الجى
لو لقيوا
واقف ف بابه بداية مضروبة
وحكاية باهته بتشبة العايشين
المحتاجين للضم
والضحكة
..
انا لسه ماسك شعرة سانداني
بتشد برخي واما ترخي ..باعيش
تناتيش كتيرة ساكنة احزاني

عادي
...
مخنوق شوية وكل شئ هيعود
لاخر سطور انا كنت جواها
بطلع حقيقي بره تعاويري
عديني لو معرفتش السكة
وخديني مني وطمنيني عشان
فيه كتف مايل منى عايز بيه
أعمل مصب لحمل بنانيتي
ف ميقلقوش م الجى
لو لقيوا
واقف ف بابه بداية مضروبة
وحكاية باهته بتشبة العايشين
المحتاجين للضم
والعيشة
..
....
ــــــــــــــــــــــــــــــــــــــــــــــــــ
انا لسه ماسك شعرة سانداني
بتشد برخي واما ترخي ..باعيش
متصدقيش ف الحرف أحزاني
كل اللي قلته م الكلام دا ..مفيش
فيه م الحقيقة إلا حاجة يدوب
..
أنا لسه راضي بقسمة المكتوب

كل اللي بيني وبيني
اسم قديم
وشهادة يوم خدتها ونزلت للمعازيم
كان فيا قلب سليم
واتغش بالأيام
انا لسه فاكر ضحكة الاحلام
لما الوطن

فضفضت ياما ولسه نفس الداء
غرقان ف بحر الخنقة والانواء
ولا مرة صدفه بتصدق الأنباء
وتحلي لينا الجي و المفروض
..
عايش وعارف إن بوحك شئ
مبقاش يمنتج قسوة المعروض

كتر الكلام
والرغي أصبح سمه
والضحكيات ع الدقن كالأوسمة
عشمان يعدي البحر يم النور
والعتميات بالدور
علي روحة
متقسمة
...

كتر الكلام
والرغي أصبح سمه
والضحكيات ع الدقن كالأوسمة
عشمان يعدي البحر يم النور
والعتميات بالدور
علي روحة
متقسمة
...
شكل الخطى ع السكة
مش منضبط
وف كل حلم بيحلمه بيتخبط
عايش طليق القلب واما انتوى
يدخل عرين الهوى

وبتنهزم
اول ما تصحي الصبح وتلاقي الشوارع صاحبة بالخوف القديم

متختصرش حاجة
انزل ع الصفحة بتخاريفك وردود الخوف ف عروقك
واكتب عن كل اللي بيضرب ف جنابك
من زحمة وخوف وقلق وضمير
بيحاول يفضل
وميبهتش
دا ف ظل تزايد سعر العيشة
وقصر اليد
وصوت البرد ف

دق الخطى علي درب
مش منضبط
وف كل حلم بيحلمه بيتخبط
عايش طليق القلب واما انتوى
يدخل عرين الهوى
ملقاش قلوب
ترتبط
..
ردوه وضحكوا من سؤاله عليه
كان كل همه يلاقي سطر إليه

كل اللي جواك مش بيخرج
المسافة ف ضل بنانيتك بتصغر
والقلق بيخش ع البيت م البيبان
مبقاش مهم تعرّف العالم
وبلاش تعور حد أو تجرح كيان
الأهم تلم تعابين الشعور
..
السلام
مبقاش ف عجز قصيدة او خاتمة
ومعدش ييجي ف بحر
او ضحكة شجر
الصور
مبتلتفتش للهفة الصياد
ولا حتى عارفه بر

كل اللي جواك مش بيخرج
المسافة ف ضل بنانيتك بتصغر
والقلق بيخش ع البيت
م البيبان
...
مبقاش مهم تعرّف العالم
وبلاش تعور حد أو تجرح كيان
الأهم تلم تعابين الشعور
وتخش ع الواقع
صحيح
من غير ما يتزوق كلام
..
السلام
مبقاش ف عجز قصيدة ولا خاتمة
ومعدش ييجي ف بحر
او ضحكة شجر
نص الصور
مبتلتفتش للهفة الصياد
ولا حتى حاسه برجفة الكاميرا
كل اللي هامم فيها زغزغة الهوا
والشعر لما يطير
..
انا لسه حي
وحي اكتر من زمان
الرؤيه زادت والوشوش
مكشوفة للي يشوف
مبقتش عارف اغش حد ل قلبي ف يقعمز
يعزمنى علي روحي
ويشيل معايا رداءة المعروض
كل اما اشوفه
يردني
ويغيب
ويشد كرسي وينجعص جواي
...
عريان
..
بردان
وتحت الشمس مطرح بس مش ليا

متختصرش حاجة
انزل ع الصفحة بتخاريفك وردود الخوف ف عروقك
واكتب عن كل اللي بيضرب ف جنابك
من زحمة وخوف ...وقلق ..وضمير
بيحاول يفضل..
...
أكتب عن أخر قمري قابلته
وكان بيطير
بس الريح
بتخش ف روحه
وتتمطع
فإضطر بأخر قوة ف قلبه يسلم للصيد
ويشد جناب

متختصرش حاجة
انزل ع الصفحة بتخاريفك وردود الخوف ف عروقك
واكتب عن كل اللي بيضرب ف جنابك جواك
من زحمة وخوف ...وقلق ..وضمير
بيحاول يفضل..
...
أكتب عن أخر قمري قابلته
وكان بيطير
والريح
خشت ف عروقه
وسرقت روحه
فإضطر بأخر قوة ف قلبه يسلم للصياد
ويشد جناحه لتحت
...
ويضحك
.
إكتب عن
وقت ما كنت قصير وغرقت ف شبر
شبّيت
ورفعت يمينك فوق
وفضلت تعافر وتعافر وكإن الأرض /الجنة
فاتحالك دراعينها ومنتظراك
تسقيها الضي
وتسقيك
وطلعت يوميها بقلب جديد
مبيلمعش
..
إكتب عن
ما بعد
21/6/2004
وازاي ف لحظة الدنيا بيشقشق
قلقها وبردها
وازاي يجيك البحر لأول مرة من غير
ضحكته
وميسمعكش
يخش ف عروقك يخاف
يلمح حجات جواك
ماهيش
..
زيك
ـــ

مش عارف اكتب حاجة ..تكتبني
المعنى سوطه بصمت أدبني
انا حي جدا بس لما بروح
أغسل جناب.. الروح
العتمه بتجيبنى
..

إكتب عن
2004 وما بعدها
وازاي ف لحظة الدنيا بيشقشق قلقها وبردها
وازاي يجيك البحر ماسك
ضحكته
وميسمعكش
يخش ف عروقك يخاف
يلمح حجات جواك
ماهيش
..
زيك
ـــ

ال تعريفات مبقتش بتعرف
وال طبطبات ع الكتف بتشرف
شكل الشوارع مختلف عن قبل
وف روحنا فتلوا الحبل

بتشدك الأرض لترابها
ف تنضغط
وبتجري وتناور سهام ال وقت والضيق والفراغ
معمول تحري عن الدماغ
اللي انت قادر بيها تتحدى ال مافيش
وتقول هاعيش
..

لو كان ف هذا الوقت تأثير
ع الروابط
إهربوا ..ومتفضلوش
أصل اللي باقي من الكتاب سطرين يدوبك ميساعوش
و بلاش تطبب حاجة مش باقيه
ومكان

ال تعريفات مبقتش بتعرف
وال طبطبات - الكدب - بتشرف
شكل الشوارع مختلف عن قبل
وف ضيي فتلوا الحبل
والأمن متطرف
..
مرهق كإني ف حرب مكرورة

ال تعريفات مبقتش بتعرف
وال طبطبات - الكدب - بتشرف
شكل الشوارع مختلف عن قبل
وف روحي فتلوا الحبل
وقالولي أتصرف
..
ونا لسه مرهق زي سطر عجوز مسنود في معنى كئيب ومتحرف

سأكتب
ما تيسر من ... بلاد
ومن بلاده

لو كان ف هذا الوقت تأثير
ع الروابط
إهربوا ..ومتفضلوش
كل اللي باقي م الكتاب سطرين يدوبك ميساعوش
تطبيب حجات ... مالهاش دوا
...
خفف حمولك لو نويت
تفرد جناحك
ع الهوا