فضفض .....

اخر جواب
انا لسه مكتبتوش
معرفش ليه مستنياه يوصل
الصمت خد ف ايدينه ضحكتنا
وبقينا وسط غباره نتلاقي
قتالة بصة حزن مش بيخاف
بتاخدنا قبل الشمس ما تنور
أو بعدها ...وتضم أرواحنا
صامت وروحك ف السكوت ..بيفوت
الوقت منها
و تنزرع غربة
..
فاكر زمان لما احنا كنا يدوب
الحزن ييجي دقيقة ويروّح
فاكرك بوّش منور الأيام
وعيون بريئة
وضحكة مش تقليد
ايدك بتمسح عني - لما الناس
تهدم قصوري - الأهة والتجاعيد
...
......
.......
ـــــــــــــــــــــــــــــــ
فاكرك وفاكر إني كنت زمان
إنسان ف ايده وروحه بالألوان
معرفش ايه اللي اختلف بي الأن
وبقيت أشوفني لوحدي
معرفنيش

واهو ماشي لسه
بنفس تكوينه
شكل المالوش ع الارض ضلع
ولا
سند
بيخش وسط الجمع فارد ضحكته
شايل حكايته ف بؤجة مش واسعه
ضحكايته لاسعه الحزن وبتكوي
جرح السنين ف شقوقه والتجاعيد
رجليه ف طول الشمس
بس أقصر
من إنها توجد له ضلايه
الغاية منها توصل الوحدة
لأقرب شيطان وارد يسيب له براح
يخلق ف روحه الشعر او حتى
يكسر ف عين الشمس
إحساسه
ناسوا انطفوا وقت اما قالوا خلاص
عجزت شكلك ياما والظاهر
قلبك هيفضل فاضي
ومخوخ
تسند ف توب الوحدة والضله
تفضل ونيسك
بس
بين الناس
..
مضحكش رغم الكسر ف ضلوعه
ومشالش حاجة تغش له روحه
ساب اللي قالوا ع اللي سامع
ع اللي مش مهتم
وبدأ بأخر عزم ف عروقه
يجمع حروفه
ويمشي بين الناس

والله زمان يامنتدى .. روحتوا فين ياشعراء

لساك بتفرد
وش
ويكرمش
م الدنيا لما الأرض تصفى له

شطبت ناس
شطبت م الروح الحماس
شطبت تآشير المرور
وأصبح مابين العيشة وكابوسك تماس
..
واضح وضوح الوهم ف الحلم المثالي
الدنيا واخده الوقت ودماغك تسالي
تجري ف خطاها كإنه مسموحه المعالي
والعالي عالي لحد ما يعلّوا المداس