فضفض .....

فكيت أحلامك م السبحه
ورميت مفاتيحك والساعه
بطلت تقلّق لو تجري ورا منك عقاربها وتلسع
وزوال الحالي بيحلالك
دلوقتي ..
أو بعد شوية
أصل الحواديت بايخه أساسا
والناس بتكرر نفسيها
...
مركز أوجاع مربوطة ف ناس عمالة تدور من حواليها
...
علي كرسي الصاله اللي ف روحك
بتضايف مخاليق .. براني
ضحكة مصدية - فرح مبتور - وحبيبة بتخفي بخوفها النور

ومعدتش من أخر مرة
شاورت لي بروحها المجروحة
وقالتلي سلام
...
كل الأيام تشبه توبي
غامق بيغمق مكتوبي
و

لازلت اتابع معك حرفك وإحساسك الجميلين
تحياتى وتقديرى

طاهر طاهر كتب:

لازلت اتابع معك حرفك وإحساسك الجميلين
تحياتى وتقديرى

ربنا يبارك لك يا أ/ طاهر
واتني اني استحق متابعتك

والزمان بيعادي روحنا
والظروف حفظت جروحنا
قالوا جينا ....بس روحنا
واللي راح في الراح... بيسبق

مش عميق انا بس لكن
لسه وسط الأهة
باغرق

من امتي كان الشوف
بيوافق الحراس
وبلادي - تورتة - خوف
ومسكرة بالناس

جدول ضرب
ـــــ
الكراسة اتقطعت مني
وليه الحصة ما بتعديش
عم مشيل نسي جرس الفسحة
وأبلة سهام بدأت تفتيش
صف وتانى وقربت ليا
ضربت واحد كان قبليا
واما عيونها اتخبطت فيا
تهته قلبي وقال ...
ماتجيش
...
وقفت جمبي وشافت روحي
ماشية بترجف ع الكراسه
قلت ف بالي تعالوا خدوني
ولا هاتولي بدالكوا حراسه
ليه سايبيني لوحدي ف حصة
ماسكة ف ياقة خوفي الخاصة
كل ما أرص تبوظ الرصة
وترجع روحنا بخوف
متعاصه
..
قالت فين كراستك راحت
قلت إتقطعت غصب عني
ضحكت واما عنيها اتسعت
نطت كام عفريته ف سني
قبل ما تبدأ ...
جرس الفسحة
قرر بعد النومة دي يصحي
قالت إوعي تصدق مزحة
انك قادر تهرب
مني
..
من وقتيها وروحي أساسا
ماشية بتعرج وسط السرب
كل جداول عمري إتقلبت
من حلاوتها
لجدول
ضرب