فضفض .....

الضحك ضحك كإنه بؤرة...جنون
والعتمة ضلع ف ضله قلبي اتحبس
لا عرفت أعدي البحر ولا يحزنون
ويقولوا قلبي ب جني شعر.. اتلبس
..

الضحك ضحك كإنه بؤرة... جنون
والعتمة ضلع ف ضله قلبي اتحبس
لا عرفت أعدي البحر ولا يحزنون
ويقولوا قلبي ب جني شعر.. اتلبس
..
الشعر أبسط وزن لو هتعيش
تعدل ما بين الانبساط
والعبس

عامل ايه يا مقاول
..
واحشني
...
من 2004 وكل حاجة ببعد واحد
والنظر مبقاش يجيب أبعد من الخطوة
للمربكات سطوة
ف عنيا ..
لكن
امي لسه بتتسند علي خطوتك
وتدوس
علي كل حاجة ب تقلق
البنتين
..
بتشيل قرودهم تفتكر روحك
بتحب رانيا وأخر العنقود
زينب
وليدة أخر العنقود
...
ولإني لسه ف ثقب م الحادث
بطلت احس بتغييرات الجو
وإن كنت قولت بردت مرة
ف كل دا
..
تمثيل
..
علشان يقولوا مازلت حي
..
جميل
..
وهيتبدي يرتاح
..

..
البحر مش هيفضل هو هو والزمن .. بيغير الأبعاد
تعتاد علي اللي مالوش مسار معتاد
ولابد لاجل ما تمشي مشوارك في السكة تتبدل
تغطس ف جتة حد مش تبعك
او ترمي مبدأ صدى م الركنه
او في النهاية تستظل
بحيط
..
’’شيوع الخطأ لا ينفي عنه صفة ال ..
..
الشيوع
...
م الصعب تظهر لو هتفضل ف الجموع
الغوغائية بتشبه النور في السطوع
أما الوضوح في الصح
يبقي جنون
..

الزاد
...
يكفي ..
..
ربما
..
إن خف حلمي
..
أو خففت إلي المهادنة البسيطة والعروش
..
لا ترفع الرأس العبوس وربما تركوك خلف الهامش المسطور
..
تحيا

بينك وبينك مشوارين وعبور
ونهار بيضحك زور
بينك بينك حزن غاوي يزور
أرض الحبايب وانت مش فيها

موصلتش
ووصلت لأخرك
وكتاب فاضي بإسمك فخرك
نص السلم نقص وعارف
رقص الحلم اساس لمساخرك

البحر مش هيفضل هو هو
والزمن ........ بيغير الأبعاد
تعتاد علي اللي مالوش مسار معتاد
ولابد لاجل ما تمشي مشوارك في السكة تتبدل
تغطس ف جتة حد مش تبعك او ترمي مبدأ صدى م الركنه
أو تستكن ف وحدتك وتعيش
او في النهاية تستظل
بحيط
..
خيارات كتيرة واي حد .. عبيط ..بيكتف الخيارات
ويخلي روحه ف منأي م التطوير
..
الطبطبات تبرير
والاكتفاء بالضحك بيزيد الحموضة
الجري نص الجدعنة والضرب لسه ف يدهم ف الأصل موضة
بيغيروه علي قد تخن الجلد
وردود الغباء
..
وإن قلت أي يقولوا ’’قد صبأ الغبي ’’ وغاب عنه الانتماء
..
ـــــــــــــ
بينك وبين البحر- حد -عجوز
ودليل ف خيط م العتمة عاش محجوز
بينك وبينك ألف ألف يجوز
ويقين بإنك لسه هتواصل
..
فاصل وبكره تكمل
الغنوه

إصفرّت ولسه ماسكة فرع الحياه
وريح الحوادث .....بألف إتجاه
لا هنا -إنما- من هناك النجاه
فإن خفت ..أخفض
وعش دون هامه
..
ف كم قالوا عنا وكم أشبعونا
بأنّا وأنّا

خروج أمن
بدون دوشة ولا تنظير

الحلم صفصف والوشوش .. كشت
والسكة جاتها العتمة ....واتمشت
شافنا الوجع قال بس دي اتعشت
الخير كتير بسم الله يابن العم
...
مضحكش ليه الهم واتبسم
ليا في كلامي وسابني باتقسم
قاللي الحياة في الأصل بتجسم

خروج أمن بدون دوشة

الحلم صفصف والوشوش ... كشت
والسكة جاتها العتمة ..... واتمشت
شافنا الوجع قال بس دي اتعشت
الرحله جاهزة والحيارى كتير
...
دلوقت أكبر أمنيات الناس
خروج أمن بدون تعاوير

الوحدة واحدة وكلنا في الجو
بنحس غربة لو السنين تحلو
بنخش ساعة ف تأكيدات
وسنين
بنغرق بس تظهر لو
والواحدة من بعد

الوحدة واحدة وكلنا في الجو
بنحس غربة لو السنين تحلو
بندور ونفضل بين مداين لو
والتأكيدات بره المدار
..
والوعى

الوحدة واحدة وكلنا في الجو
بنحس غربة لو السنين تـحلو
بندور ونفضل بين مداين لو
وان يوم نأكد حاجة
..
بنغشها
..
دار الأمل مش بر لما ف يوم
يسكن إليها الشك
ويخشها

مش شعر لكن طعنتين خايبين
طلعت سليمة منـهم الشرايين
الوعي ثابت والشعور بيلين
والضيقة دايرة وكلنا بنلف
...
من فترة واحد قاللي لو هتعيش
جرب شوية من الأماني
تخف
..

رضا فايد كتب:

الله يا عمده....ربنا يزيدك ابداع يا شاعر

تسلم لي يا عمنا
منورني

وان باقي منك حد ترتاح له
إقفل بيبان الخلق وافتح له
هو الوحيد هيحس بجنونك
من غير ما حتى
فمرة تشرح له

مش مصاحب حد ولا روحك
عرفت تصاحب في السنين وتزود
وقت اما ييجي الوقت
يضربها
دلوقت أخر رد في عروقك
تفضل تقلّب في السكك علشان
التوهة وقت العوزة
تشربها

مفضلش من اخر عبور ولا ..حد
الكرمشات ع السطر.. مش بتبان
وإن كنت لسه ف ضحكة الجامعة
طب قوللي فين الصورة والالوان
أو قوللي ايه اللي اختلف

الفرن زايد حرها والناس
ف الصهد غايب منها الاحساس
إن عازوا حاجة علي الضمير ينداس
ويسيبوا روح الكره فينا تشوط
...
شكل الوطن - بصراحه - مش مظبوط

مبقتش حاجة م اللي كنت راسمها
الأرض خطوة ...وحزننا بيقسمها
قالوا انت ف ايدك بالدماغ تحسمها
وإن عوزت تكبر خف م الكلاكيع
..
إوعاك تقوللي ضمير او مبدأي و

مبقتش حاجة م اللي كنت راسمها
الأرض خطوة وحزننا بيقسمها
قالوا انت ف ايدك بالدماغ تحسمها
وإن عوزت تكبر خف م الكلاكيع
..
وإوعاك يغرك كدبها الشفتشي
أو تيجي مرة وبالبياض تنتشي
ملايين عشانها إتوفوا ولا تختشي
تلاقيها دايرة ل حلمهم وتبيع