فضفض .....

الحجات بيكش منها الطعم واللون والإفادة
والصورة لسه بتنكسر...... رغم الإعادة
والمعنى سايب كل حاجة لوقتها
ومخلي فينا الضحك
حائط صد مش حائط سعادة

بخاف م العمر في الليل لما يرمح
وتضم روحي القش ميقبش ضميري
وأخاف جدا قليبي في غفلة يسمح
عتامة الدنيا تمسك خط سيري
وتمشي معايا وتلون
غنايا
..

وعلي قد حملك بتيجي الحمول
وثابت ميعاد الخروج والدخول
وأخرك تلملم من الأرض سبحه
تساعدك تعدي بأمان في الوصول
..
مفيش حاجة أزيد ونفسك بإيدك
وطول منت سايب همومك تقيدك
هتفضل لوحدك تزود وقيدك
وتلقي الخريف شب فوق الفصول

وعلي قد حملك بتيجي الحمول
وثابت ميعاد الخروج والدخول
وأخرك تلملم من الأرض سبحه
تساعدك تعدي بأمان في الوصول
..
مفيش حاجة أزيد ونفسك بإيدك
وطول منت سايب همومك تقيدك
هتفضل لوحدك تزود وقيدك
وتلقي الخريف شب فوق الفصول
....
مجرد كلام والفعال بره صوتك
و....
ـــــــــــــــ
يوماتي بدورعليا.. وبرجع ..بدون ما القي حاجة... توصلني ليا
بكش ف عنيا وبغمض وانام

كبرت وعدا علي شعرك بياضه

وفي الغالب مانيش غالب ولا مغلوب

كبرت وعدا علي شعرك بياضه
وروحك واقفه ف كفوف إبتدائي
قريّب م الحياه والخلق ....
لكن
في قرب الضحك حاسس بالتنائي
..

وعايش زي كل الناس وواخد حقي في المكتوب
ومن ايدي ساعات الدنيا بتسقط ساعات وتدوب
أحس بظلمها ...واما ...أحاسب نفسي بالقاني
وفي الغالب ...مانيش غالب ولا مغلوب

من فين بييجي الرغي لو عوزنا السكوت
وإزاي تفوت المسألة لو ما ا

طب ليه بييجي الرغي لو عوزنا السكوت
وإزاي تنام المسألة لو خوفنا صاحي

طب ليه بييجي الرغي لو عوزنا السكوت
وإزاي تنام المسألة لو خوفنا صاحي
واحد ........بتجمع روحه عتبات البيوت
في الوحده لازم ينهزم حلمه الصباحي
...
ويعيش فراغه بيمسكه ويعلى سوره

طب ليه بييجي الرغي لو عوزنا السكوت
وإزاي تنام المسألة لو خوفنا صاحي
واحد ........بتجمع روحه عتبات البيوت
في الوحده لازم ينفرط حلمه الصباحي
...
ويعيش فراغه بيمسكه ويعلّى سوره
نبض الوطن في العوزة مش قادر يزوره
عافر وحاول يبتسم علي قد صوته
واما ابتدى ف البعد قالوا ..من غروره
..
ــــــــــــــــــ
...
عايش
وليا صحاب وشغلانه
ومتجوز
وعندي بنات -
..
ملايكة مخلطة بشياطين
..
وليا هوايه مش مظبوطة بس يدوب
بتهرب بيا م اللحظة
وتاخد بايدي
م المعلش
..
بخاف الغش والتقطيع
وأخاف م الدمعة لو هتذيع
واخاف م الشروة لما ف وقت ضيقة تبيع
وأخاف أبقى كيان
غيري
..
بقالي كتير خطوط سيري
متشبهنيش
..
,,,ف متغنيش يا عم عماد وعاود تاني لو تقدر
لأول سطر ’’
..
مفاتش القطر بس يجوز
من الواضح
أخوك عجز

مفضلش
من اخر حكاية ختمتها
..
إحساس
..
فارغ
وروحك قد ما بتمشي
وإن زاد شعورك بالوجع ف الناس
بتقضي يوم وإتنين
ولا تنامشي
..
مش حس بيهم ..
بس ...حبة.... خوف
تدخل مكان ومعدش ليك ساتر
تفضل تلاعبك ضحكتك وتشوف
وسط الحروف الكوكب الفاتر
..
الطبطبات ع الكتف كدب خفيف
والمعلشات بتقضي في الواجب
نص اللي ماشي ع السكك دي كفيف
والنص غاوي يرقص الحاجب

مش غامقة والله
ولا فيها حاجة بتزرع الأحزان
كل الحكاية ان انت لو هتعيش
لازم تحدد لو بقيت إنسان

من المبدأ
مافيش مبدأ
ولو تسبق لحاجة أكيد هتبقالك
...
وتلقاها
..
لإن الرحلة ماشية - خلاص - بأقواها

بعرج
وبخرج كل يوم من جتتي
وبعود
مفقود
ولكن لسه مش تايه

أقرب شعور بالنصر لما الضرب ميدومشي
أو لما يمشي الحزن فرداني
من غير ما ياخد في ايده
كام ساعه
ويعدّها م العمر بالثانية
..
أقرب شعور بالنصر مش دنيا
تسرق عيوني وتجري بإيديا
وتشدني ف العتمة وتناور
علي ضمة البنانيت
..
انا كنت حي ..
وجيت
ووصلت للنقطة ال مافيش عوده من تاني بعديها
يا نكمل المشوار بالحمل ونعدي
يا تهدي بينا الخنقة وتخفف
روحك شوية ..شوية
وتسيبك
...
للعرض
...
فوق الكوكب الممسوخ
..
مشروخ
وأقرب ضهر له فترة
زايد عليه الحمل ومسافر
ف الوحدة زيك
وابتسامته
فراغ

انا بانهزم
من قبل حتى ما يعلنوا حروبهم
ومن مافيش الخنقة بتدق الرايات
..
من غير كلام يذكر
..
وبتجري دايما و الفراغ ويايا في الاشارات
وبيسرقوا م الخلق كام تعبير
يشبهني ف يسلم
علي قلبي
ويقعمز
..
معرفش لامتى هتفضل الأحزان تشاورلي وتغمس
وسط الحوادث والكلام والصمت
تعصر عروقي
وتحرق الأعصاب
وتاخدنى م الناس الأهم
وتنحبس بيا
..
انا في الأساس فيا
م الفرح كفة تعادل الكفة
بس الوطن مبيعترفش بحد
إلا اللي عنده ..
وله
وانت اللي لسه ملكش ولا عندك
راح تنكفي بعندك
ف الخنقة وتعافر
علشان تعدي اليوم
من غير ألم
مفتوح
..
كان نفس شكل الروح
والسحنة والافعال
والأرض لما تخس وتغلس
..
واللي اختلف ؟!!
..
معرفش والله ..
بس الأكيدة الصبر وسط الناس م الصبر بيفلس

مش بالهتاف -هناك- بيتزرع - هنا ولا الوطن بيكبر بخبط الألسنه
كل الحكايه نعرف العوزة لما تيجي لو ما التقيتش صاحب بتهد الأنسنه

وكل يوم بينقص من روحك ركن دافي
وكل يوم بتجري ورا بكره ومتجيبوش
وكل ما دا منك .......بتبهت القوافي
ف تلتفت لعمرك بالصــدفه متلقاهوش
..
الأرض تحت رجلك بتلف بيك وترجع
فاكراك هتبقى واحد غيرك فتبقى اشجع
بس الأكاده دايما بتلف ع اللي يوجع
والنكتة لسه صاحية ف القهقه الفاشوش

من عشر سنين
وانت متر واحد وتمانين
ودلوقتى
,,,
وزنك زاد
والمسافة ما بين ردودك والحدث
زادت قوي
...
مبقتش إنسان منطوي
..
ورميت وراك كل الديباجة البايخة عن رسم المصير والسعى
والصبر مفتاح
..
ال..
..
مافيش
..
بطلت في الأحلام تعيش
..
وبقيت مودرن
..
بشعر مضروب م البياض
..
هايش
..
وكرش
..
بيرد عنك كل تعاويير السؤال ..
..
عن ليه مجيتش
..
و كنت فين ؟!
**
من عشر سنين
كان الضروس أزيد بضرس شمال
...
وضرس يمين
..
وكنت يمين بخش ف كل شئ مطروح
...
وكنت بروح
..
لأخر حل يرضي السلم
...
جوايا
...
ودلوقتى
..
بوازي الطرح لما اقدر
وبجري
يمين
..
وبين البين
...
بيستفرد بتفكيري
..
عن اي هيكون لو اتعكست خطوط سيري
..
وغيبت شوية عن نفسي
....
وجيبت معايا - لو هرجع - من الغيبة
شهادة بإني عيشت يومين
بدون ما اقلق
من الفواتير
..
**

التمثيلية ف أخر اللقطات
إيد البطل ظهرت عروقها وخشخشت
ضحكت عيونه لما شاف البنت طاله م القزاز المش فاميه
وف إيدها بيه
..
بيبص له بأخر قرف
..
عمره اتصرف
علي شقه واسعه وعفش
وإتنين نسكافيه
مكانوش بي..

ومادمنا لسه بنمشي وبنخدش ف أخر ساعات اليوم وش القلق والضغط
وبنلقى رغم المعطيات البايخة والتعاويير شباك بيفتح - ضي -
من غير ما نطلب حاجة أو نرشيه
..
ومادمتي لسه يا بنت - بتخشيه -
..
قلبي العجوز
..
بيكمل الغنوة

التمثيلية ف أخر اللقطات
إيد البطل ظهرت عروقها وخشخشت
ضحكت عيونه لما شاف البنت طاله من القزاز المش فاميه
..
وف إيدها بيه
..
بيبص له بأخر قرف
..
عمره اتصرف
..
علي شقه واسعه وعفش وإتنين نسكافيه
ونهار بيضحك له زمان لكن في دي اللحظة بيبكي عليه
..
’’والتمثيلية مصرة تتحول
بتزود الاحداث .......وبتأول
شكل الزمن - ويا البطل - طول
علشان يلاقي الضل
في الأخر ’’
..
ساخر - أكيد - الزمن لكنه مش ظالم
بيجمع الألوان ويحطها مع بعض
علشان في اخر الأمر
تتناسق اللوحة
..
واهو لسه ماشي البطل في الجيه والروحه
بيغير الشارع .......ويجمع الأولاد
ويلفهم حواليه وبيسقي أصغرهم
أًصعب حكاوي العمر
بالضحكات
..
التمثيلية ف أخر اللقطات

استحمل
وارفع هبوط الروح
علّي السطوح ع المعنى لو غامق
وإن كنت هتسابق
..
عمرك
..
متسبقهوش
..
وإن تكتفي بالمريله أو بالرصاص في القلم
...
أفضل ...أكيد في الألم
...
وبيتمسح علطول
....
الدنيا عرض وطول
وانت اللي واقف مكتفي بالجمب
بتحس لما بتبتسم بالذنب
...
إشمعني يعني
وليه ؟!
.
كل الحكاوى مباحه للي يعيش
مع فرق في العيشة وفي التحويش
مش كل ضربة خفيفة م التهويش
ولا كل ضربة تقيلة
هتهدك
..