فضفض .....

بنت الحقيقة بتكدبك عادي
وتشعلقك ف الحلم وتسيبك
تطلع لاخر رف وتعاود
شايل غبار الوحدة ومعفر
بضحكة عجوزة مش لايقة
..


وشك حكاية بطئية ف الزمن السريع

متدايقة روحك بس مجبورة
تفضل ترش الصبر ع الصورة
وتقضي باقي اللقطة بين الناس
بحماس حروفه الحيه محصورة
..
ما بين يمكن
و
غير مسموح
..

خدشت الروح بنور عيرة
وأرض بتحيا فيها الناس بتسعيرة
ولما أحتجت ترجع تاني زي زمان
زمان عاود

ضمك جنون الوقت ودماغه
محطوطة فيها دماغك الساذجة
بتعدل اللهجة
وبتمشي كيف الضل ع الحيطة

بنت الحقيقة بتكدبك عادي وتشعلقك ف الحلم وتسيبك
تطلع لاخر رف وتعاود شايل غبار الوحدة ومعفر
بضحكة عجوزة مش لايقة عليك لكن
بتضحكها عشان تظبط
خروج الصورة
وسط الناس

وبين المافيش والحياه فرق خطوة
وكام ألف سطوة

كان لسه فاضل م الورق سطرين
ومراية فيها الكسر بيداري
شكلي الحقيقي وضحكتي البايته
كان لسه فاضل م الفضى
صاحب
ساحب جنوني لحد

اهرب
واكفي الحروف البايخة
تجميل المسار
الاضطرارع العيشة بيشين الحياه
والحلم لما تأجلة
بيموت
..
فاكر صحابك تحت شجر التوت
كان ايه معاكم غيرشي ضحكة وقلب
ونهار بيهزم موجبات الخوف

اهرب
واكفي الحروف البايخة
تجميل المسار
الاضطرارع العيشة بيشين الحياه
والحلم لما تأجلة
بيموت
...
إطويه
وعدى البحر واتدارى
من كل نكتة مغيرتش المود
الطبطبات مبقتش صبغة يود
والجرح لسه بينفتح علطول
...
خط الوطن مشغول
..
وانت ف رصيدك بس كام رنة
خايف تطول العوزة يتسحبوا
بين الضرايب
وازدياد
السعر
..
فاكر صحابك تحت شجر التوت
كان ايه معاكم غيرشي ضحكة وقلب
ونهار بيهزم موجبات الخوف

اهرب
واكفي الحروف البايخة
تجميل المسار
الاضطرارع العيشة بيشين الحياه
والحلم لما تأجلة
بيموت
...
إطويه
وعدى البحر واتدارى
من كل نكتة مغيرتش المود
الطبطبات مبقتش صبغة يود
والجرح لسه بينفتح علطول
...
خط الوطن مشغول
..
وانت ف رصيدك بس كام رنة
خايف تطول العوزة يتسحبوا
بين الضرايب
وازدياد
السعر
..
المشي مش بطال
وعشان كده لسه ف محلك دور
علقت فيك الساقية والعصفور
بطل يعدى الصبح ويسلم
غيّر شعور
الشيش
واتبدل الشباك
مبقاش يطل معاك
ع الشمس وقت بداية اللقطة
..
ساقطة الحكاوي البايخة من ايد الكبار

اهرب
واكفي الحروف البايخة
تجميل المسار
الاضطرارع العيشة بيشين الحياه
والحلم لما تأجلة
بيموت
...
إطويه
وعدى البحر واتدارى
من كل نكتة مغيرتش المود
الطبطبات مبقتش صبغة يود
والجرح لسه بينفتح علطول
...
خط الوطن مشغول
..
وانت ف رصيدك بس كام رنة
خايف تطول العوزة يتسحبوا
بين الضرايب
وازدياد
السعر
..
المشي مش بطال
..
وعشان كده لسه ف محلك ...دور
علقت فيك الساقية والعصفور
بطل يعدى الصبح ويسلم
غيّر شعور
الشيش
واتبدل الشباك
مبقاش يطل معاك
ع الشمس وقت بداية اللقطة
..
ساقطة الحكاوي البايتة من ايد الكبار
وقالوا لنا بوسوا ايدينا وش وضهر
واحكوا ف حفاوة ع الكرم والجود
وإن عوزتوا ضحكة ف الدهان موجود
وبلاش تحطوا عنيكوا ع المفقود
بكره اللي جي يظبط
الأحياء
..
وإتظبطوا مانيكان من الأصلي
..
ــــــــــــــ
كان لسه فاضل م الورق سطرين
ومرايه فيها الكسر بيداري
شكلي الحقيقي وضحكتي البايته
كان لسه فاضل م الفضى
صاحب
ساحب جنوني لحد باب العقل
وبيمشي جمبي ف عتمتي ويخاف
لو يوم خبطت ف غيمة مش هي
كان ليه سكة وخطوتي حيه
دلوقت بس خطفنى
من ايديهم

الخنقة ساكنه ضلوعي كيف النبض
والدنيا فاتحة دماغي ....بالخبطات

أنا حى لسه بروحي ومشاكلي
كل اما أفتح يبتدوا أكلي
الحلم ناسي ف خنقتي شكلي

المشي فوق الحبل مش متعب
ومش مرعب
قعود الحزن ع السفرة
يسلم ع اللي ساكنينك ويتضاحك مع عيونهم
وييجي ف كل أخر يوم
ياخدله عزومة
وسط الروح
..
وطن مفتوح بقيت لكن معدشي لمجلسك ألفة
رفعت مابينكم الكلفه
ف قرر يمسخك
انسان
..
إيدين الحزن أبسط شئ ...
تلخبط فرشة الألوان
ـــــــــــــــــ

الدنيا فاتحة دماغي بالخبطات
وبرغم هذا مازلت متغمي
إشمعنى يعني الوقت دا بالذات
تفضل تاخدني بدون ما بتسمي
..
شكل الشوارع ف العيون منفوخ
واللمة ضهر لكنه كله شروخ
مين اللي قال الضحك لما يبوخ
ممكن يا فرحه تجينا وتضمي
..

شكل الشوارع ف العيون ممسوخ
واللمة ضهر بييجي كله شروخ
مين اللي قال الضحك لما يبوخ
ممكن يا فرحه تجينا وتضمي
...
الدنيا فاتحة دماغنا بالخبطات
وبرغم هذا الوعي
متغمي

كتير عدا وباقي كتير
ولسه هتتولد مشاوير
ولو كترت م التفكير
هتتصدع حيطان الروح وتتلاشى
..
جيوب الفكر - مهما يبان ف جوفها الراحه - غشاشة

البنت ياما بتشتكيني لروحها وتعيط
ونا عندي - رغم هدوئي - متصيت
بيزك ...يجرح خمسميت احساس
وان يمشي عادي
العادي بيشيّط
..

البنت ياما بتشتكيني لروحها وتعيط
ونا عندي - رغم هدوئي - متصيت
بيزك ...يجرح خمسميت احساس
وان يمشي عادي
العادي بيشيّط
..
مش فخر لكن ضغط طايل روح
ونا لسه سايب كل شئ بوضوح
بطلت أكدب لما جيتي - حداي
وعملت روحك ناي
فيه الشجن
مسموح
..
معلش ..بس ..المعلشة ببلاش
الدنيا راكبة كتافي مبتوعاش
بتدوسني حبة

البنت لسه بتشتكيني لروحها وتعيط
ونا عندي - رغم هدوئي - متصيت
بيزك ...يجرح خمسميت احساس
وان يمشي عادي
العادي بيشيّط
..
مش فخر لكن ضغط طايل روح
ونا لسه سايب كل شئ بوضوح
بطلت أكدب لما جيتي - حداي
وعملت روحك ناي
فيه الشجن
مسموح
..
معلش ..بس ..المعلشة ببلاش
الدنيا سارقة خطايا مبتوعاش
إن كنت لسه بنسختي الأصلي
ومفاصلي قادره تسابق القشاش
..

طاهر طاهر كتب:

عماد عبد الحكيم كتب:

البنت لسه بتشتكيني لروحها وتعيط
ونا عندي - رغم هدوئي - متصيت
بيزك ...يجرح خمسميت احساس
وان يمشي عادي
العادي بيشيّط  
..
مش فخر لكن ضغط طايل روح
ونا لسه سايب كل شئ بوضوح
بطلت أكدب لما جيتي - حداي
وعملت روحك ناي
فيه الشجن
مسموح
..
معلش ..بس ..المعلشة ببلاش
الدنيا سارقة خطايا مبتوعاش



الله على احساسك الرائع وخواطرك الاكثر ابداعا
تحياتى
إن كنت لسه بنسختي الأصلي
ومفاصلي قادره تسابق القشاش
..

يارب تسلم يا أ/ طاهر

الحضرة موصوله
ودماغي مش حاضرة
والمركبة الخضرة
مبقتش شايلاني
دي شيلاني مبتحميش
دق الغبار ع الشيش
وفتح له يتسلى
الكل جاك ... إلا
من كنت مستنظر
شافك وكان منظر
م الصعب توصف له
طب ليه بترصف له
رغم ابتعاده رصيف
حر الوطن ف الصيف
ممتع ..
لو انت عزيز