فضفض .....

طول الثبات بينمل الاحساس
ريح شوية ورج مجري الدم
اوعاك تبص لهمهمات الناس
فيه ألف حد وحاجة تاني أهم
ريح شويه تغير

اوعاك تبص لهمهمات الناس
فيه ألف حد وحاجة تاني أهم
طول الثبات بينمل الاحساس
ريح شوية ورج مجري الدم

واضح بإن الوضع مش واضح

الحلم أسخف من جبان بسلاح

وبتمشي في العيشة ومتدغدغ
قال كنت عشمان تبقي منغنغ
واهو بعد ما الواقع يتزغزغ
يضحك ف ضهرك أعلا
خازوق
..
..
أصلا مدامش ف

وملكش نفس تخش في اجابة
العيشة متسابة
وأخر بواقي الصبر هبهابه
بتشق جوه الحلق
مش بتفوت

وملكش نفس تخش في اجابة
العيشة متسابة
والضحك أخر ضربة غلابة
بيشق جوه الصدر
مش بتفوت

بتوّش روحك كل ما بتخبط ف عينك صورة ليك
الزمن سلم عليك
والسلام ع الوش
واضح
سد ف شقوق المطارح
واسند الفاضل
بفاضل
..
- لو تلاقي-
..
تاهت الروح ف التلاقي
وانت ف عيون البنيه
سهم موصلش
لمكانه
وكل ما دا يخف جريه
ويهوى حبه
..
خنقت العوزة الأحبه
وابن عم العتمة ماسك
منبت الغصة
بيعيد ويتوصي
رصه خلاف رصة
والكل له نايب
..
غايب انا أم كنت مش غايب
كل السطور بتلف وبترجع
الصورة وقت ال .. فضا ..
لازم ف وقت ال..حمل.. بتحش وبتوجع
..
وعشان كدا
بتوّش روحك كل ...

إطلع
علي أخر سطر رفعت عليه روحك
إغسل - بالذكرى - طموحك
ووضوحك
وقت ما كنت بجد - عماد -
الكوكب
بيغش الأبعاد
واللي كان ف القرب
تقريبا
بعيد
..
- بعيد !؟
...
وارد
ووارد إنه لسه بيستخبى من المعايدة والتهاني
خطي ع الكوكب دا تاني
بنفس خطوات البداية
..
سلّمه
بتحدف سلالم
واللي عاش مش شرط سالم
دي الكسور تشبه معالم
أعلا خط الاستواء
..
- إلتواء المعنى لاجل ما توصله بغيره
إلتواء -
مش شطارة
الوجع هد العبارة
والمهاره
..
كيف تغتال الأنين ..!؟
..
لاجل ما تعيشلك يومين
حي وبوعيك

مخرجتش م الوعى ولساك مرصوف ع الواقع
واقع
وف يدك خدش بسيط
وبيوسع كل ما تجري
العوزة وراك
..
ذاتي
..
ومخنوق ف المعلش وفي التشويش علي خلق الله
إعمل معروف في الناس
واعزمهم مره عليك
قبل اما تخلي عنيك
...
ويا القزاز
..
واحد
..
جاحد
..
بكل القش لو معرفش يرفع حد من غرقه
..
الضحكتين ... فرقوا
...
بس إمتى ييجوا
وفين
ـــــــــــــــــــــــــــــ

لا شئ داخلنا يبين

جريت وسبقتني ..وغنيت
وتركتني ع الخط لم أنيت
البيت كان ذاته هو البيت
لكن براحه ياعم
تايه فين !؟
..
وكإنه صورة

جريت وسبقتني ..وغنيت
وتركتني ع الخط لم أنيت
البيت كان ذاته هو البيت
لكن براحه ياعم
مش هو !؟
..
فاكر يا - عمر - الضحكة لما زمان
كانت بتشبه روحنا من جوه

لا شئ داخلنا يبين
....
ف متخلطيش الفضفضة بالقصد
مش زارعه حاجة وتحلمى بالحصد
واسعة عيون ال وجع ف الرصد
وعنيكي أضيق من
ضمير مسؤل
..
حي الوطن لكنه بالأحياء
قعر السفينه بيجمع الأشلاء
والسطح سطح علو واستعلاء
والجتة آيلة بس مش بنقول
..

لا شئ داخلنا يبين
....
ف متخلطيش الفضفضة بالقصد
مش زارعه حاجة وتحلمى بالحصد
واسعة عيون ال وجع ف الرصد
وعنيكي أضيق من
ضمير مسؤل
..
حي الوطن - لكنه - بالأحياء
قعر السفينه بيجمع الأشلاء
والسطح سطح علو واستعلاء
والجتة آيلة بس مش بنقول
..
أنا خدش بس مخدش م الطبطبه
غير اسم واضح ف البطاقة وخبى
...
ــــــــــــــــــــ

إشتقت هذي اللحظة الحمقاء حين
انزل لحضن البحر بهدومي
ياخد ايديا ويحتوي همومي
كان يومي غير يومي
دلوقت

ونشفت
واتخشبت ف العيشة
وفردت طولي عليها ومشيتها
تضربني ياما أرد جوايا
..
الله يسامحك
..
لو ترديها
علي حد غيري يهمني أمره
أو حتى معرفهوش
..
لكنه إنساني
..
الوحدة شايلاني
وبتحتفي بالنكتة والتمثيل
تماثيل بنمشي ونبتدي مع بعض
ننحت في وش الصخر ونعدى
من تحت باط الخنقة ..
والأوباء
..
وصلت لك الأنباء ..!؟
..
جعلوني أب ف قلب معمعتي
..
توأم بيشبه ضحكهم ضحكك
بيناموا زيك .. رجل ع التانية
ويشوفوا صورتك
يهتفوا
..
جدو
..
كام ساعه ويعدوا
زي اللي عدوا زمان
من غير - وتد - ف البيت
مهزوزة فيه الصور
والضحك
والتعبير
..

إشتقت هذي اللحظة الحمقاء حين
...
انزل لحضن البحر بهدومي
ياخد ايديا يحتوي همومي
كان يومي غير يومــي
دلوقت مهما بعوم له
...
متبلش
..
الميه غير الميه ولا الروح
نقصت ف أخر عمر - مني - وضوح
معرفش شكلي وقاللي مش مسموح
وإرجع بحمل لك
..
شيله
..
متحلش
..

ونشفت
واتخشبت ف العيشة
وفردت طولي عليها ومشيتها
تضربني ياما أرد جوايا
..
الله يسامحك
..
لو ترديها
علي حد غيري يهمني أمره
أو حتى معرفهوش
..
لكنه إنساني
..
الوحدة شايلاني
وبتحتفي بالنكتة والتمثيل
تماثيل بنمشي ونبتدي مع بعض
ننحت في وش الصخر ونعدى
من تحت باط الخنقة ..
والأوباء
..
وصلت لك الأنباء ..!؟
..
جعلوني أب ف قلب معمعتي
..
توأم بيشبه ضحكهم ضحكك
بيناموا زيك .. رجل ع التانية
ويشوفوا صورتك
يهتفوا
..
جدو
..
كام ساعه ويعدوا
زي اللي عدوا زمان
من غير - وتد - ف البيت
مهزوزة فيه الصور
والضحك
والتعبير
..
مصادفتهوش أمشير
لكنه بيجيني
حسب اتفاقه ف كل يوم
..
إحساس
..
راكب وشوش الناس
وف مرجحاته بيهزم العصافير
..
مبقتش روحي تطير
للبحر وتعدى علي ضحكته التانية
مخنوقة ف التنيه
صورتي البعيده

لا شئ داخلنا يبين
....
ف متخلطيش الفضفضة بالقصد
مش زارعه حاجة وتحلمى بالحصد
قاسية عيون ال وجع وبتتسع في الرصد
وعنيكي أضيق من
ضمير مسؤل
..
حي الوطن - لكنه - بالأحياء
قعر السفينه بيجمع الأشلاء
والسطح سطح علو واستعلاء
والجتة آيلة بس مش بنقول
..
أنا خدش بس مخدش م الطبطبه
غير اسم واضح ف البطاقة وخبى
وأول ما داق المشي خافه ... وحبى
والعلة دايما تسبق المعلول

فراغ
وشخبطات ع الروح
وباب مفتوح
محدش عدا منه
وطل
ميزانك شكله - ياض يا قزين -
من اللي وراك
شرخ واختل
بعيده اللمة والضمة من المحتل
بتكسر
..
مبتخففش
..

سأمر عبر الحزن
لا أكثر

الخلق عايشه في كل حال لايمه
إوعاك تغير من ثباتك رقص
دا مفيش زياده علي الوجع دايمه
حتما بييجي مع النهايه
النقص