فضفض .....

كالعادة يعني ف أخر الليلة
بتضم أضلاعك
وبتنكمش ف أخر رصيف مفتوح
سامح تعدي عليه
بتشد خطواتك من غير ما تحوّد بالنظر للناس
الماشي فيهم م الغبار زيك
..

رقصت كتير علي السلم
ومنزلشي
كرشك

وكان لازم مابين الشك والتأكيد
وبين الصمت والترديد
وبين حلم ف ايديك ساكن وحلم بعيد
تموت ييجي ميتين
نكتة
..

إنسان .. معدتش ...بس بتحاول
ترجع لأخر ركن كنته صحيح
الشك ويا الليل بيتداول
يسيبوك لروحك ولا تكفي الريح

ذكرى المرايل - بايخه- ف وجود العيال
مات الجنيه من قبل ما يموت الريال
واليافطة دي
تكفي اللي شوفته من يومين عريان
وإتنين كمان ....- لو يسمح - العزال
..
تحت الطاعون الشمس محتاجه العلاج
والقلب نازف م الشجن والاحتياج
ليه لما تطلب كسرة
بيخاف الصنم
ويصابوا اتباعه الخدم ...بالاهتياج
..
بطلت أغنى لحاجة وبغنى لجنونى
بنتين بيصلب ضحكهم هزة عيونى
الوطن بيضل
..

تحت الطاعون الشمس محتاجه العلاج
والقلب نازف م الشجن والاحتياج
ليه لما تطلب كسرة
بيخاف الصنم
ويصابوا اتباعه الخدم ...بالاهتياج
..
بطلت أغنى لحاجة وبغنى لجنونى
بنتين بيصلب ضحكهم هزة عيونى
كل الحكاوي بتختلف والشمس تيجي
تسمع غناوي الضل لو جم يحضنوني

..

مجانين وروحهم لسه علي روحي العبيطة

مكانوش كتار يا عم ومكنتش ضحية

لسه الورق بيهش ملامحي
والضي لسه مخاصم قمحي
لو مرة واحدة بجد تسامحي
كل المداين تطرح نور
..

لسه الورق بيهش ملامحي
والضي لسه مخاصم قمحي
لو مرة واحدة بجد تسامحي
كل المداين تطرح نور
..
سامحيني وإمحي بوادر خوفي
وإمشي بدواكي لأخر جوفي
بإيديكي تلقى المية شادوفي
والخضرة تحضن أرض البور

مكانوش كتار يا عم ومكنتش ضحية
انت اللي بس نسيت سيناريو المسرحيه
ربعت ايدك وقت توزيع النوايب
وفضلت نايب .. ليه .. وأديت التحيه
..

كل اما عوزك يرتفع ..تنخفض
وبتمشي وسط الصهد وبتنتفض
دايما غشيم الطبع وبتترفض
دمغة حضورك مهما
زوقتها
..
لما انت لسه مازلت تحت النظر
إزاي تطير وتقولهم
..
وقتها

عودا حميدا
كنا نتطلع إلى الجديد فى الفضفضه أخى الشاعر الجميل
عماد عبد الحكيم

طاهر طاهر كتب:

عودا حميدا
كنا نتطلع إلى الجديد فى الفضفضه أخى الشاعر الجميل
عماد عبد الحكيم

تسلم لي يا صديقي

وبتتصبغ روحي - الشايبة بنت النكته - بعنيهم

الضحكة كدبة - لو - ماهيش ليهم
وبتتصبغ روحي -الشايبة - بعنيهم
وبتجري بيا كإني لسه شباب

الضحكة كدبة لو ماهيش ليهم
والرحلة أيسر منها ف إيديهم
وتمللي لما يزغزغوا روحي
تترد شابه صحيحه - بعنيهم

كل اما خوفك يرتفع ..تنخفض
وبتمشي وسط الصهد وبتنتفض
دايما غشيم الطبع وبتترفض
دمغة حضورك مهما
زوقتها
..
لما انت لسه مازلت تحت النظر
إزاي بحلم النفس
علقتها

الجو مش معتم
والضحك ساند روحنا بالعافيه
والخطوة لسه مجاتش بالمطلوب

الخطوة لسه مجاتش بالمطلوب
رغم اننا ف أخر زمن ... واضح
جماعات بنكره بعض ونسامر
قائد جيوش العند ونسيبه
يوزن مابين الفعل
والتهويش
...
هامش بعرض الأرض مبيكفيش
تاخد عيالك ف الجناح وتطير
وتخش بيهم حلمك الفضي
وتقضي أخر نكتتين صافيين
بين ضحكهم
وعنيهم
الحيه
..
حيه الحكاوي بس مش بتجيب
ف السم م الأخر
بتعورك ف تخف وتعاود
تاخد نصيبك دوبل متشفي
بيكفي تظهر ضحكتك للناس
وتصب طولك ف الصور
وتعيش
كائن عديم الفعل أو رده
..

الخطوة لسه مجاتش بالمطلوب
رغم اننا ف أخر زمن ... واضح
جماعات بنكره بعض ونسامر
قائد جيوش العند ونسيبه
يوزن مابين الفعل
والتهويش
...
هامش بعرض الأرض مبيكفيش
تحضن عيالك ف الجناح وتطير
وتخش بيهم حلمك الفضي
وتقضي أخر نكتتين صافيين
بين ضحكهم
وعنيهم
الحيه
..
حيه الحكاوي بس مش بتجيب
ف السم م الأخر
بتعورك ف تخف وتعاود
تاخد نصيبك دوبل متشفي
بيكفي تظهر ضحكتك للناس
وتصب طولك ف الصور
وتعيش
...
كائن عديم الفعل
أو رده
..
ــــــــــــــ
مش معتمة الحدوته بس مفيش
ف الروح مساحة لانفعال تاني