فضفض .....

وبيقسم اللقمة والميه والضمه
وبيقسم اللمه
مخلوق ورافض إنه يتسمى
إلا أما يدهن أخر
الاسكتش
...

لسه اليقين مخنوق ف خانة اليك
والضحك أكبر أدله ع اللي داقه العك
العمر ماشي بسرعته المعهودة والاحساس
بينه وبين الناس بيعلوا سور الشك
..
العيشه خصبه وكل شئ مزروع

مرهق ياعم وروحي مخبوطة
بحجات كتيرة مغيرالي المود

إهرب
..
الوقت مش وقت الكلام
والجعجعه الفارغة
لم العيال
واطوي اللي فاضل م الحنين
وان كان يجوز
ترميه !؟
..
خليه
..
لأول حاجة تستغرب
..
العتمة بتقرب
ومتدرب
رسولها وعدى حد الاحتراف
دي سنين عجاف
والميله عالأحلام
عبط
كام حدع الشباك خبط
ومعديتوش
داست عليه
وسابتله نكتة ف ظرف مش طارئ
...
صدقني مش فارق
تقعد معاها
ولا
تتركها
انت المساوي ف عرفها للبنكنوت
..
تقدم
..
بتطبع تاني
وتسيبك
تشحت جيوب الخلق
وتعافر
علشان تلاقي بدايه مضمونة
ومبتلقاش
..
إهرب يا أما تغير اليافطة
وتهتف عاش

الحيرة فارشة الحصر ع السكة
وبتبتسم مع كل وجه جديد

رجعت ف كلامي يا عم
ومتهربش
..
الشمس بره بتسلق الغربا
وتحطهم ع السفرة وبتعزم
علي قلبهم م الكائنات
الوفات
العمر عدا وفات
وانت ف ايدينك خلق تشبهلك
وارد تهز الغربه احساسك
يتخبطوا منك
تتخبط بيهم
وتخش دور الكأبة ومتلاقيش
..
طبطبه
النكتة مترتبه
وانت اللي بس ملخبط الديالوج
..

الطبطبه ع الجرح مش بيخف

الطبطبه ع الجرح كدب خفيف
زي اللي نفسه يقوّمـك بالدوس

الدنيا أسرع من خطى الاحساس

الدنيا أسرع من خطى الاحساس
ساقط زمانك بين ردود الناس
ب تحس فجأة ان انت فيلم قديم
وتحن روحك للقي الوناس

يارب لسه الخطوة مش ماشيه
ثابت ف عتمة بركتى الغاشية
يارب قبل ما ينتهي المشوار
زود ف روحي الزهد والخشيه
..
وإهديني سكة تكونلي منك مدد
وأبعد خطايا عن الظلام والزبد
رجعني تاني يارب ليا زمان
أبيض وروحي كإني طفل أتولد
..
عايش بعرجه خفيفه بره النفس
بضحك عليا بضحك

الدنيا أسرع من خطى الاحساس
...
صدقني ...
...
ف متجريش
...
م الصعب تلحق كل من فاتك
رّبع ايدينك ع الرصيف
واتهد
بينك وبين المد فرق كبير
والبحر عاشق كل من جواه
تغرق معاهم
يتشطب اسمك
ويقولوا عنك م الكلام
ياما
دوامه وانت ملكش ف الدوخة
...
مشروخه فيها اللمة
والتأريخ
بيقولوا صاحب كرش م الأصلي
وانت اللي عندك كرش
متهاود
بيخف ويعاود
ويلم عنك

انا كنت حي
بّوش مش عيرة وخيال
يوصل جبال الحزن تتفتت
..
دلوقت متشتت
...
في الجري خلف مجاهل العيشة
إن خف جريّك ينحنى الكتفين
وتحس انك ف الحقيقة

مشاغل .. قول
وقول حبة هموم وفصول
طريق الذكري مش موصول
..
لو انت رفضت تتصور
..
متتصورش مهما يدور عليك الضي
وتنور
..
((مفيش واحد مجاتش ف يوم عينيه علي صورة فيها عزيز وفارق ..إلا لما يكون بيمشي وقلبه متعور))
..
متتصورش وإفضل طيف
وقضي العيشة زي الضيف
وصلت ولما غيبت.. خفيف
محدش من وراه
دوّر

متهتموش
دا واحد مش عارف له طريق
وتايه وسط كون بيضيق
وكل ما يبتدي التصديق

كتر الوقوف بينمل الاحساس
وال

فراغ
وشخبطات ع الروح
وباب مفتوح
محدش عدا منه
وطل
ميزانك شكله - ياض يا قزين -
من اللي وراك
شرخ واختل
بعيده اللمة
والضحك اللي سامعه بعيد
بيخلف جارك المواعيد