فضفض .....

ماليش
تناتيش وعيشة ونص كسرة عيش
بتسد جوع الفرح قبل ما اعود
وأحضن قرودى ويحضنوني قرود
ويلموا روحي الباقيه
بعنيهم
انا بابقي طاير وحدى ف ايديهم
وبيتفتح لي بضحكهم
حواديت
..
اانا لسه عيل والزمان إحتد
بيقولي وطي ياعم لاجل تشيل

الشوارع بايخه - البحر ابتسامته شماته مش طيبة - الناس بتفرد وشها ع القالب المرسوم
- الحكاوي بعيده عن رسم الخروج - والكلام مش رغي ف المليان
..
حواديت كتير
مبقتش تقبل نكتة المعروض
مفروض علينا نجمل المفروض
من دون سند ولا شي ولا واسطه
..
وعملنا ياما وياما لاجل نعيش
والدنيا بنت الطيش
رفعت لنا
الوسطى

عجزت ولا مازلت بتسافر
ف عيون ولادك لما تحضنهم ؟
طب لسه روحك صاح

مسمار ودقه الزمن
علي طرف جلابيتي
يمكن عشان ما امشيش ورا سكتي العوجة
أو لما أميّل حبة
يسندني
انا كنت ناوي أكمل المشوار
وبنفس هناتي
أصحى ف نهاية السكة

باختصار
العتمة أضعف م النهار
بس إحنا أضعف
..

أبوكم من بختكم
مضطرين تستحملوني
بكلاكيعي
وضلوعي الناشعه هموم
...
نساي
ودماغي دي أنشف م ...البقسمات
..
في الشاي
..
وتمللي

أبوكم من بختكم
مضطرين تستحملوني
بكلاكيعي وضلوعي الناشعه
...
نساي
ودماغي أنشف م ...البقسمات
..
في الشاي
..
واقف

متاخدش ف بالك مش هيساع
حواديت الدنيا وحواراتها
راح تتعب نفسك ع الفاضي
وتتوه ورا أول مساراتها

مش متظبط
روحي ف ريح الكون بتخبط
واقع مني كتاب الفرحة
والإحساس بالخوف متشخبط
...
عالي جنوني
الحواديت بتغمق لوني
واما ف كدبة ضحكت جابوني
قالوا ...بيضحك ..
وبيستعبط

ومفيكش حاجة مهمه تكتبها
صحيت الصبح مش فرحان
ومش مخنوق
حضنت الشارع المفلوق - من الماشيين -
بكام نظرة
دخلت المحكمة وضحكت
- كالعادة -
بكام نكتاية مش هما
وأخر اليوم
طويت تحت الدراع
بعضك
وجيت البيت
..

ومفيكش حاجة مهمه تكتبها
صحيت الصبح مش فرحان
ومش مخنوق
حضنت الشارع المفلوق - من الماشيين -
بكام نظرة
دخلت المحكمة وضحكت
- كالعادة -
بنكتة كئيبة مش هي
....
وأخر اليوم
طويت تحت الدراع بعضك
وجيت البيت
ـــــــــــــــــــ
..
سحابة حزن لساها
بترفض م السما تمطر
وروحك كل ما يقرب
ميعاد الشرح ...
تتوتر
وتهرب م البنيه الزين
بشخبطتين
علي الدفتر
..
- بتكتب شعر ياك ..ياعماد -
..
مبتكبشي
..
تسيبني لوحدي والشخابيط
بجرح غويط
مبيطبشي
.

انا الذي والذين
...
واخر جنيه ماسكة فيه الخزينة
مبعرفش إلا الحكاوي الحزينة
ف لو حابة يعني
تشوفي اللي باعني
تعالي ف مساري

غيرت روحك كام مرة
من وقت تشريفك
فيها
قول ف ابتدائي
وف اعدادي
غيرت والجامعه

..
وان كنت زيي دخلت الجيش
ف أكيد حرقت روحين سالمين

غيرت روحك كام مرة
من وقت دورانك
ع العيش
قول ف ابتدائي وف اعدادي
والثانوي
روح راحت بشويش
..
وان كنت زيي دخلت الجيش
ف أكيد حرقت روحين سالمين
وإن حد غاب عنك

انا الذي ... والذين
..
وأصغر عمله ف دراج الخزينة
محبتنيش عيون بنتى الحزينة
ومابتسمتش وقت ما حل
صرفي
...
أليف الجرح والضحك المسقع
وكل ما طولي يفرد طوله باوقع
حبيبتى الطيبة وحسي المبقع
دوالي بيكبروا ويهزوا
حرفي
..
سنين بتجر فيا وتستخبى
ونادى

مبقاش
يفيد النفي في الاثبات
وف كل حال الحاله لسه ثبات
رزمة الحكايه والبشر .. حبات
مرشوشة تحت السطر
م التوفير
...

الوقفة كالأنحنا
والدمعه متلحنه
ماتت علي الألسنه
كلمة..
صباحك نور
..
مش كل زرع ف غيط
ممكن يشبع ناس
ياما اتبدر برانيط



والظرف لسه مكتف الجوابات

الوقفة كالأنحنا
والسكتة متلحنه
ماتت علي الألسنه
كلمة..
صباحك نور
..
مش كل زرع ف غيط
ممكن يشبع ناس
زرعوا المدى برانيط
فاتبسم الوسواس
قاللك شالوم

معلش ...لو.. معلش ...مبتكفيش