فضفض .....

وتوب الحياة ملحمة م التجارب
وبعد السلام اللي عيشته بتنزل عشان بس تفضل سعاتك تحارب
مافيش وقت راحة
و

وكل الحياة ملحمة م التجارب
وبعد السلام اللي عيشته بتنزل عشان بس تفضل سعاتك تحارب
مافيش وقت راحة
ولحظة ما تخطف عيالك في حضنك دي اوسع مساحة

ولسه الشورع بتضحك علينا
ولسه الوطن للهموم مشترينا
ولسه الحكاوي بتلبس وجعها
وتقلع ستاير أمل مال ...إلينا
..
بتجمع دروبنا قلق لسه خام
بيسقط هديل الرؤى م الزحام
وأجدع حسام ف الايدين لو تشوفوا
ف ساح المعارك مجرد كلام
..
ــــــــــــــ
طب ناوي إمتى تغير الأسلوب ؟
ولا امتى ناوي عن الكآبة تتوب
كل الفواتح في الوطن بتدوب
وانت اللي غاوي غوامق التعبير
..
أمشير مجاش لساه وبتجيبة

هتتعدل وهتعدي الساعات ديا
ووحديا سواء ام كنت وسط الناس
مفيش حاجة ف ثبات دايما

عرجت على واديك لأتزود بالحكمة

سلمت اخى الشاعر الجميل وسلم قلمك النابض بالحياه

طاهر طاهر كتب:

عرجت على واديك لأتزود بالحكمة

سلمت اخى الشاعر الجميل وسلم قلمك النابض بالحياه

يارب تسلم أ/ طاهر

قلبي اللي ماشي ف شارع الحواديت
والبنت ماشية تبص له ..
مكسوف
راسمه ف خدود الفرح غمازة
بيعاكسه دايما ضلها المكشوف
بتسيبه يضحك قد ما بيقلق
يعشق ساعات الضي لما.. يشوف
يفضل يلملم م الندي اشعار
وبيستهجي ف كل حاجة ...حروف
بتشده قبل الساعه ما تفوته
وتحن لما يجن ف سكوته
بانيه بجنون الفرح ملكوته
وبضحكه منها تزود المصروف
...
قلبي اللي ماشي ف شارع الحواديت
والبنت ماشية تبص له ...
مكسوف

كبرت
....
والكارثة روحك هي هي
بنفس همس الجلابية - البني - ومرايل المدارس
وكبرت يعنى وكل لقطة ف المراية بتكتشف بيها الكوارث
إشمعني يبقي العين عليها ألف .. حارس
والساعات ف العمر مبدورة ببلاش
...
بلاش
..
وإتلم يابن ... ال...هم
..
إيه يعني لما شحوطة طولك
يبتدوا كلامهم ...
..
ب..عم
..
مش عم حد بجد لكن
البياض ف الدقن بيقول عكس ذلك

محناش ملايكة لو انت سامعاني
ومتزعليش م الرفض مهما يبان
كل البشر في الكدب بتعاني
والرك بس ف ظبطة الألوان
..

صدقتي كدبي وغشتك صورتي
وفضلتي جمبي ف حزني وف حيرتي
انا لسه باضحك لما الاقي الناس
بالخير .. بيمشوا ف انعكاس سيرتي
..
وشين تلاتة ولسه عندي كتير

مش لسه واقف في المكان الغلط !!!؟
هاتلك بريل ياعم وابلع..... زلط
وإزاي تقول ان الضمير موجود
والغش دقدق شقوقه لما أتبلط

وبقالي كتير جوز العصافير
مخطفتش منها الضحكايه
مكتبتش ليهم م الاحساس
في البرد عشانهم غنوايه
..
عارفين إحساسي وبيكشوا
علي طرف الدوشة بيتمشوا
ويناموا بدون ما يزنوا كتير
وأحيانا .. قبل ما يتعشوا
..
بنانيت المجنون ..بالفطرة
أبو شعرة تروح ومبتجيشي

معرفش مالي وف انحدارعلطول
ماعرف شمالي من يميني ساعات
الضحكة أبوخ حاجة لما تطول
بتجيب في أخر شهقة منها حجات
...
نضطر نمسك قلبنا المعلول
وبهمهات الدمع فينا نقول
إن اللي جي لعله خير موصول
يتلم فيه الخلق ...كالأخوات
ــــــــــــــ
....
............
................
معلش أصل بقالي فترة غريب
بعد اما هدّف عمري وف مرماى
وبقيت مجرد نوتة للمشاريب
لو حد عاوز منكوا يشرب شاى

,,في معاملة العايشين من أهل أو أغراب
..
كل الظروف عمرها
مبتعتبرش جواب ,,
...
ما أكتر الأصحاب
وانت ف خضم ...النور
واما العتامة تدور
تسند حيطان الروح علي وحدتك وتبوش
شفتوش جدع ملهوش غير ف انفعال الحبر
بيسوي بيه الصبر
ويقوله هتعدي
..
هتعدي كام جواي
ياللي انت من دمي
إن عوزتي تتمرجحي
علي جرحي
طب ..
سمي
واخطي بيمين الصدى
دي السكه متمهده
راحت رؤى الهدهده
وباقيها مش باقي
..
كرمشت أوراقي ..
عل الصحاب ترتاب من وحدتي وتبان
رسمولي بالالوان علي بابي شجرة توت
وقالولي بكره تفوت
أيامنا وتندّي ويخف توب الملح
فاتت سنين والطرح
مش هو ترياقي
ف راجعت أوراقي..معرفتنيش فيها
ولقيتني عني غريب في العمر والافكار
وف كل شئ انا كنت من مده بعرف بيه أيه اللي غيرني
حيرني صوتي الجاي
من أخر الحواديت
وعرفت اني لقيت
العيب وأسبابه
..
العيب ماهوش في الناس
ولا في الزمن لو يوم للحزن راح أو سعى
..
العيب في واحد عاش لكنه لما إنحاش
الضي من جواه
قام للحياه
..
إدعى
..

بلح
- بعيدا عن السياسة -
مقصدش غير العيشة ع الرف المثالي
واخد تسالي الفرجة ع الناس البعيد
المفعمين بالضحك والجيب السعيد
واحد وواحد جمب مني اتنين
الصفر عنهم ف الحساب بيزيد

طعم الورق مش نفس طعم الروح
والشعر امسخ نكتة وقت البوح
وان كنت يابن السطر باب مفتوح
ليه كل ناسك بالحروف.. خارجين