فضفض .....

’’الليلة كعب الحزن متحني
ف قالولي متعود
ياخد يومينه وكلها أوجاع
مبينحسبش العمر من غيرها ’’

انتم وانا
متنطورين علي ضهرها
زي الدمامل
( تشبيه بزئ مقرف وكان ممكن تجامل )

عادي
..
بكره تتعدل
الضلة تيجي مزوقه ونرتاح
ونلم بعض ف نكتة مش بايخه
ونحلي شكل المسطبة
بالضحك
..
أبو شكل صح بجد مش مضروب
..
بكرانا ...
نقدر نكشف الملعوب
نفرد ضهورنا بشكلها الصحى
وسنام خضوعنا
نجزها م الجدر
..
عادي
..


..

اليوم دا هيعدي
ياخد مساحة م الدماغ
زي اللي كان قبليه
ف متنشغلش بكم آهاتك
وإبدأ في ترميم الشروخ م الروح
حاول تخلي مساحة جواها
علشان جديدك م الوجع
يرتاح
..
وجعين إذا اتحدوا هيغربوك م الناس
وهيعملولك حفلة ف دماغك وهيعزموا الحراس
لاجلن ما ييجوا ويضربوا عيارين
ويفرقوا الجتة
علي الشربات
..
وعشان تداوي المسألة دي بلاش
تقبل تخلي الضربه تتكرر
علي نفس موضعها
..
حدد مساحه كل يوم جواك
واكتب عليها الأهه بالترتيب
وابدأ في تجميع البشر حواليك
وإنظر لأحوالهم
إن يشبهوك
...
إخوات
...
وإن كانوا مش شبهك
....
ف اليوم دا هيعدي

كل اللي لايق م الكلام ..مشبوه
في عيون ولاد الكلب والبهاليل

كل اللي صادق م الكلام مشبوه
في عيون ولاد الكلب
والبهاليل
....

ورجعت ايد ورا ..
وايد
بتخربش التجاعيد
وبت

ورجعت ايد ورا وايد
بتخربش التجاعيد
وبتفرد الصورة

ورجعت ايد ورا.... وايد
بتخربش التجاعيد
وبتفرد الصورة
..
....
........
كالعادة يعني مفيكش أي جديد
لسه البواخة بتسكن القورة

* بتخاف ؟
..
كلنا بنخاف
..
* شفاف ؟
..
من تحت الجلد أكيد باتشاف
مش طيبة يا عم دا بس عشان لسّانى بحب العيش/ة الحاف
..
* كداب !
..
ماهو لازم يعني إن قولنا النكتة تكون بحساب

أنا لسه بابعد عني كل ما أشوف

العتمة أوسع م المدى المكشوف

أنا لسه بابعد عنى كل ما اشوف
بالبس في جتة حد مش منى

زيك زي غيرك
..
مرهق
..
وطوب السكك بيحن لما بتتعتر ويخف من دوسة
علي روحك الحافيه
..
دا بعكس مولانا
..
أبو سبحة من عضمك
وعضام
ولاد
جيلك
..
فضيّت فناجيلك
والقعدة - واضح كده - لساها هتطول
متعيدش م الأول

زيك زي غيرك
..
مرهق
..
وطوب السكك بيحن لما بتتعتر ويخف من دوسة
علي روحك الحافيه
..
دا بعكس مولانا
..
أبو سبحة من عضمك
وعضام
ولاد
جيلك
..
فضيّت فناجيلك
والقعدة - واضح كده - لساها هتطول
متعيدش م الأول
اصل اللي فاضل ف التراك دا يدوب
علي قد انفاسك

زيك زي غيرك
..
مرهق
..
وطوب السكك بيحن لما بتتعتر ويخف من دوسه
...
علي روحك الحافية
..
كل الوشوش غافيه
..
علي كف مولانا
..
أبو سبحة من عضمك
وعضام
ولاد
جيلك
..
فضيّت فناجيلك
والقعدة - واضح كده - لساها هتطول
متعيدش م الأول
اصل اللي فاضل م التراك دا يدوب
علي قد انفاسك
وانت ف أواخر فكرهم الاعرج
حلمك كما البيتي فور
محطوط علي السفرة
..
مرهق
..
ونفسك يوم
تطلع من الحفرة
اللي انت كل يومين
تحفرها بالمجان
..
مكانوش ولاد ..
للجان
ولا زادوا عنك شئ
غير بس بلة ريق وجييوب ماليها القرش
...
وانت اللي نصك كرش
..
مرهق
.
ومبتنكرش
..
تعريفك المسخوط للأرض والعيشة
متشيدش الفيشة

يارب لسه الدنيا واخداني
واحداني ماشي وماشي بيا الخوف
محتاج أعود لك مرة من تاني
وأبعد بروحى عن غبار الشوف
..
يارب أقرب ضلع

مانتاش كويس يا جدع
ف متفتعلش الضحك
وإكشف علي اللي
فيك
مش شرط يعني تقوله للي معاك
دي البنت لو ساكناك
هتحسها ف عنيك
..
( إطلع ياعم
وروح ...
ع الشغل هتأخر
..
مشايفش بنت ال قلب ..ف القلب بتشخر )