فضفض .....

يا عم
..
مش كنت اتأخرت شوية *
مرمتش عيونك يم البحر
وسيبت اللقطة تفوت
..
انا كنت بموت وقتيها يدوبك مرة وحيدة
ومن بعديها
...
باعيش
..
في الموتة كتير
..
لو كنت اتأخرت شوية
صوت العصافير
والناس
مكانوش دلوقت اتحطوا ف أبعد درج ف مخ عقيم
انا كنت سليم
وبقلب صحيح
ومكنش الريح بيعادي الريح
كل الاحزان كانت بتسيح
..
لو جيبي أتعبى فلوس
..
من بنك الحظ
..
لو كنت اتأخرت شوية
كان والدي بيظهر في الصورة
ويعالج روحي المكسورة
..
و

إوعاك تفوق
..
إسطل حروفك بالمعاني البايخة وبنص المافيش
وإن جعت مرة لفضفضة ف متبتديش
إحساس ف أخرة الدنيا هتلفك
ف خيش
وتخلي ما .
إوعاك تفوق

إوعاك تفوق
..
إسطل حروفك بالمعاني البايخة وبنص المافيش
وإن جعت مرة لفضفضة ف متبتديش
إحساس ف أخرة الصدق هيلفك ف خيش
ويخلي مبتور الرؤي روحك يسوق
..
إوعاك تفوق

مرهق ياعم بجد والله
والساقية بنت الكلب مبتعطلش
اضحك يقولوا اتجن ف دماغه
وإن قولت أكشر يعملوا وعاظ

مرهق
والساقية مبتعطلش
غميت عيونك ياما لاجل تعيش
عودت روحك ع اللجام واتصالحت معاه
بطلت تزعل م التروس
لو عصلجت حبة
..
بتبص ف عيون البنات
..
وتدور

وقالوا مهما روحت بعيد
مفيش غير الوجع بيقيد
دي حتى الرؤيه لما تزيد
بتوسع رقعة المعاناه
..
وتلقى الخلق ماسكة يدوب

وقالوا مهما روحت بعيد
مفيش غير الوجع بيقيد
دي حتى الرؤيه لما تزيد
بتوسع رقعة الأموات
..
ف غمض وإمشي علي قدك
وسيبهم يرسموا حدك
مفيش ع اليد غير خدك
صحاب أكتر من الاخوات

ومفيكش اي جديد
نفس الشقوق البيضة والتجاعيد
وان صدفه تضحك مرة يعني بتلقي روحك
و الحموضه ف كل شئ بتزيد
..
مش هو دا اللي انت اتفقت عليه
صورتين وذكري ونكتة بايخة وروح
يتسلموا ف أقرب ميعاد .. وتروح
والليلة تقضى ويقفلوا الموضوع

وكأي نهاية طبيعية لأخر يوم
..
قدرت تطلع منه
بأقل عدد من الكسور
والنكت البايخة
وم الأخبار الموبوءة
..

ومفيكش اي جديد
نفس الشقوق البيضة والتجاعيد
وان صدفه تضحك مرة ييبقي يجوز
تلقي الحموضه ف كل شئ بتفوز
وتزك روحك ع الوجع
ف يزيد
..
مش هو دا اللي انت اتفقت عليه
صورتين وذكري ونكتة بايخة وروح
يتسلموا ف أقرب ميعاد ..
والليلة تقضى
ويقفلوا الموضوع

السخافة ف اول اليوم مش هي في الأخر
يمكن عشان الروح بتتعبى
والنكتة صعبة ..بتبقى ..
ف تصادف
وتعور النخاشيش

وكأي نهاية طبيعية لأخر يوم قدرت تطلع منه
بأقل عدد من الكسور والنكت البايخة
وم الأخبار الموبوءة
..
بترد الباب بشويش
علشان الشيش ميحسش فرق الضغط
ويسيب غباره - مع احترامي للمدام طبعا - ع الموجودات يسعى
واسعه الحكاوى ف تربيعات البيت
..
والعتمة حاضنة حديتك المكتوم

كلاكيت
مش عارف لكام مرة
والعادة حتما تقتل التشويق
الدنيا نكتة ف نظرة المخانيق
...
مبقاش إثارة
ف وقفتك معدول
ولا حتى لما يميّلك حملك
السهم طايش ولا ناوي يصيب
إسأل علي ال.. محاسيب
وإن كنت دافع
ولا مقدرتش
..
شكل السلالم هو هو مازال
والرقص نفس الرتم بالمظبوط
بس التحمل كل يوم ف هبوط
والصحة نازله تسلمك للبيه

وكل ما تكبر البنانيت
بيكبر جنّهم في البيت
وحرمي الطيبة بتدوب
كما التلجاية وسط الزيت
..
وأمعلش فيها وتبص لي
وتشهق لاجل ما ترص لي
وقبل ما تنفجر .. بتقوللي
يدوبك من صحابك جيت
..
وأتهته تهتها بتفكير
وأقول الرب في التدبير
حبيبتي ...ياروحي .. دي المشاوير
بتعمل فرق في التوقيت

اللمة فضيّت قوي مهما الزحام يلقاك
والوحدة مليون نفر بيدقوا تفكيرك
ليه لما تلقى الورق حبرك يقل معاك
ويسلمك

طبيعي النفس بيقل كل ما ترتفع في العمر
..
النظرة تشحت ألفه م العايشين
..
والمسطبة ..زيك.. تكش ف جلدها وتبوش
..
فوق كل حاجة رتوش
..
الشغل والمتعة
..
,,مرهق ..؟ كاني ليا حول صاحي
نهتان ..؟ كإني في اختراق ضاحية
زاد الصدى واتصب ف سلاحي
وقالولي وحدك...... أحرس الناحية ,,
..

,,مرهق ..؟ كاني ليا حول صاحي
نهتان ..؟ كإني في اختراق ضاحية
زاد الصدى واتصب ف سلاحي
وقالولي وحدك هنا ابقى أحرس الناحية ,,

وأتاريك لساك بتعيش
وتعدى من التفتيش
مع إن سبايط روحك
لفلفها رغيف العيش
..
وبتسقط حبة بحبة