فضفض .....

صدفة الكلام ولا انت بترتبه
واخد عليك الحزن ومأدبه
وف عز ضرب السكة ليك لساك
قادر تجيب الفرح
وبتعربه
...
مرفوع عليك الحمل وموصله
والصحبه معنى ببسمة بتأصله
دايما بتسند حد وتحصله
لو ظرف طارئ جاله
ومغلبه
..
م الحسن إسمك

صدفة الكلام ولا انت بترتبه
واخد عليك الحزن ومأدبه
وف عز ضرب السكة ليك ...لساك
قادر تجيب الفرح
وبتعربه
...
مرفوع عليك الحمل وموصله
الصحبه معنى ببسمة بتأصله
دايما بتسند حد وتحصله
لو ظرف طارئ جاله
ومغلبه
..
م الحسن إسمك وإنت نبعك حسن
روحك بريئة مهما دار الزمن
لفلفت خلف اللقمة تحت الوطن
ورجعت طاوي

صدفة الكلام ولا انت بترتبه
واخد عليك الحزن ومأدبه
وف عز ضرب السكة ليك ...لساك
قادر تجيب الفرح
وتعرّبه
...
مرفوع عليك الحمل وموصله
الصحبه معنى ببسمة بتأصله
دايما بتسند حد وتحصله
لو ظرف طارئ جاله
ومغلبه
..
م الحسن إسمك وإنت نبعك حسن
روحك بريئة مهما دار الزمن
لفلفت خلف اللقمة ف الكواليس
وحلمت تبقى عريس
يفتح بيبان الوطن
..
وطلعت يابن الضحكة للأصحاب
زمرة ملايكة بيشبهوك .أحباب
إستنوا تفتح وانت عمرك يوم
من وقت ما عرفتك قفلت الباب

نصيحة أخيرة لو ناوى
تكمل فى الحياة وتعوم
بلاش تحمق من العتمة
وإوعى ف مرة تعمل زوم

محتاج تغادر بؤرة الأحلام
وتلاقي ضحكه متخالفش نظام
محتاج تهاجر جتتك ويجوز
وقتيها تقدر لو سندت تنام

مش مهم الطعم والمعنى
ومش مهمة دلالة الموضوع
الأهم ف لحظة الطعنة
تكفى روحك أنة الموجوع
إفتح الصدر بحروف مرحبا
وإبتسم للضرب والكركبه
ماشية الحياه وإن فيها جملك كبى

وخفّيت
ولا تقلّت المقام
سيبت حاجة بعد منك
تكفى لو قالوا الكلام
مش مهم تبان طبيعي
الأهم تحط راسك ف أي مطرح ميمانعش عليه تنام
...
شباكين وهديل حمام
محتاجينك
...
وانت
فين

لون عيون البنت ايه
مش بتعرف تحكى فيه
حاجة م الماضي وجماله
ضحكة م الورد ودلاله
قلبي لما صدفه جاله
ليه رمانا المعني ...
ليه
..
لون عنيكي بجد ... ايه
...
شوفت فيهم ألف كوكب
ضله بتكون لما باتعب
ليه بلاقي الوصف أصعب
لما قلبي تندهيه ...
..
لون عنيكي بجد ايه
..

جميل ماقرأت تحياتى

طاهر طاهر كتب:

جميل ماقرأت تحياتى

الأجمل مرورك أ/ طاهر
يارب تسلم علي التشجيع والمرور الدائم

طال الطريق
وكلما وازيت روحي
..
ينحرف
..
تلك المشاغبة الكئيبة تخدش الآتي وعمري المنصرف
..
ضدان والأضداد

كان لسه فاضل م الفضا شبرين
وانت بغباوتك سيبتهم ضاقوا
داقوا انكسارك سنوا أسنانهم
ف عملت من عقم المجاز
..
عكاز
..
وبقيت تطاول ف الخيال وتصول

وإن يعيط حد منهم
..
جمعي الدمعات .. ودوقي

بلح
..
- مش سياسة ياعم والله -
..
انا بس بقصد كل حرف بييجي يمي
أكتب ف لقطة فرح ييجي الحزن ف المفتتح قبلي ويسمي
دمي إتعجن بالمفردات البايخه والهنات
وإن جيبت معنى لحاجة مبتكملش
وإن ييجوا ليا صحابي ويهشوا
باشغل كلامى بوحدتي
..
وبأنسحب
..
كل الدفاتر إسمى مش فيها
في عيون بناتى بيختلف شكلي
دلوقتي لما باشوفنى با ضحكلي
يمكن يحن عليا ويعاود
روحى اللي كانت ماسكة فيا خلاص
خفت وطارت قبل تلاتيني
يمكن كمان من قبلها شوية
..
ونا لسه بمشي بدوني واستغرب
لو حد حب الكدب ف حروفي
أو صدق المعروض
أو قال عليا بإني واد
طيب
..
- طيب .. ياعم الحر ..عاوز إيه ؟!!
..
معرفش والله
..
بس النكت بتجرني للخوف
وبتضحك اللي انكسر
وارد كلامي يكون - م الضحك - لما انحسر
عنه الغطا
وإتعرض
..
أو لو أردنا الصدق
كل اللي سابق
كان
..
أنه وبوادر مرض

مش لازم يعني تخربش روح الناس
وتخش بدون دستور
..
خبط في الاول واستأذن
وإن يأذنوا ليك
متطولش ف حكاويك
أكتب علي قد الخدش الواضح ف عنيك
ويكون الأفضل لو مكتبتش حاجة
سيب الديباجة لحد منهم
يرسمك

مش لازم يعني تخربش روح الناس
وتخش بدون دستور
..
خبط في الاول واستأذن
وإن يأذنوا ليك
متطولش ف حكاويك
أكتب علي قد الخدش الواضح ف عنيهم
وعنيك
..

انا كنت حي
بوش مش عيرة وخيال
يوصل جبال الحزن تتفتت
..

وكتبت كتير ومخفتشي
وإن بطلت كتابة وشخابيط
هتخف
ولا التعاوير هتزيد
..
مبقاش ييجي بمواعيد
...
- الحزن -
...
الصبح ف كوباية الشاي
او ف عيون الست القاعدة ف قلب القاعة
وبتخبي عنيها عن الحاضرين
او ف الضحكة البايته لواحد قال النكتة
وحب يداري المش متداري
..
حكم الأحزان دايما ساري
مبيقبلش طعون
..
شكل الكلمات ملحون