فضفض .....

طال الطريق
وكلما وازيت روحي

طال الطريق
والرؤيا مش هي
الدم لسه فراغ
والدايرة مقفولة
وإن تنفرج
تنفجر
...
بالباقي م الباقي
..
ونا لسه برضه مخدتش الجرعة
النسكافيه مغشوش
والورد بعد ما شم أرواحنا
قرر يهاجر كوكب المريخ
...
كل الحجات بتشيخ
الا الوجع والخوف
والبنت لما بتطلب المصروف
والعوزة لما بتحكم الملهوف

سيبها ماشية بدون ما تقطع سرسبتها
دنيا بتزوق خيبتها
والبشر في الزينة لاقوا
..
مختصر القول
اللي محسكش بدون ما تقول
مش هيحسك مهما تبوح

كل حاجة هتعدي
وتسيب خدوش وجروح عادية
مش هتوصل يعني لبداية الخطورة
ستة وتلاتين سنه وكام شرطة
قادرين
يعدوا بك مطبات الحياة
ويوصلوك للبر
مش مكسور
وارد يغيب النور
والعتمة تاخد سكتك مخصوص
والأجرة تبقى في الاخر يا صاحبي أكيد
مانتاش لوحدك تحت ضرس المطحنة

مانتاش لوحدك تحت ضرس المطحنة

كان لسه فاضل نكتة منفجرتش
ودموع كتيرة مجتش في الموعد
وإن كنت ناوي تخلف اللي اتقال
طب ليه بتيجي ف سطرنا وتوعد
شكل الخلايا بيختلف لو غيبت
وبيختلف لو شيبت
وبيختلف لو كنت ماسك روح
وف قلب هوجة ريح
أرخيت قلوعنا
وسيبت
...
انا لسه اطيب مني سطر مرار
والهم فيا اتعلم التكرار

شكل الخلايا بيختلف لو غيبت
وبيختلف لو شيبت
وبيختلف لو كنت ماسك روح
وف قلب هوجة ريح
أرخيت دراعها
وسيبت
...
انا لسه اطيب مني سطر مرار
و ....
ـــــــــــــ
مش هو دا اللي انت اتولدت عليه !!!؟
دلوقت جي بجد تزعل ليه !!!؟
الرؤية واضحة ف صفحة الاهداء
إن البلاء هيعم
ويعليه
...
ــــــــــــــ
مخنوق - كالعا

لا طعم لك لا طعام

لا طعم لك لا طعام
...
قالها مهرج السلطان
..
وانفجرت
..
كبرغوث تحت ظفر الأرض والحياة
..
ممزق الفؤاد
والرؤى
أعود
..
لجحري اللدود

لا طعم لك لا طعام
...
قالها مهرج السلطان
..
وانفجرت
..
كبرغوث تحت ظفر الأرض والحياة
..
ممزق الفؤاد
والرؤى
أعود
..
لجحري اللدود
وصحبتي
تقص لي

خابر ..
إن خيوط الحزن السوده ف عقدة روحك عاقده النور

واما روحك تيجي روحي
بابقي شاعر

سر في طريقك يا صديق ولا تسل
إن الإجابة إن أتتك فلن تريح
تاريخك المنسوخ من ظل القبل
لن يمتطيه سوي المخنث والكسيح

كل حلم ملهوشي عازة
اولي انك تصحي فيه
للوجع في البوح لذاذه
قول لماذا.... بتصطفيه

وليه الفضفضات ملّت
وليه الضحكة فيك كلّت
وليه في القرب واتشلّت
خطي الأحلام
*-*
وصلت لأخر السكة ....وموصلتش
سكنت ف دنية الربكة ...ومسكنتش
عزفت الأهة ع الدبكة ...ومعزفتش
سوي للقلب ...
يدّاري
عليك البيعة بخسارة
ماهيش حارة...
دا كون واسع
بيرمي علينا أحماله

ولإنك خابر ..
إن خيوط الحزن السوده ف عقدة روحك عاقده النور
...
بتدور
...
ع الأرض توزع مما أعطاك
...
ال....خوف
..
ملهوف
...
وشادوف
وبتنزح كل بيار الليل
وتوزع ع البهاليل
...
وتشك بإنك كائن
..
أو هتكون
..
متفرغ م المضمون
..
مضمون الحزن ف صورة الرقم القومي
اللي انت ضحكت لحد

بتشك بإنك كائن
...
أو هتكون
..
متفرغ م المضمون
والروح الساكنة الجتة
تقريبا م التقليد
..

بتشك بإنك كائن
...
أو هتكون
..
متفرغ م المضمون
والروح الساكنة الجتة
تقريبا م التقليد
..
والأصل ف أخر حصة
مرجعش

محتاج
بتسبب الازعاج
ف ياريت يا صاحبي
نغير المصطلح
..
العيشة عرض وطلب
والعوزة ع اللي اتغلب
ضرع الأمان/ي اتحلب
والحزن بينا اتفلح
...
رشرشنا بذر العطن
وعشمنا يطرح وطن
.......
ــــــــــــــــ

مبقتش عارف تفك الخط
ورجعت تاني لنفس ذات التهتهة
بطلت تعرف توقع دوم أو نبق
بطوبة وحيدة
والكلاب مبقتش
تقلق من
وقوفك
..
شكلها ايام م النوع الفاخر
تشبه سبعه وستين
اللي انت معشتش فيها
بس غرقت ف حكاويها
من والدك
والكتابات اللي قريتهم قبل ما ترجع تاني وتنسى تفك الخط
..
كان حلم كبير ..
واتبط
..
بلبطت ف أخر نكتة قالوها عيالك
وحاولت بقدر الامكان
تحفظ تعابيرك لأطول فترة
يمكن تحتاجهم
او تحتاجهم ست البيت
علشان تحافظ ع الامان النفسي
ومتخشش جمبك
تحت ضرس المطحنة
..
تشرب كاس ؟!
ولا انت مبتشربش كالعادة
غير القهاوى السادة من غير وش
...
.....
معلش

معلش
...
طعم البراح اتغش بالزحمة
والسامبا والشمعدان
مبقوش
بربع جنيه
..
وحصانك البوص
الريح بتجري وتسبقه
وتسيبلكم حبة غبار
تكفيكم المسألة
....
قال يعني تبقي خسرت علشان طرفت عنيك
..
حواليك عيون ووشوش
وجيوش بدون أحصنه
بتدوس علي الس

علشان طرفت عنيك
..
حواليك عيون ووشوش
وجيوش بدون أحصنه
بتدوس علي السوسنة
والعقل والألسنه
متلجمه بالمم
..
مين اترفع بالضم
والضم بيوطي
غطى الكلام غطي
ومتنفعلش بحدة السكين
ولا جرحك المفتوح
يا روح ما بعدك
..
لو
..
دخل الشيطان وإحلو
..
بيقولوا كان واعي ومذاكر المفروض
وعشان كده المعروض
مطبوع من العتمة
...
متهونة القطمة
والجسم لسه صحيح
يستحمل الجايات
..