قد إيه حبك يامصر (مربعات من فن الواو)

التار دا صار تارين
تاربين وتار عله
خدوا خواتى اتنين
والطين زادوه بله
***

ياللى انتى حبك ف دمى

وترابك على دماغى

حلفتك عليا تسمى

ياتجيبى بقى داغى

فيه القليب كاوى
صابنى المرض فى حشاك
إياك تكون ناوى
تهجرنى انا إياك
***

روح واحدة أنا عايشاك
خى وياما حلمت
اللقمة انا فى حشاك
ف العلة جيت وندمت
***

ضافرى دا كنه ناب
رايد يقتلهم
كيه الأسد فى الغاب
تارى ماهملهم
***

عيونى فى دموعها
دبلت على دبلك
ناضراشى من نوحها
ياريتنى أنا قبلك
***

قليبى منى فط
على فرشتك يحكى
الأيدز فوقه حط
ولربى راح أشكى
***

رحت بواد عمي
عند الطبيب يداويه
شافه وزاد همي
وقال يارب اشفيه

قول يا طبيب البلد
قلنا ايش فيه
أبويا عادل سجد
لربنا يشفيه

كل عله ح تشفى

لونتجه لدين

وماكنش ذل وجفا

ولا كانش فيه عاطلين

جابر الزهيرى كتب:: (مربع خارج المساجلة )

ولدى مديح يا فؤاد

ليه الكلام متقال

سيب له مجاله يا واد

ما تكونش كيه متقال

***

الزهيرى

دايما أعك اكدِه

وافهمها متأخر

محقوق ولو عاد دِه

ليك حج تتاثر

ليك المجال يا مديح

والقوله تحلى بك

يشفى الكلام تباريح

ناسك واحبابك

والله الغشم صابنى

خلت المجال مفتوح

سامحنى يا إبنى

والأمر ليك مطروح

السلام عليكم .. مجرد رأي
كلام من قلبي
الأساتذه العظام
احترامي وتقديري

لو تسمحوا لي أن أشارك قدر استطاعتي

علي فين ياولد العم
رايح لوين بينا
من يومنا شلنا الهم
والحزن بات فينا

.....

اشكركم
وللجميع تحياتي

ولدى فداك مالى

وتعود لى تانى { عود }

تسند عوج حالى

ونرضى بالموعود

عا اصرف عليك م المال

لو حتى ابيع ارضى

نعدل فى حال لو مال

وهوه دا غرضى

عايزك تعود لى مليح

لو حتى ابيع الطين

وانت قصادى جريح

إيه تعمل الفدادين ؟؟

ساعدنى يا ابنى وقوم

إفرد عصب حيلك

فيّه عا تفرح قوم

لو ما اتعدل ميلك

يارب انا بناجيك

خد عافيتى واشفيه

ويا طب انا راح اجيك

ولا حد يشمت فيه

يكفى بكى ونواح

وقولولى كيف نداويه

فى قلوبنا جت لاجراح

دلوك نشوف دوا ليه

القــــــــلب بــات محــــــــــــزون

مـا تقـفَّــــــــلوا اللــــــــــــيلة !!!

لابـــــــــــسين عــقاد حـــــــــزَّون

شـــــــــاديـن كــــترحـِـــــــــــــيلة

***

لـو قــــــــــــولنا فـــ التـعــــــــــديـد

ماع تخـــــــــــلصـوش .. واصـــــــل

عــــــــــدودة فــوقــــــــها مـزيــــــــد

ع تجـــــــــــــــددَّ الحـــاصـــــــــــل

***

آمـــــــــــانة كـــــــــفَّى ، وزاد .......

وهــــــاتـوا لــــنا بـــُـــــــشرِة خـــــــير

نـــــــبدي فـــــــ مســـــــــــاجلة عـــــاد

مــســــــتبـــــشرة بتــــغـــــــــــيـير

وداد الهـــــــــــــــــــوارى

:

السلام عليكم ..مجرد راي
كلام من قلبي

راحوا العيال ولا جم
كترت شكاوينا
عايشين في حاله تغم
فيه رب يحمينا

اشكركم
وللجميع تحياتي

أبدأ منين الرواية

الحالة مطمنش

لازم يخش العناية

وعيني ما بتنمش

يرضى كده يا وداد

الواد يروح منى ؟؟

دا انا الف بيه لبلاد

ونشوفه طمنى

شقوا قليبى فى شقيقى
وياريتنى أقدر أغيته
دمعة عينيه عقيقى
شمعه ما نور فى بيته
***

» مربعات فى فن الواو
» مربعات الواو
» مربعات ..فن الواو
» من الواو (مربعات من محاولاتى)
» جحا والحمار(من مربعات فن الواو )