قد إيه حبك يامصر (مربعات من فن الواو)

الكل رافض يرقبها
لو حتى فى الأحلام
ونفسه يديه بمركوبها
من خوفها يوم ما تنام
***

يا خويا ليه ماوعيش
للغدر فيه ظهرك
عايغمسوك بعيش
ويزودوا قهرك
***

إبنته فينا زين
ليه الرضى ياخدك
والقلب فينا حزين
على دموع خدك
***

توبك بلون الدم
م الفاسد اللى صاب
خلاك عليل بالهم
تايه ما لاقى أصحاب
***

إزاى عاتنسى أخوك
اللى بإيديهم مات
تضحك وهم خانوك
عاتصير من الأموات
***

ولدك خادوه منيك
وأنت لسان خرسان
ويا القانون يسليك
بمسنه كيه خراسان
***

عمك يهدى ف أبوك
وأبوك ما ناسيشى
يوم سبتهم ركبوك
رافضنا ما تجيشى
***

إزاى عاتنسى التار
قتلوا أعز الناس
خوك تربته تحتار
ويا ندا الخناس
***

اللعنه لينا نصيب

منها يكفينا

لما ولادنا تخيب

العيب أكيد فينا

عسلية ما تخلى جلبك جاسى
ولا تشغلى بالك بسا طور
وبكرة راح تجيبة الماسى
ندمان متشوج جمال العطور

ولدى اللى من دمى
علمنى كيف أقسى
زوّد علىّ همى
ما قادرشى ليه أنسى
***

أقول يا عين سامحيه
و الدمع ينطق لع
و يقول أساه إمحيه
دا من البلد قلّع
***
الزهيرى

حفيد و مستنيه
بدلى يكون بكره
أمه دى عاتخليه
لجده راح يكره
***
الزهيرى

الولد لو يوم صح
عايقولوا لاخواله
وحفيدى مهما إن صح
عاره يكون خاله
***
الزهيرى

قلبى ماحنش ليه
مع إنه واحشنى
غلطه بقى شال ليه
زمزمنى بيه حاشنى
***
الزهيرى

سيبه يجرب نار

راح ينكوى بيها

جلده حينزف عار

ويعيش ذليل فيها

إن نام فى أحضانها

حيحس فيها جحود

وف قلب أزهارها

حيشم خبث يهود

خادها وخلف واد
من صلبه صار فيهم
ينادى فيه وماعاد
يرجع وفاه ليهم
***

وبعد أيش ياريت
وأنت عليل تنفع
ولدك خادوه من البيت
نسبوه ليهم منفع
***

قلعت من دارك
كل حبال الود
وجريت لهم جارك
وخانوك ماليهم عهد
***

من ميته هم صاينين
كتب التاريخ تنطق
شقوا القليب نصين
يصرح ملوش منطق
***

العين عاتبكى دم
ويا أنين جوفك
لما بتطرح غم
ويا العذاب خوفك
***

تطلب نكون لك سند
ليه كنت يوم ناسى
وجريت لهم تنجلد
من الظلم بتقاسى
***

حبك لبلدك وين
نسوك فى زيف قولهم
ونادوك يا نور العين
لفوك فى ماعقولهم
***

صار الفؤاد مجروح
من جرح فيه واعر
زودت فينا جروح
تنزف وما شاعر
***