قد إيه حبك يامصر (مربعات من فن الواو)

قالوا كساد الحال
هو سبب عله
خلا حديدهم خال
ع القلب راح مله
***

وأزاى يصون عرضه
وهوناسب شين
مواخدش بوه عرضه
إصاب فى ننى العين
***

ميته يعدى غيام
م اللى صابوه فى الفخ
ندموه فى توهه ايام
خادعوه بقوله أخ
***

صار الفؤاد يدعى
على رجعته لينا
والرب ليه يهدى
ويفوق من الغيمه
***

ناسى لمية نيل
لما شرب منها
خادوه رجعلى زليل
والعله فيه سكنها
***

رايد لأبوك عوده
طمعانله عايسامح
ماعرفش فى ردوده
أنا فكرى ليه سارح
***

روحت لقلوب خاينة
ويا قوالة الزيف
ولا عمرهاش صاينة
مع لقمتك فى رغيف
***

أبوك عاينده كيف
والقلب فيه ينزف
ويجندوك بالكيف
وأنت يا خوى ترجف
***

بدعى على اللى صاب
خويا فى قلبه حزين
فصار عليل منصاب
ماعرفشى رايح فين
***

الوِلد تاه مننا

واهو جاهل العوده

وازاى يغيب عننا

فى غربته السوده

حفيدى اللى اتنسب

للام حا يعاود

والحسبه لو تتحسب

ما عمرى حا نهاود

يا سينا بيبيعوا

ف أرضك لليهود

واولادنا بيضيعوا

والقدس امتى تعود

ابنى لابد يعود

جايب معاه صلبه

دا بيننا لسّه وعود

وازاى يسيب قلبه

سينا عادت ليهم

وشهيدنا صار ذكرى

وبكره بأديهم

حا ندوق بقى السكره

قالوا وفيه تطبيع

بعتوا السموم لينا

وبلدنا كيف بتضيع ؟؟

ولسّه فى أيدينا

شغلونا بالكورة

والماتش والخطة

وهما في الصورة

بينفذوا الخطة

دم الشهيد لسّه

عالرمله ما نشيفشى

شوفتم كده خسّه ؟؟

عايزنا ما نشوفشى

الحق دايماّ فوق

ولا ماتش ولا كوره

لابد لينا نفوق

ونبقوا فى الصوره

الخسه من طبعهم
حتى التاريخ تشهد
روا تراب أرضهم
بدم مستشهد
***

سيبنالهم المرمى
وجابوا فينا إجوان
عشان ولاد صرمة
خلوا الولد خوان
***

الصرمه هوه احنا

وافقنا عالتطبيع

ووقعنا فى المحنه

وحقوقنا اهى بتضيع

بيفكروا فى النيل

ياخدوه كمان عافيه

واحنا كالمساطيل

وجات لنا الكافيه

اربع حروب بيننا

ونارى لسّه لهيب

احلف انا بديننا

ناخدوه يإما نخيب

حرب السلاح بطلت

دلوقتى فيه تدمير

من نوع جديد هطلت

واسرائيل بتدير

بسلاحها أهى دايرة
وتهدد المخلايق
ضيق سادات دايرة
عليها نشف ريق
***