قد إيه حبك يامصر (مربعات من فن الواو)

أنا اللى ياما حلمت

فى العرس أغنيله

غلط وياما حلمت

ناكر جميل نيله

***

الزهيرى

جابر متزعلشى

غومه وحتعدى

وعيار ما حيصيبشى

ولدك ولا ولدى

لوجانى ورقبته

ماخبرشى إيش عايكون

أجز له رقبته

ولا قليبى يخون

***

الزهيرى

جانى العيار صابنى

من بندقة ولدى

باعنى أهو وسابنى

لاطلت دى ولا دى

***

الزهيرى

خلليك يا صاحبى حليم

عمر الضنا مايهون

وان كان عدوه لئيم

يبقى واجبنا نصون

فى الأصل كان دورنا

واحنا اتهاوننا فيه

سيبناه يسيب دورنا

ويروح لأهل التيه

أنا قلت بعدى يشيل

هم أمه واخواته

زود لى هم تقيل

يدينه سواته

***

الزهيرى

قالوا الكبير دا شهيد

وعرفت أنا قبره

طب واللى راح لبعيد

يجيب لى مين خبره

***

الزهيرى

إدعيله من قلبك

يرجع لأحضانك

ربك يجيب طلبك

ويسامحه علشانك

مكر اليهود يا خوى

غلب العرب كلك

من جد جدى لابوى

ولولدى ولولدك

قبل الغضب يا خال

نسأل عن العله

يمكن كساد الحال

كان هو ده الذله

كام مره أدبناه

لما ترك فرضه

كام مره علمناه

إزاى يصون عرضه

خدوا الوليد من أبوه
والعقل عايجنن
وأماى عاتزعق بوه
وقليبه ما يحنن
***

شمت فينا جيران
قالها أبوك سابق
والعقل فيك خرفان
فى العلة بيسابق
***

طايش وصابته العين
ويا حنش ملعون
وداق فى ويل البين
مع سمهم فى ماعون
***

طبطب عليك ديما
بوك اللى فيك ربى
هجرته فى لئيمة
والود ليه إتخبى
***

فرحك دا كنه عزاك
تعبان وليك قسمة
سمك وقوى جفاك
والعين ما مبتسمة
***

عيار وصايب بوك
لما ساقوك ليهم
سلمتهم فجابوك
طايع ومنيهم
***

بوك يا ما كان حلمه
سنده تكون بعديه
سيبته فى ليل ظلمة
فى الحزن بات وحديه
***

دوره خادوه مننا
وساقوه فظلام دورهم
وقاسينا فى همنا
والفكر فيه دورهم
***

ســايــق عــليك النبي

سامحني يـا ســيــدي

رضاك يا ابـوي مطلبي

مـــــادد إليك إيـــــدي

صهيون غووني بناتهم

وجـــوّزونـــي الــبــت

عاوزني اعلي ف بناتهم

يــــا ابــويـا والله تعبت

لو انتو سيبتوني

هيجندوا أهلي

وبسرعه يثبّتوني

يا ابويا إندهلي

يوخا عليك ياولد
صدقت فى الشينة
ويا حديدهم جلد
ولايرحموش فينا
***

ناسى فى أخوك موته
ويا عيار مقصود
حزنت عليه آماته
ويا التراب مايعود
***