قد إيه حبك يامصر (مربعات من فن الواو)

فعلاً زاد المر

وعلينا دي بتقسى

والعمر مهما يمر

ولا لحظه راح ننسى

لو عقلى كان واعى

كان فضها سيره

وازاى انسى واقسى

وانا ف حبها اسيره

حتى لوخيرك لغيرنا
معاكى لاخر المشوار
دوسى وسمّى علينا
عماريا بلدى عمار

حتى لوخيرك لغيرنا
معاكى لاخر المشوار
دوسى وسمّى علينا
عماريا بلدى عمار

غزلت قلبى عشانك توب
فتله من دهب والتانيه من فضه
ومهما ابعد عمرى ما اتوب
دا عشق مش حديت و هنفضه

والله يامصر عمار

مهما نهابوكى

خيرك ح يملا الدار

لو حتى ضرابوكى

عمار يا أجمل بلد

عمار يا ست الكل

محتاجه بس لولد

يجعل صباحك فل

طبعاّ عمار يا ولاد

رغم اتنهب خيرها

وترقب عنيه ف عباد

عايشه ف قفا غيرها

فتّحتوا ليه فى الجرح

خلّوا اللسان مشلول

نفسى فى حبة فرح

يصحى اللسان على طول

من حبى بكتب لها

م الود حارمانى

انا قلت أكدب لها

لقيتها فارمانى

دخلت محرابك

اسجد وادعيلك

رشقتنى بحرابك

إزاى حا نسعيلك ؟؟

الظلم مهما طال

لابد له نهايه

ومعاملة الكفار

ح تغور ومش جايه

انا جلدى لسّه شقوقه

بتنز من دمى

والفجر فينه بشروقه

علشان يزيل همى

ستين سنه بدى

ما قلت يوم هاتى

ما هو اصل كان بدى

أفعل ولا اهاتى

ولحد إمتى الطين

ارويه ولا يطرح

رغم ان ناس تانيين

ما بتروى وبتطرح

بكره يبيعوا النور

تتعترى فى العتمه

حا انزف دموع بنّور

وتنور { الخاتمه }

اخى العزيز

جابر الزهيرى

أخشى من فشل تلك المساجله

لقلة المشاركين .

فلابد من تواجدك الدائم عليها . للتشجيع والأستمراريه

تحياتى ومودتى ..

جوايا عشق و سكنّى
و لا قسوة تقدر تزيحه
و أمدحها للناس كنّى
عايش فى عيشة مريحة
***
الزهيرى

قلبى ما كانش عويل
زرعك فى جوف ساسه
ع البعد كان وعى ويل
و كّدب إحساسه
***
الزهيرى

قلبى بنى بيت عز
و فى قلبه قام شالك
قلتى ما كان يتعز
لما طلب شالك
***
الزهيرى

شامم فى رملك تواريخ
تشهد بعز و حضارة
و الفقر دلوك صواريخ
للعشق تهجم فى داره
***
الزهيرى

عالبر حا ابنى السفينه

وحا آخد من كل صنف جوز

كل الشرور لسّه فينا

معظمنا صار اراجوز

الفقر عامل بيوت

جوه النفوس بيبات

سميته لجلن يموت

اكل السموم ولا مات

كتبوا التاريخ تزوير

وحذفوا فيه لامجاد

ووزعوا التصاوير

قبل الهدى { لبجاد }

قلبى دا شق الجلاليب
من قهر عشقه و صبابته
ضرباه سيوف و مخاليب
و ايده ما سابت ربابته
***
الزهيرى