قد إيه حبك يامصر (مربعات من فن الواو)

ده إبننا اللى غاب

واللى رجع لينا

طب وابننا اللى داب

م الهم وسطينا ..؟

فجروضياع بالكل

بيحشوا فى جنابه

تنه يجرجش ذل

لما انكسر نابه

أدعى له وارفع فى كفين

فى بقعة طاهرة بدالى

دا أنا اللى فيه مكفين

والروضة نورها بدا لى

***

الزهيرى

يا اللى قليبك تروى

من نور جمال التهامى

قبلن تعاود تروى

بلغ له أغلى سلامى

***

الزهيرى

وقوله عاشق ما مالك

فى العشق إلا مديحك

يا سيد جميع الممالك

ونفسه يقعد فى ريحك

***

الزهيرى

يا اللى بولدنا عايرنا

وبولده جم عايروه

أسمع لضربة عيارنا

وإن كان حداه عيا روه

***

الزهيرى

ربى الشفى عنديه
يروى قليب الزين
زمزم فى شوق تهديه
ما يقاسى ويل البين
***

دعيت كتير يا نبى
صليت ف عين تبكى
وأقول بلاش تندبى
ترجع كمان تشكى
***

دمك جرى ف وريد
كان واصل الكعبة
الرحمة جت كيه عيد
مسحت له متاعبه
***

جواى هموم شالها
ماتعود تزمزمنى
عاتصير فى ترحالها
تهجى عازول زمنى
***

مالكم ما واعيينشى

للباكى وسطيكم

مستنيين يمشى

كيف اخوه فعل بيكم ..؟

السلام عليكم .. مجرد رأي
كلام من قلبي

ألف صلاه يازين
بابعتها كل أوان
ويّا السلام رياحين
حبيبي ياعدنان

القلب فىّ يرقص
ف مجية الخيال
مزمار وكيه نار قوص
يستقبل الرحال
***

مديح خلاص اهو عاد

كات غمه وانزاحت

عينكوا بجى على الواد

ال فى الصخور ناحت

فرحة قليبى عليك
ملهاش حداى أوصاف
بدروا الزينات حوليك
فى دعاوى جات إنصاف
***

مالاجيش ثمار تعبه

ماجيْمالوش جومه

واللى بشجاه لعبوا

عليوا على الكومه

منك ما زعلانش

أنصب فرح يا فؤاد

ليه الصخر ما لانش

وأخوك مديح أهو عاد

***

جاى من أراضى الخير

على وشه ألف ضياء

مع عمه ولد زهير

ما تزغرتى يا وفاء

***

الزهيرى

خايف ليزهج عاد

ويروح بعيد عنا

وتخطى رجله بلاد

عاشجه لأوجاعنا

السلام عليكم .. مجرد رأي
كلام من قلبي

نفسي أعيش لي يومين
في معية الرحمن
وزيارتي للحرمين
قلبي خلاص هيمان

فرحى لرجوع خويا

مالى الجلب والروح

خايف أنا يابويا

خوى الصغير يروح

أدبح بيدى دبايح

ع العتبة يوم ياجوا

وشعرا تطلق مدايح

فى نبينا ويناجوا

***

الزهيرى
الزهيرى

تاخده بلاد سابج

أخدت أخويا مديح

ونعود ونتسابج

ويا الجبال والريح

وأنت يا واد يا حسام

روح لف ع الدواوير

وأعزم بأحلى كلام

وأرمح وبالمشاوير

***

الزهيرى

وجلوبنا تتجطع

من تانى وننادى

ع الولد لمجطع

م حيفا للوادى