باقولك متجوزة مستوحاة من أغنية ‏Sorry I’m A Lady

بقولك يا سيدىانت فين***ياابو الشهامه يا ملى العين
يامصرى يا ابن اصول***يا لاهلك حامى وغيور
ياقدوةلكل شباب ورجال***وعدوالعيب ولعب العيال
يارب يبارك بيك وفيك***ومن العين والحقد يحميك

مع تحياتى لك
بنت الصعيد ريمى

الشاعرة عزة الزرقانى كتب:

هايل استاذ طارق اغنيه زى العسل زيك

بس ح زعل قوى لو كانت موجه ليك

لأنك مش انت اللى يتقال لك كده

وف الحاله دى شاور لى عليها

ومالكش دعوة ونا ح اخليها تيجى

تقول لك حقك عليا وهىَِ اللى تعاكسك

بس بصراحه انا ممكن اعذرها عشان

خلتك تطلع هذه الرائعه

دمت بكل حب

[color:09ec=red]
أختي العزيزة الأستاذة/ عزة
لاحظي أن أخويا وبنت أختي وكمان بنتي الكبيرة ( عضو غير نشط) أعضاء في المنتدى ومش عايز فضايح..وأنا نازل أجازة الخميس اللي بعد الجاي ومش ناقص مشاكل في الأجازة..
طبقاً أنا متأكد أنك متأكدة إن القصيدة لا يمكن تكون ناجمة عن تجربة تخصني فأنا واخد الفكرة من أغنية أجنبية.. والأغنية الأجنبية مختلفة تماماً.. أنها معجبة بيه جداً وهي اللي بدأت الحديث معاه.. وبعدين بتقوله آسفة أنا سيدة متزوجة.. وتدور حوالين أنها محتاجة لعواطف وقوة ومش قادرة تقاوم.. وبعدين ترجع تقوله آسفة أنا سيدة متزوجة.. ولكن أنا حلتها بأخلاقنا المستمدة من ديننا وشرقيتنا ومصريتنا.. أن الست المتزوجة اللي مجرد أنها تفكر في راجل تاني ولو للحظة تبقى خاينة.. وإن الراجل اللي يفكر في ست متجوزة مش أكثر من حمار.. ولازم يخلي نفسه مكان الراجل اللي متجوزها وهل هو يقبل كدة على مراته..هدانا الله جميعاً إلى سواء السبيل..
شكراً لمرورك الجميل وماتحرمنيش منه ..
أخوك
طارق منيب

لاول مرة حبيت اكتب بالعربي مع ضعفي الشديد في الكتابه علي الكي بورد بالعربي
بس الي عجبني اكتر من القصيده الرائعه(لاني اعرف الاغنيه وبحبها جدا وحضرتك جعلتها تاخذ طابع شرقي باسلوب عبقري)
هو ابي الذي افخر به دائما واتخذه قدوة
لانه اكتر رجل محترم في الدنيا
واكتر رجل محافظ علي دينه وعلاقته بربه واسرته
واسمحلي يا بابا ارفعلك الشابوه
i`m really proud of you

أستاذى الكبير طارق منيب
أول مرة أدخل المنتدى من شهر رمضان اللى فات وأول مداخلة كانت للسطور الجميلة اللى كتبتها لأنها لفتت نظرى
وللأسف كتير منا يتعرض لتلك المضايقات
بس مش كل واحدة بتكون من شبرا يا أستاذ طارق وتعرف ترد

اخى العزيز وصديقى الغالى الشاعر الكبير والمترجم الجميل
الاستاذ طارق منيب

تحياتى وتقديرى واعجابى الشديد بكل ماتبدع وخاصة تلك
القصيدة خفيفة الدم عميقة المعنى بقولك متجوزة
وقد وضحت لنا انها اغنية عالمية نقلتها لنا بحرفية عاليه
وجعلتها توائم مجتمعنا الشرقى باسلوبك القيم والمحترم
وياريت كما قلت فى تعقيبى السابق على قصيدة اوديب
ان تمتعنا بتلك المترجمات سواء كانت روائية او غنائية
واعتقد ان اغلبنا يتطلع الى هذا النوع من الابداع

واسمح لى ان احيى بكل الود والتقدير والاحترام ابنتكم
الغالية الدكتورة ايه طارق منيب على تعقيبها الجميل والمحترم
واخيرا تمنياتى لكم جميعا بدوام الصحة والعافية والسعادة
ودام ابداعك الرائع و معذرة عن تاخير
تعقيبى وتقبل مرورى المتواضع وشكرا

فكرة جميلة وانت نجحت في تمصيرها تماماً.. برافو ياطارق