راجع تاني- مستوحاة من قصة فتاة الوداع ‏The Goodbye Girl‏ لـ

راجع تاني
مستوحاة من قصة فتاة الوداع ‏The Goodbye Girl‏ لـ نيل سيمون

قاللي مسافر وراجع تاني
وسابني لحيرتي مع وجداني
قلتله طب ماتاخدني معاك
قاللي ظروفي لا يمكن تسمح
نفسي أكون على طول وياك
قالي ياريت بس إزاي ينفع
قلتله سافر
واتاريه هاجر وهجر ‏
بيته وقال مش فاكر
قلت دي خسة
وصبح قصة
كان لازم أنساها وأكابر ‏
‏.................................‏
واتجوزت بعد ماطلقني
وأنا حاتعذب بعديه ليه
وجوازي سعدني وفرحني
ماأتأسفتش لحظة عليه
لحد ماجاني .. التاني من تاني
يقوللي مسافر وراجع تاني
قلتله طب ماتاخدني معاك
قاللي ظروفي لا يمكن تسمح
نفسي أكون على طول وياك
قاللي ياريت بس إزاي ينفع
ولقيت نفسي راسي بتشت
قلت يابت
‏ ده أكيد برضه ناوي يهاجر
مش حيسافر
وناوي عـ الخسة
ويصبح قصة
يمكن يوم أنساها وأكابر
‏.................................‏
عشت أيام كات صعبة عليه
نفس شريط الماضي من تاني
قلبي بيدمي.. ودمع عينية
هازز نفسي وكل كياني
وميعاد سفره كان بيقرب
وأنا باتكهرب
وقلت أجرب
وأعيش واقع إني فقدته
وزي ماهو عايز مصلحته
أشوف مصلحتي
وأشوف راحتي
وفي يوم كلمني وبيعيط
قاللي أزغرط
جبت موافقة تكوني معايا
ياكل هنايا
وساعتها مادريتش بنفسي
وسبيت ظني
وقلت له سافر ‏
أو روح هاجر
راح تلقاني أنا كلي معاك
بقلبي وروحي حاكون وياك
أو تلقاني مستنية
ياأحلى هدية
وكمان قصة
مافيهاش خسة
وخليك ليا
على طول فاكر
‏...........................‏

لأول مرة أكتب الأول على عمل يا أستاذ طارق
و سعيدة أن تكون مع حضرتك
و بقدم لك التحية على شعرك الجميل
ده Cool

اخويا طارق

ما فيش فتاة اللقاء . اصل ما بحبش الوداع

بصراحه كلمه قاسيه جداّ .

قصيدتك موضوعها جميل وانت امسكت بتفعيلة المتدارك

رغم إنفلاتها فى بعض المواضع . بس الله ينور .

انا سعيد جداّ اخويا طارق بتقدمك فى اعمالك المنشوره الحديثه

وإن شاء الله حا تقعدنا فى بيوتنا قريّب ...

الأخت العزيزة الوردة الحمراء
لي الشرف أن تكوني أول المارين على القصيدة وسعيد وفخور بمرورك السريع وكأنك كنت بتكتبيها معايا

عادل عوض سند كتب:: اخويا طارق

ما فيش فتاة اللقاء . اصل ما بحبش الوداع

بصراحه كلمه قاسيه جداّ .

قصيدتك موضوعها جميل وانت امسكت بتفعيلة المتدارك

رغم إنفلاتها فى بعض المواضع . بس الله ينور .

انا سعيد جداّ اخويا طارق بتقدمك فى اعمالك المنشوره الحديثه

وإن شاء الله حا تقعدنا فى بيوتنا قريّب ...

حبيبي عدولة
سعيد بمرورك .. وإن القصيدة عجبتك.. وماتقلقش على مستقبلك.. فبرضه حاراعيك..ومش حانساك.. ولايمكن أنسى أساتذتي بعد مايبقوا تلامذتي..
وبالنسبة لتفعلية المتدارك.. أنا لاأعرف الكثير عنها .. والكتابة بالحاسة فقط وبالخبرة اللي اكتسبتها منك ومن أساتذة المنتدى.. وإن شاء الله ييجي الوقت اللي أعرف كل حاجة
أخوك
طارق منيب

الشاعر الرائع طارق منيب
اجمل قصه واحلى حكايه
الله على قصائدك الجميله اللى بتمتعنا بيها
صدقنى بجد دايما الاقى كل جديد عندك فى قصايد
سواء فى الفكر او المضمون
وبتوصله بأسلوب رائع وسلسل
سلمت يداك
دمت مبدعا متألقا متجددا
تقبل ودى وتقديرى

أميرة البدرى كتب:: الشاعر الرائع طارق منيب
اجمل قصه واحلى حكايه
الله على قصائدك الجميله اللى بتمتعنا بيها
صدقنى بجد دايما الاقى كل جديد عندك فى قصايد
سواء فى الفكر او المضمون
وبتوصله بأسلوب رائع وسلسل
سلمت يداك
دمت مبدعا متألقا متجددا
تقبل ودى وتقديرى

الشاعرة الكبيرة الأستاذة/ أميرة البدري
كنت بدأت أتهيأ للنوم ولكن صادف إني أشوف ردك وسعدت به كثيراً.. وسعدت جداً إن القصيدة عجبتك.. وصدقيني أصبحت لا أشعر باكتمال العمل إلا بعد ماشوف مرورك..وسعيد جداً بكل الكلام الجميل عن القصيدة.. ولكن لا ننسى نيل سيمون صاحب القصة واللي اداني الفكرة
طارق منيب

برافو برافو برافو حلو يا خالو والوزن كويس وسكة جديدة أن تستغل ثقافة الأدب الأنجليزى حلو أوى التحدى ف الأبداع وعايز أقولك لو مشيت على التحدى دة عالطول هتكون حاجة تانية على متيجى القاهرة بجد جميلة جدا وزى ما قولت هو ده الفرق بينة وبينك والفكرة هى الأساس وثقافة الفكر عليها عامل كبير
بجد كمل وأنا معاك لأخر المشوار لازم أساعدك تكون مختلف هو أحنا بنلعب يا خالو ولا أية ولا أنا بنت أختك ع الفاضى

قصيدة جميلة وموزونة وموسيقاها منسجمة مع المضمون
بس ياترى هَّم عندهم حركات الندالة دى برضه زيينا ؟ !
بالتأكيد طبعاً أنا باسأل سؤال ساذج جداً وإلا منين بيكتب
نيل سيمون ده إلا مما حدث فى مجتمعه !
بس هى قريبة لنا شوية القضايا المجتمعية دى
علشان كده إنت كتبتها بصدق وعالجتها بشرقية قوى .
دمت بإبداع وفن وخير
وداد الهــــــــوارى

وداد الهوارى كتب:: قصيدة جميلة وموزونة وموسيقاها منسجمة مع المضمون
بس ياترى هَّم عندهم حركات الندالة دى برضه زيينا ؟ !
بالتأكيد طبعاً أنا باسأل سؤال ساذج جداً وإلا منين بيكتب
نيل سيمون ده إلا مما حدث فى مجتمعه !
بس هى قريبة لنا شوية القضايا المجتمعية دى
علشان كده إنت كتبتها بصدق وعالجتها بشرقية قوى .
دمت بإبداع وفن وخير
وداد الهــــــــوارى

أختي العزيزة الشاعرة الكبيرة الأستاذة/ وداد الهواري
سعيد جدا بمرورك العطر.. وربنا مايحرمني منه وأتمنى أن أرى مرورك على عمل آخر أحببته كثيراً لي وهو حكاية عقدة أوديب وانتظر تعليقك عليه..
نرجع للقصيدة.. بالنسبة للنذالة هما أصلها وفصلها..
وبالنسبة لأنها قريبة من مجتمعنا.. القصة قبل تمصيرها في القصيدة بعيدة عن مجتمعنا لأنها لم تتزوج الأثنين.. بل عاشت معهم.. وبداية معرفتها بيهم .. أنها كانت تؤجر غرفة في مسكنها .. ولكن زي متفضلت وذكرتي أنا صبغتها بصبغة شرقية..
سعيد بمرورك وإن العمل عجبك
خالص مودتي وتقديري
أخوك
طارق منيب

[quote="رشا فؤاد"]برافو برافو برافو حلو يا خالو والوزن كويس وسكة جديدة أن تستغل ثقافة الأدب الأنجليزى حلو أوى التحدى ف الأبداع وعايز أقولك لو مشيت على التحدى دة عالطول هتكون حاجة تانية على متيجى القاهرة بجد جميلة جدا وزى ما قولت هو ده الفرق بينة وبينك والفكرة هى الأساس وثقافة الفكر عليها عامل كبير
بجد كمل وأنا معاك لأخر المشوار لازم أساعدك تكون مختلف هو أحنا بنلعب يا خالو ولا أية ولا أنا بنت أختك ع الفاضى[/
quote]

أستاذتي روشا..
سعيد جداً إن العمل عجبك ولكلامك الحلو الجميل عن القصيدة.. ويمكن فكرة القصة الجميلة ساعدتني كتير .. وهي الخبرة السوداء.. اللي بتخلينا متعقدين نخوض تجربة مثلها.. ويمكن شادية اتعرضت لفكرة مشابهة في أغنية أنا عندي مشكلة.. مع الفارق بين الحدثين
شكراً لمرورك يارشا.. وماتحرمنيش منه..
خالك
طارق منيب

أحب أضيف ياأستاذة وداد إن عملية التمصير أو صبغ العمل بصبغة شرقية تتفق مع ديننا وعاداتنا وتقاليدنا.. نقطة مهمة جداً عند كتابة عمل بالعامية في ضوء الأدب العالمي

رائع جدا استاذ طارق

بصراحه انت بقيت هايل

وكمان استاذ منير بقى مشكله غنائى رائع

انا فرحانه جدا بالعائله الفنيه دى

اشكرك على مواضيعك الرائعه

دمت بكل حب

أستاذنا الكبير جداالأستاذ طارق

كلام الأستاذ عادل فى محله ،

هو فيه حد متفق معاك علينا ولاَّ إيه

كل شويه تكتب قصيدة بالعامية ،

وتشعشع الحكايه عندك حبتين ،

تترجم قصه وتقلبها برضه شعر

عامى إيه ياعمى !؟

ماتسيبنا ناكل عيش جنبك وانقل

ع الفصحى شويه .

أستاذنا القديرطارق بك

والله رائع وقصيدة رائعة

بكل المقاييس والحمد لله

أنا مش ماسك أى باب فى

المنتدى كنت اخاف لاتاخد

منى الباب ياسيدى واقعد

من غير باب!!

تيجى لنا بألف سلامه

إن شاء الله .

ودمت بكل الخير .

أستاذي الكبير والمفكر المتعمق جداً الأستاذ/ محمد البسيوني
لاتتصور سعادتي بكلماتك الرقيقة.. ولكن سامحني .. سأؤجل الردإلى غد لأني مرهق جداً....
أخوك
طارق منيب

أختي العزيزة الشاعرة الكبيرةالأستاذة/ عزة
لا أشعر إن عملي اكتمل بدون مرورك.. سأؤجل الرد إلى غد لأني مرهق جداً من ضغط العمل..
أخوك
طارق منيب

الشاعرة عزة الزرقانى كتب:: رائع جدا استاذ طارق

بصراحه انت بقيت هايل

وكمان استاذ منير بقى مشكله غنائى رائع

انا فرحانه جدا بالعائله الفنيه دى

اشكرك على مواضيعك الرائعه

دمت بكل حب

الأخت العزيزة الأستاذة/ عزة
مرورك على أعمالي أدمنته فلا تحرميني منه .. برجاء.. وأود أن اضيف أن إن أي تقدم حدث استمديته من أساتذة المنتدى وأنت منهم.. سعيد إن العمل عجبك.. وخالص مودتي وتقديري
أخوك
طارق منيب

محمد البسيونى كتب:: أستاذنا الكبير جداالأستاذ طارق

كلام الأستاذ عادل فى محله ،

هو فيه حد متفق معاك علينا ولاَّ إيه

كل شويه تكتب قصيدة بالعامية ،

وتشعشع الحكايه عندك حبتين ،

تترجم قصه وتقلبها برضه شعر

عامى إيه ياعمى !؟

ماتسيبنا ناكل عيش جنبك وانقل

ع الفصحى شويه .

أستاذنا القديرطارق بك

والله رائع وقصيدة رائعة

بكل المقاييس والحمد لله

أنا مش ماسك أى باب فى

المنتدى كنت اخاف لاتاخد

منى الباب ياسيدى واقعد

من غير باب!!

تيجى لنا بألف سلامه

إن شاء الله .

ودمت بكل الخير .

أستاذنا الكبير وأخونا الكبير برضه الأستاذ/ محمد بسيوني
لا تتصور مدى سعادتي بتعليقك الجميل.. والذي جاء من أستاذ كبير أعتز به كثيراً.. ويكفي أن أقولك إن عند تصويتي للمسابقة.. كان طبيعي إني أصوت لنفسي.. أو تأخذني العاطفة وأصوت لأخي منير أو أبنة أختي رشا.. ولكن عندما رأيت نفسي أمام عمل أكثر من عملاق.. أعلن عن فوزه بالمسابقة قبل إعلان النتيجة .. ورغم إن عملي كان قد نال استحسان كبير جداً من كبار أساتذة المنتدى عند نشره.. لقيت إن هذا العمل الكبير فرض نفسه حتى علي كمتنافس وصوت له..
أخي العزيز.. أي باب في المنتدى.. بل المنتدى نفسه .. يتشرف أنك تكون على رأسه.. بعلمك.. ورؤيتك الثاقبة.. ورمزيتك الشديدة.. وموهبتك القوية.. و خبرتك .. وبالطبع سنك (ماتاخدش في بالك لسة برضه شباب).. وكل دة مافيهوش كلمة مجاملة وإلا ماكنتش فضلت قصيدتك على قصيدتي طظ في مسابقة شهر يناير..برغم إن قصيدة طظ أعتز بها كثيراً..ونفسي أعرف رأيك فيها لأنها تنتمي لمدرستك
أخوك الأصغر
طارق منيب

بصراحة يا طروق انت نضفت قصة فتاة الوداع من جميع ملوثاتها ببراعة شديدة . ماشاء الله عليك . تحياتي على هذا العمل الجميل .

منير منيب كتب:: بصراحة يا طروق انت نضفت قصة فتاة الوداع من جميع ملوثاتها ببراعة شديدة . ماشاء الله عليك . تحياتي على هذا العمل الجميل .

[b

]شكراً يامانر على مرورك المتأخر على القصيدة.. وأنا طبعاً مقدر مشاغلك.. أما من تطهير القصة من الإنحلال الغربي.. فدة واجب دائم علينا .. طه حسين قال خذه الغرب بحلوه ومره.. وأنا لا أتفق معاه.. فيجب أن نأخذ حلوه بس.. ومره خليه ليهم..[/b]

» راجع تاني- عن قصة فتاة الوداع The Goodbye Girl لنيل سيمون
» باقولك متجوزة مستوحاة من أغنية ‏Sorry I’m A Lady
» راجع لية
» راجع لية
» بكره راجع