أغنية ( رنــة محمــول )

كلمات :- طه على الدين
بتـرن ليــه تــاني يا بو قلـب آسـي أنـاني
بتـرن ليــه رنتـك ؟ أنا مش هـرد عليـــك
م القلب داق قسـوتك وشـاف عـذاب لياليـك
بعـد إيـه حنيتــك؟ إمسـح نمـرتي وإنســاني
****
روح وخلي قلبك
يلعب ع اللي جنبك
زي ما لعب عليا
وبكرة يزهـق قلبــك
مــن كل اللي جنبـك
وتـــــدور عليــا
****
وساعتها مش هرجعـك
ولا يمكــــن أحنلك
ومهما تبكـي بد معـك
مش ممكـــن أبصلك
بعـد إيـه حنيتــك؟
إمسـح نمـرتي وإنسـاني
****
وروح وخلـي نـارك
تحــرق في اللـي جــارك
مــن كتـر الأسيـة
م أنا إنكويت بنـارك
ودمعـي كــان يحــلالـك
مـــا رحمتش عينيـا
مـا تقـوليش أنـا تبت
إنت مــا بتحبـش حـد
احتـارت معـاك وتعبت
تعبـــت حقيقـي بجـد
بعـد إيـه حنيتــك ؟
إمسـح نمـرتي وإنسـاني
ملحوظة : هذه الأغنية ( من ديوان غنا وتمثيل 2007 )

سيبه يرن
اوعى تحن
دي حاجة تجن
الله عليك يا شاعر
الشاعر طه علي الدين
أسعدتني قصيدتك التي تنبعث منها الحرارة لأنها مشحونة بالعواطف بس خليك معايا ع الخط
تقبل مني هذا الكارت بما فيه من تحية ودعابة وإعجاب بما خطت يمينك