أغنية الشهداء

موضوع: أغنية الشهداء الخميس فبراير 17, 2011 6:20 pm

يا حبيبتى بكل ما فيّا
أنا واهب عمرى وروحى
يا حبيبتى يا غالية عليّا
يا دوايا لكل جروحى
........................
أستشهد بس احميكى
لو هدوا هاقوم وابنيكى
وارجع لك تانى خضار
لو باعوا أنا قلبى شاريكى
انا دمى يا امى عمار
.........................
أدى دمى عشانك سايل
يطرح ورد وحرية
وانا باحضن أرضك قايل
هتعيشى يا مصر أبية
.....................
أستشهد بس احميكى
لو هدوا هاقوم وابنيكى
وارجع لك تانى خضار
لو باعوا انا قلبى شاريكى
أنا دمى يا أمى عمار

ياحبيبتى انا روحى فداكى

أعشق وأموت ف هواكى

ودم يسيل ف ترابك

وتعيشى لمصر ولادك

الشاعر الرائع القدير حمدى شيبه

تحيتى لجمال وروعة حروفك

دمت مبدعا راقيا

ملحوظه

تثبت بواسطتى لروعة الحرف

أخي حمدي
رحم لالله
شهداء الحرية
أغنية جميلة أتمنى ان تشق طريقها للناس
دمت بخير حال

الاستاذ الشاعر الجميل

حمدى شيبه

اغنيه رائعه وانت اكيد مثلنا تأثرنا بأغنية محمد منير

فاستخدمت نفس التفعيله ولكن بأسلوب حمدى شيبه الذى

تعودنا عليه . احسنت وابدعت وتفوقت على كلمات اغنية

محمد منير .

تقبل مرورى وخالص تحيتى ...

الله عليك ياحمدي
والله روعه وجميله تسلم ايدك
وعفوا اننا لم نلتقي في الميدان فيوم كلمتني هاتفيا لم استطع الخروج
ملحوقه هههههههههههههههه
في الثوره الجايه بقي لو لينا عمر
تحياتي لك اخي وصديقي الشاعر الجميل

الشاعر الرائع / حمدي شيبه
بالفعل أغنية جميلة بها كل مواصفات وهيكل الأغنية وحينما نضيف إليها هذه المشاعر ،،،،،، نبصم بالعشرة على أنك مبدع جميل
محمد البهنساوي

الشاعر المتميز / حمدى شيبة

أغنية جميلة للشهيد تحمل أسمى معانى الحب لمصر

سهلة الحفظ للتغنى بها

دمت مبدعاً

وداد الهــــــــــــــــــوارى

غنائيه جميله استاذ حمدى
تحيات لك

كلمات رائعه

رائع ما قدمت لنا مشاعر جميله فى حب مصر

الشاعر الرائع/حمدى شيبة

تقبل مرورى واعجابى بما قدمت اخى

الشاعرة عزة الزرقانى كتب:: ياحبيبتى انا روحى فداكى

أعشق وأموت ف هواكى

ودم يسيل ف ترابك

وتعيشى لمصر ولادك

الشاعرة الرائعة عزة الزرقنى اشكر لك مرورك الجميل وتفاعلك الرائع تحياتى

ياجااااااااااااااااااااااااامد

» رسائل من كل الشهداء
» حق الشهداء
» اغنية الشهداء
» تمن الشهداء سطرين في جوب
» خريف الشهداء