مخبول ... ولكن !!!

المبدع / عادل عوض
تحياتي لك
ولجمال قصيدتك وابداعك
الذي دائما مانقف امامه لنستمتع
من شاعر اعتز دائما ان اقرأ له بكل حب
دمت بكل خير

الأستاذ الكبير /

عادل عوض سند

عمى وعم شعراء المنتدى

تحية إحترام وإجلال

والله المخابيل ليهم زقة

ساعة تروح وساعة تيجى

مشروع مجانين لكن فجأة

بيقوموا بأعمال وطنية

إن قالوا حلال يبقوا مليكة

ومقدس قولهم ف الدولة

وان قالوا حرام يبقوا الخونة

لمصالح أوطانا العليا

وكأن خلقهم أقدارنا

مفروضة علينا ومطلية

علشان نتصبح نتمسى

بغرابها وبومها المعنية

من غيرهم قالت صحافتنا

مالناش جوة العمر بقية

ياعنية اللعبة بقت باينة

ما فيهاش أولاد ع الطبلية

لكن شياب واحد واحد

عيشين أوهام لعب شقية

أمال أكلوك إزاى يعنى

هل فيه تفسير ولا قضية

أسف على جرئتى ف الرد بهذه الطريقة

دمت معلما لنا جميعا

الشاعر الرائع
الاستاذ/ عادل عوض سندعمل فوق الرائع

مش عارف أقول أيه

بجد حاجه جميلة جدا

وللأسف هي دى بلدك

اللى يحبها تعاديه
ما عرفش ليه

وفعلا زي ما قلت والله الواحد ايانا بيدمع من الفرحة
لو حتي ف انتصار كروى

الظاهر ان دا من قلت الانتصارات وكثرة الانكسارات

تقبل مودتي واعجابي الشديددددددددين

عاطف

الله .. الله يا ستاذ عادل يا شاعرنا الجميل
ابيات جميله وممتعه تقع فى القلب ةتستقر
فى الوجدان ..معقول من يحمل كل هذا الحب
والأيثار يقال له مخبول

تقبل مرورى ودمت بخير

الاخ الحبيب الشاعر الكبير

دكتور / صلاح طاهر

اشكرك على المرور المشرف دائماّ لحرفى

وادعو الله ان يعينك على { المكنه } اللى هارسانا

كلنا . وانت والله واحشنى وياريت نشوفك فى ندوتنا

كل الشكر والتقدير اخى صلاح ...

الابن الشاعر الجميل

احمد موسى

طيب عايزنى اقول ايه ؟؟؟؟

يا ابنى ارحمنى من تعليقاتك الجميله دى .

عموماّ انا مستنى عودتك علشان تسعدنى

بكلماتك ومديحك الجميل .

شكرى وتقديرى ابنى احمد ...

الاخ الشاعر الكبير

عطيه شواش

ياعمنا انا نزيل قديم فى المستشفى وليه رقم { قومى }

بس الأعراض مش عايزه تسيبنى . ومش عارف السبب .

وفعلاّ المستشفى تهذيب وإصلاح بدليل ان احنا عرفنا بعض .

ياريت نتشرف بحضورك فى ندوة اتحاد الكتاب يوم 7 / 8

سوف انتظر حضورك .

كل التحية والتقدير اخى عطيه ...

الاخ الحبيب الشاعر الجميل

مراد عزيز

مرورك دائماّ يشرفنى ويسعدنى

فأستمتع بتعقيبك الرائع الذى يسرنى

كل الشكر والتقدير اخى مراد ...

الاخ الحبيب الشاعر

منصور غيضان

والله اخى منصور انا ليه رأى .

ليتك تكمل هذه الكلمات الجميله لتصبح قصيده

خاصه بذاتها وتنشر بإسمك فهى جديره بأن تُنتسب لك

كل الشكر والتقدير على كلماتك الجميله الدافعه ...

الاخ الحبيب الشاعر

عاطف عاشور

نعم اخى عاطف هى بلدنا ولا نستطع ان نتبرى منها

فنحن نفرح لأقل شيء وندمع لأفل شيء أيضاّ .

واكرر مقولتى المعتاده :

{ من لايحمل هموم هذا الوطن لا يستحق ان يحيا فوق ترابه }

شرفنى مرورك وسعدت بكلماتك الواعيه .

وتقبل منى كل التحية والتقدير ...

الاستاذه / فاطمه حمزه

مرحباّ بك على متصفحى المتواضع .

شرفت بمرورك الأول على اعمالى وهذا

من دواعى سرورى . واحمد الله ان اعجبتى بنصى

وراقتك كلماتى . فهذا فى حد ذاته وسام على صدرى

تقبلى منى كل المودة والتقدير ...

قصيدة جميلة استاذنا تسلم ايدك
وبارك الله فيك ولك ورزقك الجنة .

انت بروف كبيييييييييييييييييييييييييييييييييييير
[i]

الاخ الحبيب

ميدو

شرفنى مرورك واسعدتنى كلماتك .

بارك الله فيك . واتمنى ان تكون قد اعجبتك القصيده .

مودتى وتحيتى ..

على قد ما بنشوف فيها من ذُل وإهانة وبطش وطغيان

لكن بنحبها حب لازم ف يوم يطهرها من كل الأقذار

الشاعر القدير الأستاذ عادل عوض سند

حروفك فصول وكلماتك مدارس ومعانيك أساتذة

فهنيئاً لمن إرتوى من قصائدك البديعة

تعجز الكلمات عن وصفك يا أستاذنا

تقبل أرق تحياتى

انا مش مخبول
وازاى بتقولى ان انا مخبول ؟
انا { عادل } حتى ف رص القول
ولاعمرى انا كنت
فى يوم معووج
إنما معدول
لكن فى الحق ساعات بنشذ
عن المعقول

****
لكن اناى مخبول
من عض الجوع
من اكل الفول
من طهق النفس
ال مش معقول
من خوف من بكره
مايكون فيه ذكري
لكل اصول
*********

استاذنا المبدع وعمنا عادل عوض سند

اكتب واكتب حتي نتعلم الكتابه

تحياتي لحضرتك

الاخ العزيز

حماده ابو طالب

اشكرك على مجاملتك الرقيقه .

واشكر مرورك البهى على نصى .

كل الشكر والتقدير اخى حماده ..

الاخ الحبيب الشاعر

محمد على باشا

يا رجل اشكرك على كلماتك الجميله .

ووجودك زادنى سمو وشرف .

تقبل منى مودتى وخالص تقديرى ...

عادل عوض سند كتب:: انا مش مخبول
وازاى بتقولى ان انا مخبول ؟
انا { عادل } حتى ف رص القول
ولاعمرى انا كنت
فى يوم معووج
إنما معدول
لكن فى الحق ساعات بنشذ
عن المعقول
واصول .. واجول
واعزف أحزانك عالأرغول
وأبدّل حزنك وجراحك
افراح بتطول
مع إن انا عمرى ف اتراحك
مابكون مسئول
لكن ما اقدرش أشوف خدّك
بدموع مبلول
واموت لو مره نشوف عودك
صابح معلول
بقى بعد الحب ده كلاّته
من واحد فعلاّ بيحبك
ويفضّل حبك عن ذاته
يتسمى ف عرفك ليام دى
إنسان مخبول !!
بقى ده معقول ؟؟
إزاى مش حاسّه بمقدارى ؟
ومكانك انتى ف اشعارى
ومابين لابيات
دنا من أقلامى واحبارى
خليت الايام العاقر
تولد ثورات
ورصاص ودانات
وحاجات وحاجات
ينزل مولودك من صلبى
فى يمينه رايات
فى شماله التانيه بينصبلك
افراح وزينات
واجمل حكايات
يغزلها ويبدأ يتحاكى
فى شهور وساعات
عن شال مغزول من افكارى
وحروفه عروقى وأوتارى
واشبكلك فيه من إصرارى
أجمل نجمات
وأوزّع من دمى الثاير
عالناس شربات
تتفجّر اقلامهم تولد
للواد اخوات
م الفرحه دموعى بتتسرسب
تنزل حبّات
واعملك عقد انا من لولى
من خيط الرب خلقهولى
ده حبك اللى وهبهولى
رب السموات
واضمك ضمه ماتكفيشى
ارجع واضمك بعديها
مرات .. مرات
واعملك فرشه انا من جلدى
ووساده من صدرى وزندى
واطلع بك .. اعلى البنايات
أهو ده المخبول
اللى فى جنبك
واللى بيتحاسب عن ذنبك
متعرى ف حبك
واهو راضى
عالارض يبات ...

استاذي الغالي انا نفسي اكتب شعر زي حضرتك
لكن انا امتي هانول
هو انتا مخبول ,,, ان
ابقي واكون زي الاستاذ عادل
هو دا معقول

ايه الروعة دى الله ينور يا استاذنا وبعدين يا عم كلنا مخابيل ما تزعلش تقبل مرورى

انا بحبك ... بقيت مسكون

وان سميتى ... حبى جنون

ميهقلش ... لكن يكتر

لحد ما يملى ... كل الكون

جدورى ضاربه ... جواك

وفروعى ... سابحه فى سماك

وكل ما في ... يهواك

وان هوتيني ... اكون ممنون
-------------
الأستاذ الشاعر المتيم
بحب المحروسه ..
اعود من جديد لأسجل اعجابى
الشديد بجمال ابياتك

الاستاذ عادل
وطنيتك دائما كبيرة مثلك
دمت بكل خير شكرا لكلماتك الرقراقة الرائعة

الاستاذالشاعر الكبيرعمنا\ عادل عوض سند

بجد مش عارف أقولك ايه حيال هذا الابداع

غير تسلم الايادي في التصويروالمحاكاة والحوارية

ابداع وبيان على المعلم لمن اراد ان يتلعم

أمسك الخشب وأصلي على النبي

ربنا يخليك لنا مبدع كبير نتعلم منه الكثير

الأستاذ الشاعر القدير \ عادل عوض سند

ما اروع كلماتك فهى تحمل الكثير
دائما نتعلم منكم كيف النبض الصادق يكون

سلم نبض قلمك ودمت بكل الخير استاذنا الكريم

اخى الحبيب الشاعر

طاهر الصوفانى

ياسيدى بلاش التواضع ده .

دا انت استاذ واحنا بنتعلم منك .

ربنا ما يحرمنى من تواجدك البهى على اعمالى .

اشكرك اخى طاهر

وتقبل مودتى وخالص تقديرى ...

» مش بحبك " من وحي قصيدة [مخبول .. ولكن ] "
» اشقاء .........ولكن
» اضطهاد ولكن..........
» اطفال ولكن
» أدباء... ولكن!