مخبول ... ولكن !!!

انا مش مخبول
وازاى بتقولى ان انا مخبول ؟
انا { عادل } حتى ف رص القول
ولاعمرى انا كنت
فى يوم معووج
إنما معدول
لكن فى الحق ساعات بنشذ
عن المعقول
واصول .. واجول
واعزف أحزانك عالأرغول
وأبدّل حزنك وجراحك
افراح بتطول
مع إن انا عمرى ف اتراحك
مابكون مسئول
لكن ما اقدرش أشوف خدّك
بدموع مبلول
واموت لو مره نشوف عودك
صابح معلول
بقى بعد الحب ده كلاّته
من واحد فعلاّ بيحبك
ويفضّل حبك عن ذاته
يتسمى ف عرفك ليام دى
إنسان مخبول !!
بقى ده معقول ؟؟
إزاى مش حاسّه بمقدارى ؟
ومكانك انتى ف اشعارى
ومابين لابيات
دنا من أقلامى واحبارى
خليت الايام العاقر
تولد ثورات
ورصاص ودانات
وحاجات وحاجات
ينزل مولودك من صلبى
فى يمينه رايات
فى شماله التانيه بينصبلك
افراح وزينات
واجمل حكايات
يغزلها ويبدأ يتحاكى
فى شهور وساعات
عن شال مغزول من افكارى
وحروفه عروقى وأوتارى
واشبكلك فيه من إصرارى
أجمل نجمات
وأوزّع من دمى الثاير
عالناس شربات
تتفجّر اقلامهم تولد
للواد اخوات
م الفرحه دموعى بتتسرسب
تنزل حبّات
واعملك عقد انا من لولى
من خيط الرب خلقهولى
ده حبك اللى وهبهولى
رب السموات
واضمك ضمه ماتكفيشى
ارجع واضمك بعديها
مرات .. مرات
واعملك فرشه انا من جلدى
ووساده من صدرى وزندى
واطلع بك .. اعلى البنايات
أهو ده المخبول
اللى فى جنبك
واللى بيتحاسب عن ذنبك
متعرى ف حبك
واهو راضى
عالارض يبات ...

الابن الغالى والشاعر الجميل
جمــــــــــال الدليـــــــــــــل
مااجمل ان تكون اول من يعلق على هذه القصيده وسعيد جداّ
بتواجدك المنير وكلماتك الدافعه وبسألك انت فين دلوقت واحشنى
جداّ وعايز اعرف اخبارك المشرفه . نورت صفحتى ياجمال
واشكرك على تعليقك ودام تواجدك المشرف للاسكندريه بأكملها
وتقبل خالص ودى وتقديرى ...

الاستاذه الشاعره الكبيره
حنــــــــــان ابراهيــــــم
الروعه ان اجد تعليقك ينير صفحتى ويكسونى بكل هذا الثناء
فأنتى شاعره لها وزنها الادبى على الساحه السكندريه ولها
المكانه السامقه فى قلوبنا . اشكر كلماتك الرقيقه ومرورك
الذى زادنى سعاده . مع تقديرى وتحياتى ...

الحبيب الغالى الشاعر
وحيــــــــد وصفــــى
والله العظيم واحشنى ووحشنى تعليقك الرائع والقفشات
التى تجعلنى اقرب منك اكثر واكثر . اما بالنسبه للبرش
ربنا يسترها معانا ومعاك ومع كل من له لسان قادر على
اخراج ما بداخله . اشكرك ياحبيب قلبى وربنا ما يحرمناش
منك ولا من تعليقك الهايل . لك كل الحب والتقدير ...

الاستاذه الشاعره الكبيره
الشقيقه / وداد الهوارى
اكتب القصيده وانتظر مرورك وتعليقك الذى يشرفنى حقاّ
فأنتى من الشاعرات المالكات لموهبة التذوق والنقد واعرف
مدى نجاح القصيده من تعليقك الذى يشرفنى دائماّ وارجو ان
تكون قد نالت رضاكى . اشكرك ايتها الشقيقه الغاليه واشكر
مرورك المشرف وتقبلى خالص إحترامى وتقديرى ...

الابنه الغاليه والشاعره الرقيقه
همس العيون
نورتى صفحتى بهذا التعليق المبهج وانا سعيد جداّ
بمرورك الكريم وكلماتك التى اضاءت صفحتى كل
الشكر . وعلى فكره انتى شاعره وتكتبى وتخلصى
لكتاباتك ولذلك اقول لكى سوف يجيئ اليوم نرى
اعمالك تفوق اى عمل تعجبين به .
اشكرك وتقبلى تقديرى ...

الابنه الشاعره
همس العيون
وانا ارسل ردى عليكى وانتى ترسلين الرد عليه
عموماّ شرفت بمرورك { ولاتبخسى حق نفسك }
فانتى لكى قدرك ولكى علينا تقديرك .
كل الشكر مع خالص تقديرى ...

اختى الغاليه والشاعره الرائعه
وداد الهوارى
اشكرك جداّ على هذه الكلمات والتى جاءت كنقطة ماء
على شفاه اكتست بالملح فبعثت الامل من جديد ظناّ منى
اننى اصبحت على رف النسيان .
اشكرك واشكر تواجدك السريع على كلماتى والى لقاء .
مع خالص تقديرى وإحترامى لشخصك السامى ...

اختى الغاليه والشاعره الرائعه
وداد الهوارى
اشكرك جداّ على هذه الكلمات والتى جاءت كنقطة ماء
على شفاه اكتست بالملح فبعثت الامل من جديد ظناّ منى
اننى اصبحت على رف النسيان .
اشكرك واشكر تواجدك السريع على كلماتى والى لقاء .
مع خالص تقديرى وإحترامى لشخصك السامى ...

الاخ الحبيب وشاعرنا الكبير
الاستاذ / عاطف الجندى
اولاّ الحمد لله على سلامتك وانا آسف جداّ إن كنت سببت لك
بعض الضيق وإغفر لى سوء الظن . فانا غير متعوّد ان اكتب
قصيده إلا ويزينها تعليقك الرائع وارجو ان تتقبّل عذرى .
واشكر سيادتكم على الرساله الخاصه واشكر هذه الثقه الغاليه
من اخ اكن له كل الحب والتقدير . مع خالص شكرى وإمتنانى ...

الاستاذه الشاعره الكبيره
حنان ابراهيم
شكراّ جزيلاّ على هذه التهنئه وارجو التوفيق من الله
وارجو ان اكون عند حسن ظنكم . اشكرك استاذه حنان
فأنتى دائماّ سبّاقه للخير وتقبلى تقديرى وخالص امنياتى
اكرر شكرى لشخصكم الكريم ...

الشاعر الرائع والابن الحبيب
محمد السيد
انت الذى تربع فى قلوبنا وشنف الآذان بقصائده الجميله
وإلقائه الرائع .
بس انت { إفتريت } شويه فى الفتره الاخيره مش انا
وعلى فكره انا سعيد جداّ بوجود هذا التعليق الجميل على
صفحتى وسعيد ايضاّ بتواجدك المضيئ على صفحة العاميه
شكراّ يا محمد على كلماتك الجميله وتعليقك الرائع .
وتقبل منى خالص ودى وتقديرى ...

الشاعره الجميله الرائعه
عــــــــزه الزرقــــــانى
اشكر مرورك الجميل على قصيدتى
وهذا التعليق جعلنى اعلو واعلو
فشكراّ لك وشرفت بوجودك على صفحتى
وتقبلى كل موده وتقدير ...