مساجلة شعر العامية

كله ع الله و صعبك يهون

و نلقاك ف مجلس دراعنا الحنون

مع أنى عضوه يا دوب انتساب

لكن ليا ناسي و ليا صحاب

هيدوا اللى يقدر يدافع و قلبه

على الحق دايما و عمره ما غاب

هيدوه أمانه العطوف و الحليم

و يدوا الملاوع رغاوى الصابون

Twisted Evil

واحنا بدورنا يابنت الكرام
حانبقى لكل الآحبة تمــــــام
ومس راح نفرق مابين الزمايل
لأن الأمانة دى فوق الكـــلام

نعامل الزمايل معاملة بأمانه
لو كان معانا أو مش معانـــــا
واللى حيدينا صوته حبيبنـــــا
واللى يعارضنا حيبقى ف حمانا

حقوق الآحبة حقوق فرض عين
ولازم نبقى ليهم ياناس مخلصين
ولاجلن خاطرهم نضحى بروحنـا
ونرعى حقوقهم فى دنيا وديــــن
( محمود عبد الحليم )

محمود عبد الحليم كتب:

البتول العلوي كتب:

محمود عبد الحليم كتب:: ياحسنى حاولت وبحاول حقيقى
اكون خل صادق واريح صديقى
لكنه ساعات مايبقاش فاهمـــنى
ويعمل مشاكل كتيرة ف طريقى

ورغم انى شايف مافيش اختلاف
ولا أ ى حاجــة تؤدى لخــــلاف
وكـل اللى بينا ثقافـه ومشاعـــر
لكن بالقى واحد فى راسه انحراف
محمود عبد الحليم

هي الدنيا كدا ف طبعها
تديها قفاك تديك وشها
===
تديها وشك و تحبها
تنساك و تديك ظهرها
===
ليه انت متكونش زيها
تنساها و متشلش همها
===
و لو ف يوم حد قلك بحبك
خليك زي الدنيا و ديلوه ظهرك
===
و أكيد لو هو بيحبك
هيشاور عقله و يجي لحد عندك
ايه رايك ؟
===
مش أحسن متفضل ايدك على خدك
و انت بتفكر ف اللب راح عنك

أستاذي محمود عبد الحليم
تجربتي مع الزجل المصري لسة في بدايتها
يا رب تنال رضاك و رضى كل الزملاء
أنا خايفة هههههه
***********************
حقيقى انتى هايله يا البتول
وزجلك عجبنى وفيه احلى قول
وليه بس خايفه وانتى جميله
ودايما كلامك يلآقى القبول

محمود عبد الحليم

أستاذ ي
محمود عبد الحليم
أشكر لك كلماتك الرقيقة التي أعتز بها و أضعها
وساما على صفحاتي المتواضعة

خالص ودي

مساجلة شعر العامية - صفحة 4 56845

صباح الهنا .. والوداد .. والمحبة
على كل غالى وكل الأحبـــــــة
وشمس المحبة تدفى قلوبنــــــــــا
ولا تبقى بينا عداوة ومحاربـــــــة

صباح كله طيبه ومودة وسمــــــاح
ونكتب قصايد تداوى الجـــــــــراح
ونسعى جميعــا لتحقيـق أملنــــــا
نكون قلب واحد .. وننسى اللى راح

مافيــــش حد خالى فى قلب الحيـــاه
ولا حد كامل فى كل اتجـــــــاه
ولكن واجبنا نكون فوق جراحنــــا
لان المحبة دى طوق النجـــــــــاة

(محمود عبد الحليم )

و مصر اللى نيلها بيسقي الجميع
بشهد و محبة يطلع ربيع
تضيع الصحارى ما بينا و نبقى
خَضار ف المشاعر لا يعرف صقيع
بلانا اللى كانت منار للعلوم
بقت راكبه كارو و غيرها السريع
بأيدنا نرجع حكايا الزمان
إذا حبناها لا يمكن تضيع
*****
Twisted Evil

عاطف الجندى كتب:: و مصر اللى نيلها بيسقي الجميع
بشهد و محبة يطلع ربيع
تضيع الصحارى ما بينا و نبقى
خَضار ف المشاعر لا يعرف صقيع
بلانا اللى كانت منار للعلوم
بقت راكبه كارو و غيرها السريع
بأيدنا نرجع حكايا الزمان
إذا حبناها لا يمكن تضيع
*****

وحق ( الرسول ) اللي زرتــه ودعانـي
وحق ( الكتاب ) اللي ( ربي ) هـداني
وفيه ( الدليـل ) اللي ثبت إيمانــــــــي
بااحبك يابلـــــــــــدي ف أول وتانــــــي
واحب اللي خاصم وصالـــــــــح وجانـي
واحب اللي قلبه بطهــــــــــره ندانــــــي
واحب اللي ناوي يزيـــح الفســـــــــــــاد
واحب اللي عامل .. وصانــع .. وبانـي

أختكــــــم
زينات القليوبي
[/color]

وقلبى اللى عانى كتير م الاهات
أمين ع الاخوة مع اخته زينــــــات
وباتمنى اشوفها تمللى سعيــــــده
والله يحقق لنا الامنيـــــــــــــات

ودنيا المحبـة تســاع الجميــــــــــع
بألفــه ومـودة وعالـــم بديـــــــــــع
وربك يديم المحبـــــه مابينــــــــا
وباتمنـــى يبقى لدعايا سميــــــــع

بحبك يا بلدي و مهما تكوني
قويه / ضعيفة ، لا يمكن تهوني
بكحل عينيا بترابك و بروى
ضلوعي بنيلك يا عقلى و جنوني
يا أحلى ما فيا و أجمل مليكة
يا أطهر ما شافت مرايا عيوني
يا نسمة بحبك و حبك نداني
هاحطك ف عيني و أقفل جفوني
********

ورغم إنى عارف بأن النصيب
حيوصل لصاحبه ولزماّ يصيب
لكنى بقولها وواثق تماماّ
بأن النوبادى لخويا الحبيب

وعاطف وحوده اساسى فى قلوبنا
وعمرى ماحطمع ف نايب ينوبنا
ولكن بننصح واقولها بصراحه
ننقى اللى توبه يناسب لتوبنا

أنا شايف ان المساجله انتهـِت
و كل الصور فى العيون زهزهِت
و ما عادش ينفع نرَقـَّع فى توب
إذا كان بريقه ف عينينا بـِهـِت

» شعراء العامية يشاركون فى مهرجان العامية غدا
» مساجلة شعرية فهل من دخول ؟
» مساجلة عن الكُره هل من مشترك ؟
» هيا نقول الشعر"مساجلة بالفصيح "
» مساجله / العيد بيفوت والجيب ما فيهوش