مساجلة عن الكُره هل من مشترك ؟

هذه المساجلة
عن الكره
أى ماذا تكره أن تراه
سواء بالنسبة للوطن أو للفرد أو الجماعة
و الغرض من المساجلة
نقد الأوضاع السيئة و العادات القبيحة
و شرط المساجلة
الالتزام بالوزن الشعرى
و أن يكون العمل رباعيات

Shocked

أنا باكْره ألاقى الظلم مستشرى و مستعفى على الإنسان
و باكْره أنى أكون سارق و لو لقمة و أنا مستكفى أو جوعان
و باكْره أنى أجيلك يوم ، أمد أيديا تعطى لى كلام أوهام
و باكْره أنى أشوفك مره منكسره وغلطانه و أقول غلطان

وانا بكره اشوف الحقد والحاقد يصاحبونى
ومش عارف وعاطى امان ومستبعد يسمّونى
والاقى السم من نابهم على ارضية الاوضه
ينقّط من شفايفهم وهما قال يضمّونى

وأنا باأكره .. أشوف وطني ف إيد .. مُحتــــــل
وأشوف قلبي .. ف إيد خاين .. بيعمل .. خـــل
وأشوف بلدي .. ف إيد بايع .. حصد .. خيرها
وأشوف عامل ومتخصص قعد .. ف الضل !!!
***
زينات القليوبي

ماذا جرى للدنيا يا ناس ؟

رزع وخبط بدون إحساس

ميكرفونات على طول بتزعق

ماليه الدنيا صياح وخلاص

كله بيصرخ جاى ورايح

يملا شرايطْ ...

يملا صفايحْ

والله يا ناس دا حرام وكفاية

وبلاش غم و كتر فضايح

ماذا جرى للدنيا يا ناس ؟

رزع وخبط بدون إحساس

والمحروس بيعبى جرابه

مش عامل للآخرة حسابه

دى الأيام بتفوت وبتجرى

والموت هـــ يخبط على بابه

ويقول له تعالى يا أستاذ

ماذا جرى فى الدنيا يا ناس ؟

أنا باكره اللـــى يخـــــــــــــون الملــــــــح والكلمـــــــــــــة

واللى ما لهُـــــــش أصـــــــــول ولا عَـهــــــــــد أو ِذمــــــة

علــــــى كُل لـــــــــون .. تلاقـــــيه بيغــــــــيَّر الألـــــــوان

وفى المواقــــــف .. جــــــبان - خـــاين - عـــــديم هِــــــــَمة

وداد الهـــــــــــــــوارى

انا ما أقبلش اتقيّد فى كشف الخلق كالآله
ومتكمم ومتقيّد وحاسس إن انا عواله
انا موجود وعالى الصوت واحساسى
لو اتفجّر حتلقى البرد يتحوّل بعون الله لقيّاله

و باكره أنى أشوف بلدى فى وسط اللمه مكسوفه من التأخير
و عايشه ف ماضى موش راضية تروح للنهضة ، تتقدم ..و لو تنقير
و عايشه ف كنا ورا كنا و كنا بتفتح التوهه و نتشرد
و نعذرها و نيجى نعدل المايله نوقعها فى قعر البير

أنا باأكره .. عديـــــــــــــــــــــــــــــــم الأصل .. مـن .. يومــي
ولو يضحك .. مالــــــــــــــــــــــــــــــوش صوره .. ف ألبومــي
بيحبي لاجــــــــــــــــل ينافقنـــــــــــــــــي .. وأنا .. فهمــــاه ؟!
لا عُمت ف يوم علي .. عومه .. ولا يقدر .. علي .. عومــي !!!
***
زينات القليوبي

موضوع: أنا حابب الثلاثاء يونيو 09, 2009 2:03 pm

أنا ماكرهش أبدا حد
ولو حتى ميعادينى
عشان الكره حامى الحد
طريق الحب معاه دينى
afro

و أنا باكْره يهود عايشه تمص ف دمنا العربي بوعد جبان
و خلوا دمنا سايح و جرح ف قلبنا ينزف كما الرهوان
و نجمة غدر تجمعهم لا طفل ف مرة فات منهم و هيكلهم
بنوه بينا و حطوا إسمهم عنوة على بوابة الأوطان

باكره قــوى الفضَّاح والواشــــــــــى والكـــــــذاب

والســـــاعى بقطيعـــــــــة بين آهــــــــل أو أصحـاب

وأكـره قــــــوى المغـــرور ، وخصوصى ع الفاضـــى

لمَّا يعيـــــــــش الـــدور .. ف دولاب زمــن قــــلاَّب

وداد الهــــــــــــــــوارى

الكره زرعه الشيطان .. جوه قلوب الناس
وكتير صبحوا مطايا .. وركوبه للخنـــــاس
والحب مبد أ الهى .. رب العباد رساه
فى رسالة الانبياء .. وديدنه الاخـــلاص

وحرام علينا قوى .. لما نشوف شاعـــــر
خلقه لنا ربنا .. فيه عاطفة ومشاعـــــر
ونشوفه ناسى المبادىء .. ويقلد الشيطان
ويكرٌه الناس بفعله وينقال عليه فاجــر

انا كاره ياناس الشيطان فى كل افعالــــــه
وبحب اسمى المشاعر والخير انا اسعى له
ومهما طال الزمان الحب له سلطـــــــــان
يخلى كل القلوب تندم وتصفى لــــــه

الكره خلا قلوب .. تتباهى بالاحقـــــاد
ويظنوا ان البطوله تبقى بخناق وعنـاد
ولو عرفوا ان الاله .. رحمن حكيم عـادل
ماكنش ظلم انتشر .. ولا كره بينهم ساد

( محمود عبد الحليم )

باكره ..انا كلمة انا ولعاوجه............... ويا النفسنا

باكره كمان كلمة نفاق....................... والانفكاك

والهاند باج ما ليها........................... مص دمنا

باكره كمان جرح الكلام همس الئام وبعد ناس عن ربنا[b]

و باكْره أن حاضرنا يكون ريشة ف أيد شمعون
و خارطة يلعبوا فيها بلعب العاقل المجنون
لا حد يقاطع اللعبة و ينهى حقدهم مرَّه
و نتمنى إله العزة ينصرنا و نصرخ ..جون !

حقيقى سر النجاح فى الدنيا هو الحب
والنصر ع الاعداء مايجيش سوا بالقلب
لان كل القلوب لو ع الحب اتواعدت
اكيد اله الكون .. حيهون عليها الصعب
( محمود عبد الحليم )

و باكره أني أكون كاره و أقول شارى و أبلعها كفصِّ التومْ
و باكره إني أنافق حد لو حتى يكون قوتى و خير بالكومْ
ماهو الشعرا بتكره برضو زى الناس و يتخانقوا و يتعانقوا
و كلمة طيبة تكفى تخلى المالح الكالح يصير مهضومْ !

انا قلبى ينزف دم .. لما اشوف شاعر
يحلم بدنيا المثال .. وخلافه فى الظاهر
واللى عشان مصلحه يرفع ويخفض ناس
وان لومته يعمل ولى .. وبروحه بتفاخر

القلـــــب .. أصـــل العِلل ، والعقــــــــــل مراســـــينا

وبرضــــــه قال المــــثل : لماً .. وَصـــــــل لــــــــينا

مِــــــن حَــــِـبَنا .. حَـــــبناه .. متاعــــنا يصـبح .. لِــيه

ومِــــن كرهِِــــــــنا .. حِــــــرم يحـــــضَر لـــــيالينا !

وداد الهـــــــــــوارى

انا كاره لأى خلاف ما بين اخّين
خصوصاّ لما مطرحهم يكون فى العين
وبالصدفه فى اى مكان يجمّعهم
تلاقى النأوزه فاضحه عيون لتنين

و أنا كاره بلادى لما يورثها ، و يحكمها ولاد الأيه
و كرباجهم ، يلسوعنا ، و لا نقدر نطفشهم ... فقير أو بيه
و مهما شافوا من جوعنا ، و آلامنا ، فلا يرقوا لأحوالنا
و نسكت ع المدى الظالم و لا نصرخ و لا نهجم ف مرَّه عليه !

أكــره غــــشيم الِحــــــــــوار .. يــشبط ف تفكــــــــيرى ،

يهـــبط علـــــى ُمهجـــــتى ..يخطـــــف ..تصــــــاويرى

وانا باكـــــــــــره البلطـــــــجة ، والأغـــــــــــبياء جـداً

لكـــــن فيه ناس طبعهــــــا .. فيه حِـــــــتة خـــــــنازيرى

وداد الهـــــــــــــوارى

انا بعشق حصان جارر لعربية
وبكره عربجى كرابيجه مؤذية
وبعشق غموس الملح ع الطبلية
وبكره كباب انطبخ بإيدين حرامية

و أنا كارهه أشوف شارعى مفيهش أشجار
و لا يعرف صباح الفل و الجيرة تولع نار
و لعيبة و حبيبه و ناس فاضيه على الناصيه
يعاكسوا الكل ما يخلوا و أخرتها تملى شجار

أنا باكره أخاوي البعد متخفي وأستعبط مع الخلان

وباكره أني أكون عاصي ولو صدفه ولا مستكبر علي انسان

وباكره إني أنساك يوم , أسد عينيَّ تدمع فيَّ الام وجراح

وباكره إني أزورك وانتي مفتكره ويأسانه وأكون ندمان

» عيد ميلاد مشترك
» مساجلة شعرية فهل من دخول ؟
» هيا نقول الشعر"مساجلة بالفصيح "
» فكرة تعاون مشترك بين جريدة أهل مصر والمنتدى
» نص مشترك مع الشاعرة هبة القدومي يجمع بين العامية والنثر