مساجلة شعر العامية

رجعتوا حبايب واحنا بلانا
وهو يازوزة وانتى زميلى
يخلى مديحنا مساوى لهجانا
هاكلم شعورك ياحلوة هاتيلى
اماره لحبك دا هو دوانا
بيفتح شهيتى ويبقى دليلى
فى لم المعالق ياحودة حكايتك
تلم انت قبلا وتحكى لغايتك
وغايتك حكايه وقصه طويله
بتتمنى يابنى يكون فين لقانا
رجعتوا حبايب واحنا بلانا
geek

ياحسنى انت منا ومانتاش غريب
وانت أخونا وانت الحبيــــــــب
ومهما اختلفنا .. ومهما اتعاتبنـــا
لايمكن خلافنا يعكــــر حليــــب

تلم المعالق .. نلم الصحـــــــون
عشان الوليمه دى جامده بجنــــون
صحيح فيها نيفه وضانى وسمين
وفته وكفته ولحوم ألف لــــــون

وزوزة حاتعمل كنافه ف صوانى
وتعزم حميع الحبايب عشــــــانى
وانت حاتحضر وعاطف حايعـــزم
ايمان ووده وييجوا ف ثوانى

واما العزومة بحالها عليـــــــك
ياحسنى ياعايـــق وابسط ايديك
وفنجر علينــــا .. بروح فيوميـــة
عشان احنا والله بنتباهى بيـــــك

(محمود عبد الحليم )

عزومتك علىَّ و أمرك مجاب
لاتطلب كوارع و لا يوم كباب

كفايه الفلافل تقرب ما بينَّا
و نطوى اللى عدى و نفتح كتاب

و كل الحبايب حسابهم ده عندى
إذا كان طلبهم رقيق الجواب

و أرفق بحالة أخوك اللى حبك
و لو حابه أكثر .. هتدفع حساب

باعاطف وماله مابين الصحــاب
مافيش اى كلفة ولا كفتة و كبــــاب
وحسنى فى المساجلة تزايد علــــى
ولا فيش مزايدة على أى بـاب

وبزيــادة نلقى القلوب النضيفه
ونيتــها صافية وروحها خفيفـه
ولو لقمة حاف مابين الحبايب
حاتبقى أشهى من لحمة ونيفة

(محمود عبد الحليم )

عنيا انت تؤمر دا انت الكبير
وامرك مطاع ع الملك والوزير
وهادفع حساب العزومه ويالا
على الوليمه دا امرك يسير

مافيش مرة واحده اجرب ازايد
على حد احبه وحبه اللى زايد
ف قلبى يخلى البساط احمدى
واسأل على انا ف الشدايد

تقول فته نيفه هاجيبلك كباب
وانا اصلى عارف وقارى الكتاب
بحبك واحب الجميع اللى شارك
ياريت المساجله تكون للعتاب

مالوش لازمة بينا الملام والعتاب
دا احنا ياحسنى جميعـــا صحــــــاب
وحب الآدب جذبنــا وجمعنـــــــا
أديب أو أديبة فى حب الكتـــــاب

لا بينا ميراث أو حساب فى البنوك
حياله القصايد وناس يسمعـــوك
وساعات بنكتب قصايد جميلــــــــة
وساعات كلآمنــــا يجانبه الصواب

ساعات تقول الكلام اللى هـوه
رمانسى حنين هجومى بقــــــــوة
وف وقت تانى نفن الغنــــاوى
بخبرة وحنكــــــــة شاعر فتــــــوة
( محمود عبد الحليم )

عزومــــــة يا فيّومى يا ابن الأصول
دا معنى ما هوش أكل أو صَحن فول
و مهما الكلام كان فى قـــلبى بيرزَع
كما الرَّعد أو حتى قـَـــــــرع الطبول
***
أنا شــــايف ان المشــــــاعر يا شاعر
دى لعبة اللى يلعبها لو حتى قـــــــادر
ما ينفعشــى تبقى طـــــــــريق للتباعُد
لأن التواصُــــــل بدون حب واعِــــــر
***
و لما الزمايل تقرر تِصـــــــــــــــالح
و تنسى الضغاين و تنسى المصـــالح
دا يبقى المُنى يوم ما تِصْـفـَى النفوس
و لو عزرائيل مَـدّ إيدُه حاســــــــامِح
***
دى دنيا و مِنـْفـَاتـَه مهما تِطـَــــــــوِّل
سِوا ان كـُنت آخِر سِـوا ان كـُنت أوِّل
و انا قبـِلت أحضَر جميع العــــــزايم
و حتى لو الأكل برســـــــــــيم مِخلل

وحيد يابن وصفى ياشاعر نبيــل
كلآمك مسكر ومش مستحيــــــل
وبحر المشاعر بساع الجميــــع
وممكن نعدى يدوب الف ميـــــــل

تعالى العزومة تساع بالآلــــوف
من المبدعين لو انت شغـــــــوف
وانت ونصيبك بقى فى العزومـه
يابرسيم مخلل ياتاكل خــروف

( محمود عبد الحليم )

و أبدأ
***
عشقتك حكايه تعطر شفاه
و سيرة تزين كلام الرواه
***
و نجمه بحجم التمنى بتضوي
فتمشي الخلايق لشط النجاه
***
بحبك بقولها و لو يشنقونى
بحبل التجني و ظلم الطغاه
***
فشمسك تدفى المشاعر ما بينا
و نيلك بيروى عروقنا حياه

***

الشاعرالاصيل. عاطف الجندبيالمحترم

وكلام جميل ورائع بروعه نيل مصر ورعه مصر العظيمه
وبارك الله فيكم ودمتم للادب والشعراء
زكي الصمادي

محمد حسنى ابراهيم
رجعتوا حبايب واحنا بلانــــا
وهو يازوزة وانتى زميلـــــى

يخلى مديحنا مساوى لهجانــا
هاكلم شعورك ياحلوة هاتيلى

اماره لحبك دا هو دوانـــــــا
بيفتح شهيتى ويبقى دليلـــــى

فى لم المعالق ياحودة حكايتك
تلم انت قبلا وتحكى لغايتــــك
وغايتك حكايه وقصه طويلـــه
بتتمنى يابنى يكون فين لقانــــا

رجعتوا حبايب واحنا بلانــــــا
**********

ياحسني عتابـــــك حقيقي تعبنـــــي
زميلي يصالحني وأنت تحسابنـــــي

رجعنا زمايل وفــــين ( الحبايب )
ده هوّه زميلي وانت اللي ( إبني )

وزوزة ف عينه سليط اللســــــــان

يسوق العباطـه يسوق الشيطــــــان

عليه المعالـق وغسل الصحــــــون

وانت اللي ( تاكل ) ياسيد الحسان

***

زينات القليوبي

وباشهد وبابصم بإنّك ياعاطف
ذكاءك بيخمد فى اعتى العواصف
طريقه جميله واجمل مافيها
يشارك حبايبك فى { لم } العواطف

وأمّا العزومه سيبوها عليّـــــــه
عازمكم فى بحرى وفى اسكندريه
وقاعده جميله على البحر طبعاً
كابوريا وبورى ومشوى ف صينيه

وبعد العزومه ح ناخدك ونخلـــــع
ح افسّح سعادتك يا { حوده } ونطلع
ونهرب نروحوا ميدان المساجـــــــد
نسيبهم . اكيد حد فيهم ح { يدفع }

عادل عوض سند
وباشهد وبابصم بإنّك ياعاطــــــــــف
ذكاءك بيخمد فى اعتى العواصـــــف
طريقه جميله واجمل مافيهــــــــــــــا
يشارك حبايبك فى { لم } العواطف

وأمّا العزومه سيبوهــــــــا عليّـــــــه
عازمكم فى بحرى وفى اسكندريـــــه
وقاعده جميله على البحر طبعـــــــــاً
كابوريا وبورى ومشوى ف صينيــــه

وبعد العزومه ح ناخـــــدك ونخلـــــع
ح افسّح سعادتك يا { حوده } ونطلع
ونهرب نروحوا ميـــدان المساجـــــــد
نسيبهم . اكيد حد فيهـــم ح { يدفع }

***
(( هنــــــــــا الأسكندرية ))
(( محطة ولاد بيرم !!! ))
***
تعالوا وشوفوا هنا إسكندريـــــــــــــــة

زجلجل بيزجل بدخله عفيـــــــــــــــــة

لا غلطة ف قافية .. لا نقص ف ميزان

عشانه ضروري نآدي التحيــــــــــــــة

معلم ودارس ( ياعادل ) برافــــــــــو

ومين اللي سمعوا وفين اللي شافــــــوا

( عزومة المراكبي ) حاتعزم وتخلـــع

وكل اللي جونــا .. أكيد راح يخافــــوا

***
فتشت الحقيقة .. وصاحبـك فهــــــــــم

وحسني الكريـــم الحبيــــــــب إتظلــم

حاتدفع لوحدك حســـــــــــــاب الحيتان

( وعوضك علي الله ) يارمــز الكــرم

***

زينات القليوبي

ورحمة ابويا مخاصمك يازوزو
وانا صنف يزعل بيلوى ف بوزه
بقى ادخل واكتب ولاقلتى مره
ارحّب باخويا فهل ده { يجوزو }؟؟؟؟؟؟؟؟؟؟؟؟؟؟

خاصمها صالحها بقى انت ومزاجك
دى حاجة براحتك حسب احتياجــــك
لا زوزه حترضى فيك ياسى عــادل
ولا انت حا تفرض عليها سياجك

دا هى البهيــة .. والقليوبيـــــــــة
وأم المعانــى الشديـــده القويــــــــة
وشرط اللى يوقف قصادها يحاول
يعدى بحورها بخبرة ورويـــــة

وانا يابن بحرى بحــب السمـــك
ولو ناوى تعزم .. الله يكرمــــك
وممكــن نشارك فى دفع الفاتورة
ويارب تسلــــم ولا نعدمـــــــــــــك

( محمود عبد الحليم )

تعالى وشرّف ح تلقى الكرم
بلدنا دى ام الفنار والعلــــم
ياريتك تقوللى وامتى ح تيجى
ونغرف من البحر شتّى النعم

تنوّر .. تشرّف ياشاعر ياغالى
ومستنى نورك ف بيتنا يلالـــى
وكان نفسى ابعت هديّه .. ولكن
تمنها بياخده مراتى وعيالــــــى

[

[b=
"عادل عوض سند"
]color=red]
ورحمة ابويـا مخاصمـــــــك يازوزو
وانا صنف يزعـل بيلـــــوى ف بوزه
بقى ادخل واكتـــــــــب ولاقلتى مره
ارحّب باخويـــا فهل ده { يجوزو }
؟؟؟؟؟؟؟؟؟؟؟؟؟؟*********

عتاب الحبايب دا ( مطلب ) نعــــــــــوزو
نعيب اللي عايب ونرفض شـــــــــــــــذوذه
ورغم إني ( جــــــــــدّه ) سامحتـــك ياواد
كفايه إني سيبتـــــك تقولي يازوزو !!!!!!
***
عاملها ف جنابــــي ف ندوة ( رطيـــل )
وتعملها ( أنت )؟!!! دا شئ مستحيـــــل
تقولي حااصلي و( سالـــــــــم ) معايــــا
و( تخلع ) ماتسمع ؟! يازوق ياأصيـــــل
***
دا أنت اللي ( شرف ) ف (ندوة زينات )
ف حزبي اللي ( وفدي ) من التسعينـــات
وكنت العجـــــــــــــــــوزة وأنت المأطط
ولســّه بااشوفك ولا العشرينـــــــــات ؟!!
***
قريت لك ( نصوصـــــك ) وعيني تسمي
وباانسي معاهــــــــا دموعــــــي وهمـــي
( بتكبر عليه ) ؟!!! ياسيدي مسامحـــــه
ورحمة خواتي وأبويــــــــــــــــا وأمــــي
***
وحق الرسول الآميـن اللي هـــــــــــــادي
بااشوفكم خواتــــــــــي واشوفكـــم ولادي
نجاحكم نجاحي ( يانــــــــــــور العيون )
ياتاج فوق جبيني ( يازهــــــــرة بلادي )
****

زينات القليوبي

[/b]

تعالوا نحضن شمسنا

ونفتح لها الأبواب

ونسيب لنور الفجر طاقة

و نسيب لضي الشمس باب

ونخلى فجر الحب يطلع

وضيه حيقيد السحاب

"محمود عبد الحليم"
خاصمها صالحها بقى انت ومزاجك
دى حاجة براحتك حسب احتياجــــك
لا زوزه حترضى فيك ياسى عــادل
ولا انت حا تفرض عليها سياجك

دا هى البهيــة .. والقليوبيـــــــــة
وأم المعانــى الشديـــده القويــــــــة
وشرط اللى يوقف قصادها يحاول
يعدى بحورها بخبرة ورويـــــة

وانا يابن بحرى بحــب السمـــك
ولو ناوى تعزم .. الله يكرمــــك
وممكــن نشارك فى دفع الفاتورة
ويارب تسلــــم ولا نعدمـــــــــــــك
محمود عبد الحليم

*******

يخاصم يصالـــــــــــــح ومالك ياسيـــــــــــدي
ومهما حايعمل ضانايــــــــــــــا ووحيــــــــدي
ده هوّه اللي حقـــــــــه يقول مابدالـــــــــه ؟؟؟
وأنت اللي لازق .. كأنك وليــــــــــــــدي ؟!!
***
تقول البهيــــــــــــــــه أقول ياجمالــــــــــــــه
تقول القويــــــــــــة أقول .. مكتوبالــــــه !!!
بلا ش الصعايـــــــــــــدة ولا القليوبيـــــــــــة
يخشوا ف زجلنا وشرحــــــــــــــه وجدالــــــه
***
بلاش ( الصعايـــــــــــدة ) ف عرضك ياخال
وليـــه ( القلايبـــــــــــة ) ف ساحة النــــزال
تجرجر .. وأجرجـــــــــــر .. ومين بس يقدر
يربـــــــــــي اليتامـي .. وأم العيــــــــال ؟!!
***
تحب ( السمكمـــــــــــــك ) حاأجبلك شيكاره
قلبتم ريحتنـــــــــــــــا وريحــــــة العمــــــاره
يقولك تعالــــــي .. تقولـــــــــــــــه راح آجي
واحنا اللي مــُوتنا بريحـــــة الزفــــــــــــــاره
***
وكل الحكايـــــه يادوبك ( هجايـــــــــــص )
لاهوّه اللي ( عــــازم ) ولا أنت اللي هايص
دا انا احنا اللي جوعنـا .. وسالت دموعنـــــا
و ( عاطف ) ياعيني .. مدروخ ولايص !!!
***

زينات القليوبي

تخيلت روحى رئيس جمهورية
وذو رأى ثافب وذو المعيــــة
كلامى اللى اقول ينفيذ بهمـــة
ولا حد يقدر يسيطر عليــا

وناس حول منى حواه فوريجيه
وناس قاعدة تمدح آرائى اللى هى
وناسى بتنافقنى وناس بترائينى
وناس بتعاملنى بحكمة ورويـــة

تخيلت نفسى تخيل غريـــــــب
صراع المناصب محير مريب
لكن فى الحقيقة تخيل جنونى
يودى فى داهية وقول يانصيب

( محمود عبد الحليم )

مدروخ سى عاطف بريحة سى حوده
واحنا تعبنا وقولنا ياعالم
عزومه وليمه وكات ليله سوده
قلبت العماره وريحة السلالم

كمان القطط بيتت يوم تهوهو
دى اكله غريبه ماكانت تنونو
لكن انت قاصد تسمم بدنا
بلقمه ماجتش بقيت كانك مونون

وزوزه ضرورى كده تفضيحه
وانتى اللى عارفه كمان من ماضيه
بأنه بيعزم وهو فى مركب
ومين كان بيجرؤ يقرب عليه

رئيس مين ياراجل دا اثر الوليمه
مافيش اكله زفره تعدى بسلام
وانت اللى تقدر تفوت بالسليمه
تعدى وتوصل لشط الكلام

بتعمل معاك زى دوخه وتخيل
وتقلب دماغك كانك مبير
ولا انت اللى شارب تعال وميل
وغطى ياخويا الجميله وناااااااااااااااااااااااام

دى ريحتك ياحسنى اللى قالبة العمارة
ومين بس قالك حانطلب بصـــــارة
وعمال بتضرب فى فجل وبصـــــــل
وزوزه قالتلى ياواد ايه العبـــــــــارة

وقلت لها حسنى بعزومته خدعنـــــــأ
وكلنا بصارته وبصله وشبعنــــــــــــا
ولا طلنا لحمة ولا حـــتى رنجـــــة
وأخرة عزومته يازوزة اندوشنــــــــا

عــزومتك ياحسـنى مفاجأة قويــــــة
ولو كنا نعرف ايه الفيوميــــــــــــــــة
ماكناش قبلنا عزومتك ورحنــــــــا
أكلنا مع زينات القليوبيــــــــــــــــــة

( محمود عبد الحليم )

وبحلف واقولّك من المستحيل
يكون قصدى يومها فى ندوة { رطيل }
دا أنتى اللى زيّك بنسمع كلامها
{ كدستور } ومنهج لجيل بعد جيل

{وندوة زينات } اللى كانت حكايه
مانقدرش ننكر لفضلك معايــــــــــا
منا اصلى بحبى يادوبك ولسّــــــــه
ونور صرحك انتى بيجلى ف عمايا

واما { المأطط } يازوزو بلاش
تعيدى فى ماضى من العمر باش
دنا ف عمرى اكبر سنين من جنابك
فاضلّى { هبابه } ونطلع معاش

وعمرى مانكبر عليكى { يابنتى }
دا هان اللى قبلك وانتى ماهنتــــى
وصعب انى انكر وجودك { ياشمسى }
ياضى لحياتى ومنبع لزينتـــــــــى

ما فيش حــــــــــــد فى الدنيا يقـْدَر يغـَيَّر
بَياض النفوس اللى مالى القــــــــــــلوب
و لو يوم تراب جـِه يعَفـَّر وشـُـــــــوشـْنا
ما فيش .. هىَّ ثانية و يتشــال .. يا دوب

يا ريت فى اللى جاى نِبقى أعقل و أوعى
و ننفـُض غـُبار الصـــــــــراع عن إيدينا
و لو حد ســـــــــاق فى طريق الملاوعة
و حاول يضـَــــــــــــــــحَّك عيالـُه علينا

ندوس ع الزعل و الصـُّـــــــداع و النكد
و نفرش ورودنا فى عرض الطـــــــريق
لأن الجَمــــــــــــــــــال اللى فينا اتوَلـَد
خســـــــارة نِـقِـيْد فى ربوعـــــــه حريق

وبدأت عنيهم تبص لعزومـــــــــه
يادوبك على { النت } يادى الظلومه
وإيدهم بتحسب بكام الكابوريــــــــــــا
ويكفينا شر العينين والحكومــــــــــــه

{ ياحوده } ح نعزم فى { سراً } جنابك
ولو مش ح نقدر تجيلك لبابـــــــــــك
وحابعت فى طرد المحبه الامانــــــه
وتفتح تلاقى { بساريا } لصحابك

» شعراء العامية يشاركون فى مهرجان العامية غدا
» مساجلة شعرية فهل من دخول ؟
» مساجلة عن الكُره هل من مشترك ؟
» هيا نقول الشعر"مساجلة بالفصيح "
» مساجله / العيد بيفوت والجيب ما فيهوش