مساجلة شعر العامية

ما تيجوا نغير و نفرز يا ناس
ف مجلس يشرف ، دهب موش نحاس
يلبى المطالب و ترجع حقوفنا
بدون أى واسطه و بوس المداس
بلاش كرسى يلزق و يشبك هدومنا
و بنعيب ف غيرنا و أحنا الأساس
و دى مش دعايه لأنى مرشح
و لكن دا مبدأ و كلي حماس
****

الى الفارس الشهم
والزجال القدير
الاستاذ / وحيد وصفى

كلامك يا وصفى دوا للقلوب
روشته يا صاحبى بتمحى ف ذنوب
وبكره ح تلقى قلوبنا النضيفه
ح تنضح علّلى ما يعرف يتوب

وطيبتك وقلبك ولونه ف كلامك
ومعنى رهيّف بيرفع مقامك
وطبعاً جنابك ح تيجى معاهم
عشان اكفى نفسى مرارة ملامك

لـَوَ ازْحَف حاجيلـَك يا عادل ســــند
دا انا حتى نِفـْسى أسـَلـِّم عليــــــــك
و اســــلـِّم على كـُـل أهــل الطريقة
شقايقى و حبايبى ... و بُص بعينيك

حَتِلـْقـَى المداين بتِطـْـــرَح قـُلـــوب
و تِلـْقـَى المآذِن بـِتـِدَّن أمـــــــــــــل
و كـُل اللى بيننا قصــيدتين يا دوب
لكن دى القصايد بتعمـِِل عـَمَـــــــل

رد : مساجلة شعر العامية

لإنك وحـــــــــيد ف الزمـــــــــــان اللعـــــــــوب

وعايــــــــــش قصـــــــــايد بترقــــــــص بتــــوب

عــــــــزومتك أغانــــــــــــى وقصــــــــايد يادوب

وعَــــــــــــند الحِســـــــاب تستغيـــــــث بالســــــند

***

عـــــــزومة مـــــــــراكبى ، وخــــالى الجـــــــيوب

وســـــابحة مراكبــــــــــه على مـــــوج غضــــــوب

ما بينك وبــــــــــــين الحســـــــــــــين الــــــــدروب

ما تــــــنزل علـــــــــى الشـــــط واصــرخ .. مـــدد


وداد الهــــــــــــــوارى

: مساجلة
الأستاذ الشاعر/ عاطف الجندى

لإن الحكــــــــــــــاية بدايتهـــــــــــا غلـــــــــــــــــط

كراســـــــــــى تُرشـــــــــــح لنـــــــــاس بالعـــــبط

لـــــــــشلة علـــــــــــيها ..الحــــــــــزام إتربـــــــط

ومهــــــــما أنتخـــــــــــبنا .. كــــــــــلامنا .. عـــدم
*****

ياعاطـــــف .. يا خـــــويا دى أصـــلاً .. مصـالــــح

ونـــــــاس فيهــــــــا صالــــــــح ، وفيهــا اللى طالــح

وفيــهـــا المرَبـــــــــط ، موالـــــــــــــس ، وفالــــــح

وضـــــــاع الشـــــــــريف اللى يحـــــــــِىِ الهِِِـِــــــَمم

وداد الهـــــــــــــــوارى

لانا غاوى منصب ولا غاوى جاه
وهمى حقيقى فى قلب الحيـــاه
اعيش عمرى خادم لكافة زمايلى
واقضى رسالتى فى كل اتجـــــاه

حقيقى شغلت وظايف كتيــــــــرة
فى قلب الصحافه لفترة كبــــيرة
فى الراية القطرى وقلب المدينــــة
وليا فى الاذاعة برامج كتيــــــــرة

وشغلى الميدانى فى قلب الضرايب
مدير عام وليا فى مشوارها نايــب
وزيادة الموارد فريضة عليــــــا
عشان اقدر اخدم جميع الحبايــب

وانا اصلى زاهد فى كل الامـــور
لاعندى تعالى وزهو وغــــــــرور
ويكفينى انى فعلا باعامل الهـــــى
بخشية ورهبة واطيب شعــــــــــور

(محمود عبد الحليم )
مرشح لعضوية مجلس ادارة اتحاد الكتاب رقم (60)

[b]

وداد يا رفيقة دروب البداية
و شايفه المصالح بتعمل رواية
تخلي اللى أعمى ف ثوانى ساعاتي
و له ألف قصة و قصايد حكايه
تخلى الجميلة ف شكل و نبيهه
بتفهم و تغمز ، لها شان و آيه
تمثل بلدنا بدلعها و تدى
الثقافة بجزمه و دى موش نهايه
كفايه سكوتنا على كل ظالم
و يللا تعالوا حبايبى معايا
******

حبيبى يا (حسنى ) و قلبى اشَتراك
يا أجدع صعيدي و زاين سماك
يشرفني صوتك و من قبله قلبك
و قلبي يقابلك بود و شباك
لا تبعد ف مره و لا يوم تسيبني
و ( محمود ) أخونا ماتنساش معاك
ورقمى دا عشرين و زادوه بسبعه
و ستين تلاقي أخونا هناك
**********

[/center]

رد : المسـاجلة
يا عــاطف .. وشــــــــوفنا بلاوى ، وعجايب

عروٍٍٍٍســـة وحــــلاوة ، وصاحـــب وخـــــايب

ويحكـــى بلســــانها لكـــــين ليهــــــــا نــايب

كراســـــــــى الموســـــيقى تدور ع الِشــــلل

***
ياريت بــــــــس ناخــــــــد بإيــد لاِتحــــــــاد !

وصـــوتنا يوّصــــــــل ونوفـــــــىِ الميعــــــاد

نغِّــــــــير ظـــــروف القُـــــــــدام ، والجـــُداد

ف درب الأداب اللـــــــــى صابهـــــــا الشــَلل

وداد الهـــــــــــــوارى

[b][center]

وداد الهوارى كتب:

رد : المسـاجلة
يا عــاطف .. وشــــــــوفنا بلاوى ، وعجايب

عروٍٍٍٍســـة وحــــلاوة ، وصاحـــب وخـــــايب

ويحكـــى بلســــانها لكـــــين ليهــــــــا نــايب

كراســـــــــى الموســـــيقى تدور ع الِشــــلل

***
ياريت بــــــــس ناخــــــــد بإيــد لاِتحــــــــاد !

وصـــوتنا يوّصــــــــل ونوفـــــــىِ الميعــــــاد

نغِّــــــــير ظـــــروف القُـــــــــدام ، والجـــُداد

ف درب الأداب اللـــــــــى صابهـــــــا الشــَلل

وداد الهـــــــــــــوارى

[b]

كلامك يا غاليه و جه ف الصميم
و خبط و نادى و كله سليم
يا كتابنا فوقوا و صوتكم امانة
متدوش لواحد فى فكره سقيم
ف يوم الانتخاب بتشفوه بيشاغلكم
و بعده بيظهر كانه .. رجيم
و ليكوا حقوقكم ف حسن اختياركم
أنا قلت قولي و ربك عليم
********

عاطف الجندى كتب:

محمود عبد الحليم كتب:

حقيقى انا فى حالة ذهول
خمستاشر اللى حايخدوا القبول
ولو كانوا قالوا حيختاروا واحد
راح ادى لعاطف بحب واصول

ولو انتى يازينة نازلــة مكانى
راح اديكى صوتى بقلبى وكيانى
عشان تساندى عاطف فى مجلس
محتاج مساندة لها شكل تانى

كبير أنت دايما يا عم الشباب
يا محمود وسيرته تعطر كتاب
و صوتى لطيبتك و حب ف جنابك
و ربك هيلهم جميع الصحاب
و زينة دى أخت الجميع يا صديقى
و قلب الصديق مهما طال الغياب
بيرجع لبيته بود و محبة
و ربك يخلى طلبنا مجاب
*****

ـــــــــــــــــــــــــــــــــــــــــــــــــــــــــــــــــــــــــــ

انا بادعى ربى نصحى العقــول
ونعرف ونفهم فى ايه راح نقول
لان ساعات العواطف تخلـــــــى
قلوب الحبايب يصيبها الأفول

وحاشا لله السميع العليــــــــــــم
تكون العواطف سلاح اللئيـــــــم
يحارب أى واحد من الموجودين
عشان حد عايزه لوحده يقيـــــم

ودايما ياعاطف حانبقى عدالـــة
وتبقى العواطف بعقل واصالة
ولو حد حبك زيادة شويـــــــــة
مافيش اى مانع على أى حالة

واحنا وجميعا حبايب صحـاب
ولا أى قوة ولا انتخــــــــاب
حاتقدر تغير قلوبنا اللى حبت
وبين الحبايب مافيش اغتراب

(محمود عبد الحليم)

[center][b][justify]