فضفض .....

مليش في اللف والدوران
مليش في متاهة الأحزان
بديل عنك ..!!!
فسمحينى
لو استسلمت يوم صدفة
وعديت القلق
ليكي
يغميكي
ويتسلي ف حواريكي
ويهديكي
ولاد
غيرنا
يا قاتلة نبض تفكيرنا
بكل الكسر ...
والواغش
بلاش من تاني نتناغش
علي المبدأ
مادمتي رضيتي نتفرق
تعالي ...
وزّعي التركة
وسيبي الحلم في السكة
ملوش عازة
وعبّي الكره ف قزازة
بإيد مصنوعة جواكي
يا محلاكي
ف توب من خامة الأحزان........

........
طلع كل الحزن الساكن وسط شقوق الروح
جايز كل جروح الروح ...تتلم

وطلعت خلاص بره الصورة

الحلم لحظة إفتعال للنظرة ف وشوش الجميع
الفرصة لقطة إختيار
بين انفرادك أو تعيش وسط القطيع
الحزن
شباكنا الوديع
العمر مجموعة بيوت متأسسة فقلب الوطن
وسط الغلط

..
دي المسافة بعيده جدا من بلادك للحياه
كنت قاصد تمشي بيها
ولا كان سوء إتجاه

.....
السكة أبعد م الخطى
والضهر أوطي من الحمول
يا حزن غاوي الشلفطة
ركبت خوفنا ع الفصول
وبقيت مدرس للتاريخ
وبقيت مهندس للصريخ
وبقيت منظم للحياه
التوهه...
خلتها إتجاه
والحلم عديته العقول
دي السكة أبعد م الخطي
والضهر أوطي من الحمول

يا شعب عاقل مبدأك ........
طنش ...تعش
لما يجيك الدور أمانه تكلمة وتفهمة
وبلاش عشانك ...
ترتعش
ركب وشوش التلج واهتف
للخضوع
تحيا الأماني الميتة وسط الجموع
خليك بطل لابس حمل
صوّت وحاول من صويتك ...
تنتعش

الوطن
...
نسمة عصاري
تحت شجرة سنط جمب النيل
الوطن
ضحكة نخيل ...لحظة طلوعك ع الجريد
الوطن شباك حديد
بتطل فيه البنت أم الغمازات

الثورة رجعت يا وطن للصفر حافية
كام ألف حاجة ف سكتك لساها خافية
كل الصخور لانت وانت اللي لسه نبضتك ويانا ليه جافية
شايفك مسلم للخريف روحك
والحزن وطّن خطوتة وبناها ف سطوحك
وعزفت من طين البلا نوحك
وعرفت إن المسألة ماشية معاك
عافية
الثورة رجعت يا وطن للصفر ليه حافية

سندحاكه ...
وقت لما الضع فات
حيث أن البستلاوة ...قالوا ليها البع مات
ف إنتكافك مش كاموه
اما شافوا سنين أبوه
حاولوا مره يفهموه
قالوا هاتوا الدش سات
جابوا إعلامنا المناضل
قالوا شحرمنا اللي فاضل
باستريفو الشك ماضل
قالوا فيها السع جات
سندحاكه ...
وقت لما الضع فات
أصل لما البش عاز
شد أبوابه القزاز
بص ف عيون العزاز
قالك الطح افترات
....
دا اللي حاصل....
يا حبايب
كل إعلامكم وإعلامنا
مصايب
شوف حقيقتك أو حقيقتي..
قلب دايب
لسه شايب م ...الساعات
..
كل حاجة جرح طالع
كل سطر ف قلبي بالع
ألف جرة حزن والع
قولي سامع
من سكات
..
أوعي تتفنن عليا
مانت مني وانت ليا
جرح قلبك نزفه فيا
مهما تبعدنا الحجات
...
سندحاكه ...
وقت لما الضع فات

نورت الموضوع أ / سهام
في انتظار مشاركاتك