فضفض .....

منصور غيضان كتب:

الثورة دمنا الفاير

وأسم الشهدا ف الميادين

بيانير خمسة وعشرين

لحد اللحظة بالتبيين

وحكم العسكرى الطايش

مايقدرش على يكون عابش

بغير الكرسى والنياشين

وضرب النار على الساجدين

وتلفيق الأدلة لمين ؟

لمجنى عليهم  الليلة

ومصر الغالية بتنادى

يا أولادى

يا أولادى

أنرت المكان أخي
في انتظار مشاركاتك

محمود جمعة كتب:

برغم طول الالم

واقف ف وش الريح

لا يوم عرفت الندم

ولا هزني التجريح

بين الوجود والعدم

أيامنا معدودة

لا خاف شجعها وسلم

ولا للجبان  تصريح

  

اتقسمنا وحق لينا الإنقسام

محمود جمعة كتب:

لما الاخ يقول للظالم

أقتل أخويا

وأما القاتل بعد ما يقتل

يحضن أبويا

----

وأما الدم السايل مني

يفرح شاعر

وأما الشعر يصب الظلم

ف جرحي الواعر

-----

يبقي أكيد تعبان السحرة

مكنش حبال

وعند الناس الحق الواضح

بقي بطال

----
  

.........
يا عم عماد بلاش أحسن
معدش الوقت بيصالح
بقينا أغراب
معدش القلب بيسلم من الاحباب
بقينا جماعة ف الضلة
وخلق بخلق تتسلي
بقينا بنكسر القلة ورا الأصحاب
...........
ياعم عماد بلاش أحسن

عماد عبد الحكيم كتب:

لأن ال طظ مش كافية
بقولك تيييت
ياسيس الخطوة والمذهب
يابو التوابيت
عملت بإنك المصلح  
بنيت لك بيت
وقلت الشعب  ف حمايتى
....
بقي  الميت ف إعلامك
أكيد خاطي
وكل الحق -لو ييجي-
بيلبس
بدلة  ظباطي
وطبالك ..ماهوش واطى
لإنه اتعلم التطبيل ..
علي أصوله
ومهما الخلق بيقولوا
عن الحاصل
مافيش فاصل
مابين الدم
والقاتل
سوي قولك
ف كمل
سكتك ...نولك ........
ومتخافشي

لأن الخلق من بعدك
خلاص عرفت
تعدي الجسر وبتمشي
علي كل اللي كان ...بيننا
يا سيس الفكر فيه إن
ومتقولليش
بإنك مستعد تموت
عشان مصر اللي غاليه تعيش
ماهي الكلمة بدون جمرك
....
وكل الدم متفبرك
ف نام ...بعد اللي كان ..
وإرتاح

عماد عبد الحكيم كتب:

عماد عبد الحكيم كتب:

لأن ال طظ مش كافية
بقولك تيييت
ياسيس الخطوة والمذهب
يابو التوابيت
عملت بإنك المصلح  
بنيت لك بيت
وقلت الشعب  ف حمايتى
....
بقي  الميت ف إعلامك
أكيد خاطي
وكل الحق -لو ييجي-
بيلبس
بدلة  ظباطي
وطبالك ..ماهوش واطى
لإنه اتعلم التطبيل ..
علي أصوله
ومهما الخلق بيقولوا
عن الحاصل
مافيش فاصل
مابين الدم
والقاتل
سوي قولك
ف كمل
سكتك ...نولك ........
ومتخافشي

لأن الخلق من بعدك
خلاص عرفت
تعدي الجسر وبتمشي
علي كل اللي كان ...بيننا
يا سيس الفكر فيه إن
ومتقولليش
بإنك مستعد تموت
عشان مصر اللي غاليه تعيش
ماهي الكلمة بدون جمرك
....
وكل الدم متفبرك
ف نام ...بعد اللي كان ..
وإرتاح

خلاص إعلامك ال طيب
مكمل سكتك بنجاح
وجابو التهمه للمقتول
وخلو القاتل المسئول
برئ م الدم ...
والأهة
لبست العهر بوجاهة
وجوه السكة دي
...
طبيت
لان الطظ مش كافية
بقولك تيييت

يلا
كله يصدق
كله يفرق ف التهديد
مصر جديدة ف عصر جديد

يلا
كله يصدق
كله يفرق ف التهديد
مصر جديدة ف عصر جديد
مصر الثورة
بتكشف عورة
بتفرش قلب ف قبضة حديد
أصل شبابها الفاهم ...فاهم
رافض يقبل أو يتفاهم
رأي التاني بيعمل عالم
عامل فيها بعقل رشيد
سلم عقلك للإعلام
أركب موجك وابقي إمام
طلع كرهك ع الإسلام
ردد عدد زود زيد

...
يا سايب دماغك في يد المغول
يا راكب حمارك وقادر تقول
بإن اللي ماتوا مجرد فصول
رواية كاتبها مواطن بليد
يا ماشي ومريّح ف صف العبيد
أمانه ف رقبتك في كل اللي ماتوا مكنتش سعيد ..!؟
مقولتش ...يغوروا
وقلت الحكاية ..وأصل الروايه غلطهم كبير
وصدقت روحك شربت اللي قالوا سيادة الوزير
برغم اللي كانلك زمان من سيادته
رجعت بلسانك بتلحس بيادته
وقلت ابتهاجك ولحظة سعادته
دا لما يشوفك
ف صف ال ..ير
وكمل طريقك وبلبع سخام
ونفض لمخك وشد اللجام
وحاول تبرطع وتعمل تمام
لإنك مواطن
وعقلك نضيف

....
طب يعني أمتي وكيف
نطلع نهد الزيف
مكشوف يا حد السيف
واحنا اللي حاضنينك
يا حزن لو تمشي تلقانا ماسكينك
مسكينك اللي اتولد بتطولوا سكينك
والعقل مهما اتوجد
بيطل كيف ...
الضيف
طب يعني إمتي وكيف
*-*

....
اصل الشجاعة ....
يا شجاع
تلعب ف منطقة الضباع
وتسلي روحك
بالرمم
اوعاك تقول ان الحياة جواها شئ اسمه الذمم
أو شئ بيتسمي الضمير