فضفض .....

الله الله الله الله

عبد التواب الرفاعى كتب:

الله الله الله الله

في انتظار مشاركاتك أخي
والتي ستزيد الموضوع بهاءا

يا مصر ايه فاضل
دا الشعب بيناضل
صابر وكان فاضل
واتعلم التشبيح
كل الحجات بتبيح
انك تكون ..
واطى
والبدلة ظباطي
صبحت من العادي
ولا حد منها يخاف
ولا حد بينادى
الا علي الرشاش
والسنجة
والشومة
هتفت لنا البومة
.....
والشعب لباها

واحد كان واخد اسمه زمان
*-*
موبايل
والحاسب
والقهوة ف كوباية
ومنير بيغني الحدوتة
...
وكتاب مش عارف يلقي لك
من يومك ....
وقت
إحساس...
من وقت الثورة...
بالكبت
وسلامو عليكو..وبعديها حبة شخابيط
والناس ف البيت
شايفيني منفض للدنيا ومش شايل
هم
منا شاطر جدا جدا
في الرسم
ومحدش فيهم جاب الفرق ما بيني وبين
واحد ...
كان واخد اسمي زماااااان
ومكنش بيعرف يتلون
ولا كان بيطيق الاسود ....
ف الالوان....
...
دلوقتي بيسمع لمنير الحدوتة
وبيشرب قهوة ف كباية
وبيقعد قدام الحاسب
يتحاسب
مع واحد
كان واخد اسمه زمان

مابين كلام .وسط الكلام
وما بين خبر وسط الخبر
السكة عشقتها الحفر
والسطر سلم للغفر
والحزن شئ لا يغتفر
والضحك سلم ...
ع الألام
دا مابين كلام
وسط الكلام
..
أكذوبة كانت ضحكتك
ياللي انت تايهة ف سكتك
ليه الملامة مسكتك
وبقيتى ندابة فرح
..
شطك ماهوش مرسي القلوب
مشتاقة دايما للغروب
بتحبي أوقات الهروب
وتقولي عنها خيال
شطح

أنا جيت افضفض لقيت قلبي بيكتب بس متضايــق
أنام يولِد منامي كابوس بيكــدب، بكرا مش رايــق
ماعدشى خلاص مابيننا كــــلام ولا حــــــواديــت
ياريت نصحى بقى ونرسم ملامح مصر،مين سابق

علي قابيل كتب:

أنا جيت افضفض لقيت قلبي بيكتب بس متضايــق
أنام يولِد منامي كابوس بيكــدب، بكرا مش رايــق
ماعدشى خلاص مابيننا كــــلام ولا حــــــواديــت
ياريت نصحى بقى ونرسم ملامح مصر،مين سابق

ماعدشى خلاص مابيننا كــــلام ولا حــــــواديــت
ياريت نصحى بقى ونرسم ملامح مصر،مين سابق

فضفض وسيب القلم يرسم ملامحك نور
شاهد عليك القمر وانت حزين مقهـــــور
عايش فى دنية امـــــل والوهم احساسك
مابين نفسك وبين ناسك ياشاعر ثــــــور

علي قابيل كتب:

فضفض وسيب القلم يرسم ملامحك نور
شاهد عليك القمر وانت حزين مقهـــــور
عايش فى دنية امـــــل والوهم احساسك
مابين نفسك وبين ناسك ياشاعر ثــــــور

يكون الحرف بوابة ف قلب السور
ونقضة ضي... بتنقط بنات الحور
ونبتة ضل ف الصهد اللي.. غلبنا
وبذرة صدق بتخضر أراضي البور

ملكش مكان .........
وطالعة الضحكة مرسومة بدون الوان
ولما الحرف بيخبط علي الأبواب
بيطلع له أمل بايش ويهتف له
غلطت يا صاحبي ف العنوان

يارب عدينى
م الدنيا واهديني
أعمل بإسلامي
وأتهجي أحلامي
والقاها تحيينى
يارب خليني
حافظ أمور ديني
وف ليلي تسقينى
وسط الندى ..
أزكار
يارب يا ستار
عن نفسي ...
قويني

هتتمرد ...وايه يعني
وفاكرإنك ...المعنى
بحدوتة وطن بائس
تكنش يا صاحبي جيت لابس
قميصك...
بس بالمقلوب...

هتتمرد ..وتحدف طوب
وفاكر امضتك ...
سلمي
وحيد انت ...وكل الخلق
متغمي..!!
وكل الخلق متأخون ..ومتفنن عليه
بالزور
بتلعب دور بطل مغوار
وراسم في الليالي نهار
وايده البيضه..مفرودة لعيون الدار
وفاهم ايه ...وفاهم ليه ...وعايز امضته البيضا
تخبط ع الصنم
ترضيه
..
ماتتمرد وايه يعني
..
وايه من تاني يمنعني
بإني أجيلك أتمرد ..!؟
وييجي الحزن يتجرد
ويستفرد
بتكوينك وتكويني
بتفنينك وتفنيني
هتتمرد ..هيكفيني
أقولك فم بالمليان....
............
وطنا البائس الغلبان
ماهوش محتاج دماغ ناشف

مفيش ....
دا كل المقرر ....
وأحسن إجابة
وجايز أكمل عليها ...ب عادي
وعارف أناور ...
وقادر ...
أعيش
وطبعا برغم إبتسامتى ال ...مريبة
بدوب ف الحبيبة
وقادر أطبطب عليها ...ب كلامى
وواثقة ف غرامي
ولما عنيها تخبط عليا
وتيجي ف عنيا
وتسألني مالك
أجاوب ....
مفيش

وفاء أمين كتب:

اسمح لي بفضفضة معاكو استاذ عماد عبد الحكيم

صياد ودان لكن مُدان
يرمي الشبك جوه الكلام
بدم بارد ياسلام
وطول الوقت بيزوق
يروح عقلك ورا الايام
ودنيا جميلة برغيفها
بيرسمها امل شبعان
يطّيرنا بحمام وسلام
ويلبس هو تاج وملوك
ويغرينا بشئ مملوك
وتحلم لما تنسى ابوك
و تكوينك وتنسى حتى تكفينك
يانطفه اصلها م الطين
ومهما تروح تروح للطين
بتسد ليه كده ف ودانك
لا بتوصلك آهات الجوع
وتّجل دايما خُدامك
وحدك تعيش في قصراوهامك
ميّت قصاد الناس
صاحي لأحلامك !

أنرت الموضوع أختي
في انتظار مشاركاتك دائما

الفرحة غريبة وبتحاول تتعرف بيك
مكسوفة توضح مشاعرها
وبتبص عليك
بتابع صوتك وتسلم
وبتضحك قبل ما تتكلم
بتعلم قلبك يشتاقلك وينام ف إيديك

كان بودي ....
أعرفك ....
من قبل ما يعود الخريف
كان بودي بجد أظهر
لما بضحك
مش سخيف
كنت بحلم عمري يجري
ف حاجة تانية
مش صراعي اللانهائي
عن ضرورة
كيف آتي ...بالرغيف
.....
كان بودي يا حبيبة
أعملك للفجر مرسي
تكبري رغم الكأبه
والرتابة
والأبالسة
تطلعي للكون ف همسة
ترسمي العمر النضيف

متعقلشي 
وخبط ع الطريق وامشي
متندهشي اللي فات قبلك 
وشوف في السكة ايه قابلك
ما يمكن 
تطلع الضحكة ومتبهتشي

يا بهية وخبرينا ....
مين عاشقك وبصحيح
مين اللي قلبه مينا ....
وف عشقك كان مليح
مين رايدك تبقي نادية
وتعدي البر راضية
وتجيبي الضربة قاضية .....
لحزننا القبيح