عقدة الرئيس " أوديب سابقاً" - طارق منيب

في يوم ماتولد بلم أبوه
وجابوا المنجم ... ياريت ماجابوه
فقاله المنجم ... أبنك ده مجرم
حيزني بأمه... ويقتل أبوه

خاف الأب طبعاً من أبنه ليكبر
وحس إن كرهه لأبنه بيكبر
فقال أقتل أبني وأرميه في بير
ومين منا يقدر يقتل ضناه
لقى نفسه عاجز وهدفه حقير
بيقتل في إبنه وهو في حماه
فعجزت أيديه عن قتله لأبنه
فساب المهمة لحرسه وخدمه

قالوا ازاي حنقتل في طفل برئ
فرموه وجريوا في وسط الطريق
وقالوا نسيبه فهو الضحية
ولكن لعمره اللي فاضل بقية

كان الطفل نايم فـ وسط التابوت
لقى ناس تحبه وقبلوه هدية
وقبلوه ككلمة فـ وسط السكوت
وقالوا حياتنا حتبقى هنية
لقوا فيه المحبة وكل السرور
وكانوا فـ ضلمة فصبحوا فـ نور
وربوا الولد.. وكان السند
وفاكر إن هما أمه وأبوه

في يوم الولد بيسعى لنصيبه
لقى العرافة صادفت وقطعت طريقه
سألها الولد تقول بخته أيه
فقالت أسكت أحسن وقفل عليه

فقال الولد قوليلي عشان أعرف
فردت وقالت حتعرف حتقرف
‏ فمكتوب عليك.. حتزني بأيديك
وتقتل ماتلقى اللي يبكي عليك
حتزني بأمك وتقتل أبوك
حتهرب حتجري ومش حيسيبوك
وأوعى تظن في كلامي بشكوك
واسأل عليا ده مخي مكوك
‏
خاف الواد على أمه وقتل أبوه
وهما الحقيقة مش أمه وأبوه
فقال لازم أرحل وخدعه ضميره
وسابهم وراح لقدره ومصيره

وماكانش يعرف إن بهروبه
بيهرب لقدره ومالهوش غيره
وهو في طريقه لمح لون بريقه
فـ موكب بيمشي وناس بتحاميله
سأل متعجب قالوله دة موكب
لقى فيه ملك ‏وحواليه حرس
بميت زمبلك يرنوا الجرس
يقولوا يابني وسع ملكنا فـ طريقه

فقال هي فرصة و أوعى تفوت
أبارز الحرس وأخلص وأموت
فقتل الحرس وقتل الملك
ووقع الجرس.. معاه الزمبلك

ودخل المدينة لقاها بتبكي
سأل أيه الحكاية فقالوا تبكي
ففيه وحش كاسر مدمر ديارنا
وهو اللي سبب دمارنا وخرابنا
فقال هي فرصة وأوعى تفوت
أقاتله ويمكن أخلص وأموت
ولكن ربه شاء أنه يغلب ويكسب
ويلقى في نفسه ملك جوة موكب

وجو يكرموه فقاموا جوزوه ‏
مراة الملك أصله وأبوه
أتاري صاحبنا أتجوز أمه
وكملت حكاية دموعه وهمه

في يوم المدينة شافت وباء
وقالوا دة غضب وعم البلاد
أكيد الرب غضبان علينا
ولابد نعرف سر اللي بينا
وجابوا المنجم .. وقال بينكوا مجرم
زنى بعرض أمه.. هدر دم أبوه
ياريت تشنقوه.. كمان ترجموه
وأوعوا بطيبتكوا في يوم ترحموه

قالوله ده مين فقال من جديد
أخاف أنطق أسمه فاروح في الحديد
وماقدرش أمسه.. أو أذكر في أسمه
فعرفوا إن هو الملك السعيد

فوصل الخبر لملك البلاد
وكان للقدر معاهم ميعاد
وعرفوا إن هما وقعوا في خطيئة
برغم أن أيدهم منها بريئة
قدر أو إرادة فهي جريمة
والأم صدمتها كانت كبيرة
وقالت دة عار فكان الانتحار
وكانت نهاية حزينة الحقيقة

وأما الولد فخزق عنيه
وبعد البصيرة ضاع البصر
وقال مش إرادة ده حكم القدر
لكن في الحقيقة.. لأ مش قدر

ماتستغربش رأيي ‏وتقولي لأ
وأسمعلي تلقى كلامي اللي حق
فمين اللي دور على العرافين
ومين اللي شغلت باله السنين
ومين خلى نفسه لخوفه فـ حنين
ومين اللي ماعرفش يمشي منين
أكيد صنف طبعاً من نسل آدم
لو ارتاح في باله بيصبح حزين
.............................

اخى الحبيب الشاعر الجميل

طارق منيب

سردت علينا قصة اوديب . ولانى اعرفك فأنت هنا تريد التنويه

عن اوديب الذى سوف يهلك كل من حوله بفعلته المشينه .

ولكن هنا . نحن نعرفه جيدا ومع ذلك نؤيده لكى يحكمنا من جديد .

اوديب ناوى يعملها مع الشعب كله . مش مع امه بس .

صدقنى . احلى اعتقالات حا نشوفها والسجون حا تفتح ابوابها للشعب

تانى . وحا نعيش ايام سوده .

ربنا يستر ياطارق ..

عادل عوض سند كتب:: اخى الحبيب الشاعر الجميل

طارق منيب

سردت علينا قصة اوديب . ولانى اعرفك فأنت هنا تريد التنويه

عن اوديب الذى سوف يهلك كل من حوله بفعلته المشينه .

ولكن هنا . نحن نعرفه جيدا ومع ذلك نؤيده لكى يحكمنا من جديد .

اوديب ناوى يعملها مع الشعب كله . مش مع امه بس .

صدقنى . احلى اعتقالات حا نشوفها والسجون حا تفتح ابوابها للشعب

تانى . وحا نعيش ايام سوده .

ربنا يستر ياطارق ..

أخي وأستاذي الجميل عادل

لا أخفي عليك أنني أكتب إليك وأنا في قمة الكآبة والحزن لوصول أوديب للتصفية النهائية..ولكن وجدت برضه أُديب في الشعب المصري الذي أختار الجلاد.. نعم هذا واقع..هناك مشهد في قصة أوديب لا أنساه.. عندما أراد أوديب أن يلقي يالوحش من فوق الجبل وقال له الوحش لا تلقي بي في هذه الهوة لأن هذه الهوة موجودة بداخلك.. وألقى أديب بالوحش وكان يلقاه بداخله.. نعم لقد أصبح مبارك بداخلنا.. أرى مثقفين تواقين لحكم شفيق لأنه سيعيد الأمن وكأن الأمن اقترن بالديكتاتورية والجلد.. ولكن لا أتوقع أن تعود عقارب الساعة إلى الوراء حتى لوأردنا أن تعود..سيسبقنا الزمن وسنلهث خلفه غصب إن عننا وآه ياأمة ضحكت من جهالتها الأمم

أخوك المتألم
طارق منيب

والله اخى طارق انا اكثر منك الماّ

فبالامس استمعت الى فيديو لشفيق ويسأله وائل الابراشى وبقوله له :

ماذا ستفعل لو الشعب ذهب الى ميدان التحرير ليطالب بإسقاط شفيق

ماذا كان رده : قال له :

لا الكلام ده كان زمان واللى حدث فى العباسيه دى بروفه فقد انهى

الجيش المظاهره فى خمس دقائق . يعنى خلوا بالكم .

فرد وائل : يعنى لو قامت مظاهره حا تبعت الجيش يقتل الشعب ؟؟

فقال لا لكن ماحدش يفكر يقوم بمظاهره تانى .

مبارك راجع والحزب الوثنى بيؤيده . وربنا يستر .

تحياتى طارق ...

عادل عوض سند كتب:: [center] والله اخى طارق انا اكثر منك الماّ

فبالامس استمعت الى فيديو لشفيق ويسأله وائل الابراشى وبقوله له :

ماذا ستفعل لو الشعب ذهب الى ميدان التحرير ليطالب بإسقاط شفيق

ماذا كان رده : قال له :

لا الكلام ده كان زمان واللى حدث فى العباسيه دى بروفه فقد انهى

الجيش المظاهره فى خمس دقائق . يعنى خلوا بالكم .

فرد وائل : يعنى لو قامت مظاهره حا تبعت الجيش يقتل الشعب ؟؟

فقال لا لكن ماحدش يفكر يقوم بمظاهره تانى .

مبارك راجع والحزب الوثنى بيؤيده . وربنا يستر .

تحياتى طارق ...

نعم أنهى الجيش المظاهرة في خمس دقائق لأن الشعب بارك ذلك

فليس هناك عاقل يوافق على احتلال وزارة الدفاع من الشعب

ولكن لو نزل الشعب عشان مش عايز شفيق الأمر حيختلف

ولو خلصها في خمس دقائق حيكون من حسن حظ الشعب

لإن معناها أنه حتتجمع تاني بشكل أكبر في خمس ثواني

لن تعود عقارب الساعة للوراء

حتى لو اراد 5 مليون من الشعب أو اكثر ذلك

تحياتي ياأستاذي
[/center]

» حكاية عقدة أوديب- مستوحاه من مسرحية الملك أوديب لـ سوفوكليس
» الدنيا كتاب- قارئ (طارق سابقاً) منيب
» جنازة الرئيس- طارق منيب
» أيوه بأيد الرئيس- طارق منيب
» تيت تي تيت .. تيت تي تيت ..الرئيس ماهوش مريض- طارق منيب