تيت تي تيت .. تيت تي تيت ..الرئيس ماهوش مريض- طارق منيب

ياللي كنت ساعتها نايم في السرير عامل مريض

أيه الحكاية قمت قاعد أما فعلاً شيخ عبيط

هو في السن بنكبر .. ولا في السن بنصغر

أوعى تاني فـ مرة تانية تقوم تقف يابن الحويط

ولا تيجي ساعتها تجري من خصوم كرهت عنيد

أو نشوفك أعلى كوبري وانت سارح بالسميط

أصلنا اتعودنا منك أي شئ ممكن جديد

بس ممكن طنط تزعل لو شبابك راح يعيد

أصل طنط عارفة أنك لو شبابك يوم يعود

راح تشوف جوازة تانية أما هي في التابوت

أصل أنت تاريخ معاصر والتاريخ درس الجدود

إن لما الواطي يعلا راح يخالف الوعود

لو تقوم ولو للحظة بعدها تموت من جديد

نفسي أشوفك وانت واقف وبإرادة من حديد

واحنا من الحسرة نسقف أو نقول كلمات نشيد

تيت تي تيت.. تيت تي تيت .. الرئيس ماهوش مريض

السلام عليكم ورحمة الله وبركاته
أخي العزيز الشاعر / طارق منيب
نص جميل
فكاهي
به الروح المصرية

وتيت تي تيت.. تيت تي تيت .. الرئيس ماهوش مريض

في انتظار جديدك

رائع ما جدت به هنا
بوح راقي جدا
دمت بكل الق
تحياتي
د. السيد عبد الله سالم
المنوفية – مصر

اخى الحبيب الشاعر

طارق منيب

خروجه علينا بهذا الشكل هى رسالة استهزاء .

ويريد ان يوصلنا ان الشعب خسر بتنحيه ولم يكسب

وعايز يقول لنا بالبلدى :

مش حا تعرف قيمة ابوك إلا لما تعاشر جوز امك .

بينى وبينك هو صح .. لان اتضح ان جوز امنا لايصلح اصلاّ

ولا يستحق هذا اللقب .. ولكننا نبتسم فى وجهه لنوصل ايضا

له رساله اننا استرحنا منه ونسير على الطريق الصحيح .

يعنى بالعربى كده بنضحك على نفسنا وبنضحك عليه حتى لايشمت

فقط .. عارف احنا عاملين زى ايه يا طروقه :

زى الست اللى جوزها مجوعها ومطلع عين ابوها .

ولما اهلها يسألوها .. ترد وهى بتضحك وتقول :

انا فى منتهى السعاده معاه ومكفينى ومكفى بيته .

وهى طلعان عين ابوها .. بس ده من اصلها وتربيتها .

يييييييييييييه .. بلاش بقى نكمل .

ياللا .. باى حبيبى ...

أخوتي الأحباء

قبل كل شئ باعتذر عن ردي المتأخر جداً

والله أعلم بالظروف

أخوكم

طارق منيب

عماد عبد الحكيم كتب:: السلام عليكم ورحمة الله وبركاته
أخي العزيز الشاعر / طارق منيب
نص جميل
فكاهي
به الروح المصرية

وتيت تي تيت.. تيت تي تيت .. الرئيس ماهوش مريض

في انتظار جديدك

بارك الله فيك

وفعلاً إبن العبيطة فضح نفسه

وبكرة يفضح نفسه أكتر ويقوم يجري

مودتي وتقديري

أخوكم

طارق منيب

السيد سالم كتب:: رائع ما جدت به هنا
بوح راقي جدا
دمت بكل الق
تحياتي
د. السيد عبد الله سالم
المنوفية – مصر

بارك الله فيك يادكتور سيد

خالص تقديري لمرورك الجميل

أخوكم

طارق منيب

عادل عوض سند كتب:: اخى الحبيب الشاعر

طارق منيب

خروجه علينا بهذا الشكل هى رسالة استهزاء .

ويريد ان يوصلنا ان الشعب خسر بتنحيه ولم يكسب

وعايز يقول لنا بالبلدى :

مش حا تعرف قيمة ابوك إلا لما تعاشر جوز امك .

بينى وبينك هو صح .. لان اتضح ان جوز امنا لايصلح اصلاّ

ولا يستحق هذا اللقب .. ولكننا نبتسم فى وجهه لنوصل ايضا

له رساله اننا استرحنا منه ونسير على الطريق الصحيح .

يعنى بالعربى كده بنضحك على نفسنا وبنضحك عليه حتى لايشمت

فقط .. عارف احنا عاملين زى ايه يا طروقه :

زى الست اللى جوزها مجوعها ومطلع عين ابوها .

ولما اهلها يسألوها .. ترد وهى بتضحك وتقول :

انا فى منتهى السعاده معاه ومكفينى ومكفى بيته .

وهى طلعان عين ابوها .. بس ده من اصلها وتربيتها .

يييييييييييييه .. بلاش بقى نكمل .

ياللا .. باى حبيبى ...

بص ياعمي وياأستاذي
أولاً واحشني جداً جداً وأعتذر عن مروري المتأخر لظروف العمل
قد نتفق أو نختلف حول مرسي
ولكن نتفق جميعاً حول مبارك
والله لو قالولي إن لو مبارك حيرجع حتكون مصر القوة العظمى الأولى في العالم .. مش حارضى .. لأنه حيكون مقلب من مقالبه.. ويرجعنا تاني للحضيض..
مرسي اخترناه بصناديق الانتخابات..
ومبارك اخترنا خلعه بالأحذية..
وربنا يخرجنا من محنتنا
خالص تقديري ياأستاذي
أخوكم
طارق منيب

» جنازة الرئيس- طارق منيب
» أيوه بأيد الرئيس- طارق منيب
» رسالة شكر إلى سيادة الرئيس مبارك - طارق منيب
» عقدة الرئيس " أوديب سابقاً" - طارق منيب
» ماهوش إسلام يابو إسلام " إلى حارق الإنجيل" - طارق منيب