قد إيه حبك يامصر (مربعات من فن الواو)

الولد من صلبنا
وحداه سمار كيه طين
عانصونه فى قلبنا
دا وليد ولدنا الزين
***

صاين قليبنا الولد
حافظلنا ع الطين
وحامينا ساعة الجد
عارف أصول الدين
***

العم فرحان قوى
عشقت ضلوعه وليد
فى الود بيه ترتوى
أرضه زاينها العيد
***

عيد فرح بادرها
ياسمين على الجنبين
والعطر ناضريها
دلوك فى زى الزين
***

ضم الكبير ولدنا
والغربة ما سارقاه
دا قليبة فى دمنا
والفكر يوم ما نساه
***

الولد عانسمية
عادل فى قولة الحق
حار النسايم فيه
وقليبنا ليه عايرق
***

جبتلنا ولد الواد
فى قليب عليه مفطور
خافه يروح لبعاد
طاحنينه كيه الطور
***

دبحوا خاروف لوليد
وجملنا مش بارك
شامخ فى توب العيد
والرب عايبارك
***

الشمل فينا إتلم
شعلل فى نار جوفهم
صابهم قتيل الهم
بالويل عويل خوفهم
***

الحضن عاينادى
ويا الضلوع فى بوك
تاخده فى حديت نادى
عايشل فى اللى خانوك
***

الدمع ما ينزل
ويا قليب أخضر
ليه الوحوش تنذل
ما قدرشى ليه تحضر
***

الخد زرعته ورد
ويا القليب زاينه
قربلى جانى الود
ويا سند عاينه
***

لما الغشم صابك
صافوك ماعتبانش
خلوا القريب عابك
وانت ما تتعابش
***

بوك عمره يوم قاسى
الهجر فيه قتل
والفكر ما نساشى
ليه إنت عاتهمل
***

البذرة طارحة الود
ويا قليب مشتاق
يتمنى ساعة الجد
عاتكونوا ليه عشاق
***

داولدنا عانربية
كاوبوى حداه خبله
الرمش ليه نهديه
فى العشق كيه دبله
***

بحبك يامصر
يابلد مليانة رجال حقيقيون
انا مش ببوظ حاجة بس انا مش شاعر ودى ضربت فى مخى وقلت اكتبها
وربنا بحسدكم يا ملوك الشعر فى المنتدى

أى حاجه منك حلوه

حتى لو ماكنتش شاعر

الكلمه تطلع غنوه

وكفايا عليك المشاعر

مالك ياولدى اكده

اصفر وزايغه عينيك

وحيلك مهدو ده

خايف جليبي عليك

******
عالوحده روح ياضناى

يكشف عليك الطبيب

شفاك كنه شفاى

حساك فى شي غريب

مالك بجد يا واد

لونك بجى بهتان

ما حببش ليه الزاد

والوكل زى زمان

نايم كده على طول

ومهمل إصحابك

عا آخدك ومن غير جول

لطبيب ويصحى بك

قوم بينا شد الحيل

عا لمركز الطبى

لابد ليك تحليل

فيك شيء ومتخبّى

جلبى عليك يا ضناى

من شكّة الإبره

والله المرض جسّاى

يِدّى السليم عِبره

بكره بإذن الله

راح اجيبلك التحليل

جانى الطبيب ويّاه

بكلام يهد الحيل

مسكت انا الورقات

ووجعت من طولى

املى الكبير اهو مات

وابنى دفن هولى