قد إيه حبك يامصر (مربعات من فن الواو)

نلحق ننادى عليه
يرجعلنا اللى ضاع
ناخده فى ننى عنيه
عشانه م الصياع
***

طب هعمل ايه يا شوشو

بنات بلدنا خانوني

والهم ده مين يحوشو

سيبوني اهاجر سيبوني

دورعلى الأخلاق
تلقى بنات بلدك
التانية ليك خناق
ولا هى من بلدك
***

أخلاقنا سافرت سابتنا

وبنات بلدنا يعلّو

ف السكّه ديّه ثبتنا

والبنت قبي تذله

إذا كان بناتنا يعلو
هيكونوا لك صاينين
ودوكها مهما يقلو
للعرض مش صاينين
***

يا خوانا متوحدوه
شامم ريحة جنازة
دا يوم بيحددوه
وهيعلنوه أجازة

الكل فيها موحد
بالله ليوم الدين
عشان نهزم ونوحد
الظلمة م الدينين
***

يا مصر يا ام البلاد
يا غالية يا حبيبة
عايزين رشا فؤاد
تكون دايما قريبة

أرجع لربك ودينك
سيب الشيطان و مصايده
يوم القيامة يدينك
ويقول عليك أنت صايده
***
الزهيرى

مالهم بنات البلاد
ما تقولى عيبهم أيش
رايح تبصبص يا واد
ولا عاتاكل عيش ؟
***
الزهيرى

لحم الصبايا أتكشف
بحلقت ليه عينك
حداك ضمير ما إتكسف
كيف ربنا يعنيك؟
***
الزهيرى

لحم الصبايا إتعرض
عريان على البلاجات
التقوى صابها المرض
و حمول سنين بلا جات
***
الزهيرى

يا كبيرى غض البصر
دى النظرة سهم شيطان
و اللى إتقى إنتصر
و لقى لبحوره شطان
***
الزهيرى

يا ابوي طب اعمل إيه

غووني والله بجمالهم

وقلبي أصبح فيه

سايق وراكب جمالهم

من بكرة لازم تعاود
قبلن ما تبقى معارة
لأبوك فى شيبته تعا ود
وشوف مصالحك فى جاره
***
الزهيرى

غاضض يا ابوي البصر

لكن غربتي مُرّه

والقلب مني اتعصر

وتعبت بالمرّه

من مصر نقّى وأنا أدفع
إن شاء الله أبيع لك هدومى
عمر الأجانب ما تنفع
ما تزيدشى فيّا همومى
***
الزهيرى

خلوك سلاح فى ايدهم
عشان يلين صلبى
و إن كت عاتفيدهم
ما تبقى من صلبى
***
الزهيرى

حارب عواطفك وهمّد
يا فرع سجرة جدودى
كيف ولدى اسمه محمد
وحفيدى يبقى يهودى؟
***
الزهيرى

ما تخافشي يا با عليّا

ولدك عمره ما يعصيك

بس انت نادم عـليّا

وانا آجي أمسك إديك

شبابنا اللى هجر

أمّه عشان واحده

صحيح بيبقى فجر

نفسه كمان جاحده

يا مسحراتي البلد

متقولشي ل اماتي

اني ها ابيع

البلد

وها اوكل اخواتي

يا عمي عادل ما تيجي

وهدّي ابويا شويّه

الحب ده مش بإيدي

إفهم يابا اللي فيّا

فكروا كيف يكسروهم

فجوزوهم بناتهم

وازاى بقى جوّزوهم

وكيف يعيشوا بناتهم

يا ابنى صبيّة بلادك

تاخدها طاهره وعفيفه

والطرح تلقاه ف ولادك

ذريّه فعلاّ نضيفه